ފުލުހުންނަށް މައްސަލަތައް ރިޕޯޓް ކުރަން ގުޅަން ޖެހޭ ފުލުހުންގެ ހޮޓްލައިން ނަމްބަރުތަކަށް ގުޅުމުގައި ދަތިތަކެއް ދިމާވެއްޖެއެވެ.
ފުލުހުން މިއަދު ވިދާޅުވީ ފުލުހުންގެ ހޮޓްލައިން 119 އަދި 3322111 ނަމްބަރު ފޯނަށް ގުޅުމުގައި ދަތިތަކެއް ދިމާވަމުންދާ ކަމަށެވެ. އެހެންކަމުން ކުއްލި ހާލަތެއް ދިމާވެއްޖެނަމަ 9888999 އަށް ގުޅުމަށް ފުލުހުން އެދިވަޑައިގަންނަވައެވެ.
ފުލުހުންގެ ހޮސްޓަލައިނަށް ގުޅުމުގައި ދިމާވެފައިވާ ދަތިތައް ހައްލު ކުރުމަށް މަސައްކަތް ކުރަމުންދާ ކަމަށް ވެސް ފުލުހުން ވިދާޅުވިއެވެ.
We regrettably inform the public that our 119 hotline, 3322111 is currently experiencing a service interruption. Hence the public is advised to call, 9888999 for emergencies until further notice. We are working hard to resolve the matter, and we thank you for your understanding
— Maldives Police (@PoliceMv) August 29, 2019
މީގެ ކުރިން ވެސް ބައެއް ފަހަރު ފުލުހުންގެ ހޮޓްލައިނަށް ގުޅުމުގައި ބައެއް މައްސަލަތައް ދިމާވެފައިވެއެވެ. ނަމަވެސް މާގިނައިރުތަކެއް ނުވެ އާއްމުގޮތެއްގައި ދިމާވާ މައްސަލަ ހައްލު ކުރެއެވެ.