މުޢުޖިޒާތްތަކަށް މުޢުޖިޒާތޭ ކިޔަނީ އެއީ އެކަންކަމަކީ ދުނިޔެ ހިނގަމުންދާ އާއްމު ހަމަތަކުން ބޭރުން އަދި އިންސާނާގެ ބުއްދިއަށް ގަބޫލުކުރަން ދަތިކަންކަން ކަމަށް ވާތީ ކަމަށާއި އެއީ ރަސޫލުންނާއި ނަބިއްޔުންނަށް ﷲ ދެއްވާ ހާއްސަ ހެކިތަކެއް ކަމަށް އޯއައިސީ ސެކެޓްރީ ޖެނެރަލްގެ އެޑްވައިޒަރ، ރާއްޖޭގެ ކުރީގެ އިސްލާމިކް މިނިސްޓަރ ޑރ.މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
ޝަހީމް މިހެން ވިދާޅުވީ މޯލްޑިވިއަން ޑިމޮކްރަސީ ނެޓްވޯކް (އެމްޑީއެން) އިން ނެރުނު ރިޕޯޓްގައި ރަސޫލާގެ އިސްރާޢާއި މިއުރާޖުގެ ދަތުރުފުޅަކީ ފްލޯކް ވާހަކައެއް ކަމަށް ބުނެފައި ވާތީ އެކަމަށް އިޝާރާތް ކުރައްވާ ކުރެއްވި ޓްވީޓެއްގައެވެ.
"މުޢުޖިޒާތަކަށް މުޢުޖިޒާތޭ ކިޔަނީ އެއީ އެކަންކަަމަކީ ދުނިޔެ ހިނގަމުންދާ އާއްމު ހަމަތަކުން ބޭރުން އަދި އިންސާނީގެ ބުއްދި އަށް ގަބޫލުކުރަން ދަތިކަންކަމަށް ވާތީ އެވެ. އެއީ ރަސޫލުންނާއި ނަބިއްޔުންނަށް ﷲ ދެއްވާ ޚާއްސަ ހެކިތަކެކެވެ. އެއަށް ޖެހޭނީ އީމާންވާށެވެ." ޝަހީމް ވިދާޅުވިއެވެ.
Moojizaay thakah moojizaathey kiyenee e' ee ekankamaki dhuniye higamundhaa aamu hamathakun beyrun adhi insaanaa ge buddhi ah qabool kuran dhathi kankamah vaathee eve. E ee rasoolunaa nabiyyunah Allah dhevvaa kaassa heki thakekeve. Eyah jeheynee eemaan vaasheve.
— Mohamed Shaheem Ali Saeed (@Mohamedshaheem1) October 6, 2019
އެމްޑީއެންގެ ރިޕޯޓާއި ގުޅިގެން ފާޑުކިޔުން އަމާޒުވުމުން އެމްޑީއެން ވަނީ އެ ރިޕޯޓްގައި ބައެއް ވާހަކަތައް އޮޅުން އަރާ ގޮތައް ގެނެވިފައިވާ ކަމަށާއި އެހެންކަމުން އެކަމަށް މަޢާފަށް އެދޭކަމަށް ބުނެފައެވެ.
ނަމަވެސް ގިނަ އަދަދެއްގެ އިލްމުވެރިންނާއި އާއްމުން ގެންދަނީ އެމްޑީއެން އަށް ފިޔަވަޅު އަޅައި އެޖަމިއްޔާ އުވާލަން ގޮވާލަމުންނެވެ.
ފުލުހުން ވަނީ އެމްޑީއެން އިން ނެރުނު ރިޕޯޓްގެ މައްސަލަ އާއި އެމްޑީއެންގެ މެންބަރުންނާއި މެދު ނަފްރަތު އުފެއްދުމަށް ކުރަމުންދާ ކަންކަން ބަލަމުންދާ ކަމަށް ވިދާޅުވެފައެވެ.
ސާބަހޭ ޝަހީމް. ތީ ޢިލްވެރިންނަކީ. ﷲ ޝަހީމަށް ޘާބިތުކަން ދެއްވާށި.
އެމްޑީއެން އަށްވުރެ މާވަރުގަދަ ބައިގަނޑުތަށް ދުނިޔެއަށް ފޮނުއްވާފައިވޭ. އެމީހުން އުޅުނީ ތިމާމެންގެ އުނި ސިކުނޑިން ވިސްނޭ މިންވަރެއްގެމައްޗަށް ބުރަވެ ހިތުހުރިގޮތަކަށް ހިިތުހުރި ވާހަކައެއްދައްކަމުން ދުނިޔެއާއި ޖާހަތަށްޓަކައި. ނަމަވެސް ވަގުތުޖެހުމުން ބުއްދިފިލައި ވަލުޖަނަވާރުންނަށް ބަދަލުވެ ނިކަމެތިކަމާއި ހިތްދަތިކަމުގައި މަރުވެދިޔައީ. އެމީހުނަށް ކުރެވުނުހާ ކަމަކީ ދުނިޔެ ނިމެންދެން ދުނިޔެއަށް އުފަންވާ އެންމެންގެ ލައުނަތް ލިބިގަތުން. ﷲ ގެ ރަހްމަތުން ބޭރުވެ ދެދުނިޔޭގެ އަޒާބަށް ހުށަހޮޅިގަނެވުން. ދެވަނަ ތުރުކީއަކަށް މި ޤައުމު ނެހެދުމަށް ގޮވާލަން.