ދުނިޔޭގެ ސިއްޙަތު ޖަމިއްޔާ (ޑަބްލިއުއެޗްއޯ) އިން ރާއްޖޭގައި ފަށާފައިވާ "މިޝަން ފިޓް މޯލްޑިވްސް" އެންޑޯޒްކޮށްފިއެވެ.
އެޖަމިއްޔާގެ ރާއްޖޭގެ ގޮފިން ކުރި ޓްވީޓެއްގައި ބުނީ ރާއްޖޭގެ އާބާދީގެ އުމުރުން 40 އަހަރާއި 49 އަހަރާ ދެމެދުގެ އަންހެނުންގެ 69 ޕަސެންޓަކީ ފަލަ މީހުން ކަމަށާއި 53 ޕަސެންޓު ފިރިހެނުންނަކީ ފަލަ މީހުން ކަމަށެވެ. އަދި އެކަމަކީ ގައިން ގަޔަށް ނާރާ ބަލި ޖެހުމުގެ ފުރުސަތު ބޮޑު ކަމެއް ކަން ފާހަގަކޮށްފައިވެއެވެ.
In Maldives, 69% Women & 53% Men aged 40-49yrs are overweight/obese - major risk factors for several NCDs. Promoting physical activity is amongst the best buys to address risk factors. WHO commends @MoYSCEmv for MaldivesFIT initiative- a step towards a healthier nation #BeActive
— WHO Maldives (@WHOMaldives) October 16, 2019
ޔޫތް މިނިސްޓްރީގެ އިސްނެގުމުގެ މަތިން ރާއްޖޭގައި ފަށާފައިވާ "މިޝަން ފިޓް މޯލްޑިވްސް" ސިއްހަތު ޖަމިއްޔާއިން އެންޑޯޒް ކުރުމާ ގުޅިގެން މިނިސްޓަރ އަހުމަދު މަހުލޫފްވަނީ ސިއްހަތު ޖަމިއްޔާއަށް ޝުކުރު ދަންނަވާފައެވެ.
މަހުލޫފް ވިދާޅުވީ ގައިން ގަޔަށް ނާރާ ބަލިތައް ޖެހޭ މިންވަރު މަދު ކުރުމަށް މިހާރުން މިހާރަށް ފިޔަވަޅު އަޅަން ޖެހޭ ކަމަށެވެ. އަދި އެ ކެމްޕެއިން މެދުވެރިކޮށް ރަނގަޅު ބަދަލެއް ދިވެހި މުޖުތަމައަށް އައިސްގެންދާނެ ކަމަށް މިނިސްޓަރު ވަނީ ވިދާޅުވެފައެވެ.
އެ ކެމްޕޭނު ފެށުމަށް ޔޫތް މިނިސްޓްރީން ވަނީ މަޝްހޫރު ބޮލީވުޑްގެ ތަރި، ސުނިލް ޝެއްޓީ އެ ކެމްޕޭނުގެ އެމްބެސެޑަރަކަށް އައްޔަންކޮށްފައެވެ.
މިޝަން ފިޓް މޯލްޑިވްސް އަކީ ރާއްޖޭގެ ހުރިހާ ކަންކޮޅުތަކެއްގައި ފިޓްނެސްގެ އެހީތެރިކަން ފޯރުކޮށްދިނުމަށް ސަރުކާރުން ފަށާފައިވާ ހަރަކާތެކެވެ.
