ލޯބީގެ ގޮތުން ގުޅެން ތައްޔާރުވުމަށްޓަކައި "ޑޭޓް"ތަކަށް ގޮސް ހަދައެވެ. އެއީ ދެމީހުންނަށް ދެ މީހުންވެސް ކަމުދޭތޯ ބެލުމަށެވެ. ނޫނީ ދެމީހުން ދަސް ކުރުމަށެވެ. މިފަދަ ޑޭޓްތަކަށް ރެެސްޓޯރެންޓްތަކަށް ދާ ފަހަރު ބިލަށް ފައިސާ ދައްކާ ގޮތާއި ގުޅޭގޮތުންވެސް ވާހަކަ ދެކެވެއެވެ. ދެ މީހުންނަށް ބިލް ބަހާލަނީތޯ ނޫނީ އެެކަކު ފައިސާ ދައްކާނީތޯ ބަލައެވެ.
މިފަހަރު އެކަމަކު ކަންވީ އެހެނެއް ނޫނެވެ. ކެލިފޯނިއާގައި ދިރިއުޅޭ އަންހެނަކު މި ވަނީ އޭނާ ޑޭޓަށް ދިޔައިރު އަތުގައި ފައިސާ ނެތުމުން އޭނާ އިންނަން ޖެހުނީ ނުކައި ކަމަށް ބުނެފައެވެ.
އޭނާ ވަނީ އެ ޑޭޓްގެ ފޮޓޯތައް ޓިކްޓޮކްގައި ހިއްސާކޮށްފައެވެ. އޭނާ ބުނީ ޑޭޓަށް ދިޔައިރު، އޭނާގެ އަތުގައި ފައިސަ ނެތުމުން ކެއީ ފިރިހެން މީހާ އެކަނި ކަމަށެވެ.
އެ އަންހެން މީހާ ވަނީ އެ މީހުން ޑޭޓްގައި ތިބި މޭޒު ދައްކާލާފައެެވެ. އޭގެން ފިރިހެން މީހާގެ ފަޅީގައި ކާއެއްޗެހި ހުރިތަން ފެންނައިރު، އަންހެން މީހާ އިން ފަޅީގައި ކާއެއްޗެއް ނެތެވެ.
އެ ޕޯސްޓްގެ މަތީގައި އޭނާ ލިޔެފައި ވަނީ" އަަހަރުމެންގެ ފުރަތަމަ ޑޭޓްގައި އަހަރެންގެ އަތުގައި ފައިސާ ނެތުމުން އޭނާ ކާއެއްޗެހި ގަތީ އޭނާ"އަށް އެކަނި ކަމަށް ބުނެފައެވެ.
އަދި އޭނާ ވަނީ ދެވަނަ ފަހަރަށް އެ މީހާއާއެކު ޑޭޓަކަށް ދާންވީ ތޯވެސް ސުވާލު ކޮށްފައެވެ.
