ދިވެހި ފުޓުބޯޅައިގެ އެސޯސިއޭޝަންގެ އެތެރޭގައި ކޮރަޕްޝަންތައް އޮތީ "ހިތަށް ނުގެނެވޭހާ" ގިނަކޮށް ދިވެހި ފުޓުބޯޅަ އެސޯސިއޭޝަންގެ ކުރީގެ ރައީސް އަލީ އާޒިމް ވިދާޅުވެއްޖެއެވެ.
ރައްޔިތުންގެ މަޖިލީހުގެ މެދު ހެންވޭރު ދާއިރާގެ މެންބަރު އަލީ އާޒިމް ކުރެއްވި ޓްވީޓެއްގައި ވިދާޅުވީ، ރާއްޖޭގެ އެންމެ ގިނަ މީހުން ބަލާ އަދި ކުޅޭ ކުޅިވަރުގެ އެ އިދާރާ އޮތީ ނުބައި ހާލަތެއްގައި ކަމަށެވެ.
"މިހާރުން މިހާރަށް ފިޔަވަޅު ނާޅައިފިނަމަ ދެން އަތެއް ނުވާނެ، ހިތަށް ނުގެނެވޭހާ ކޮރަޕްޝަންގެ ގިނަ އަމަލުތައް ދަނީ ހިނގަމުން،" އާޒިމް ލިޔުއްވާފައިވެއެވެ.
ފުޓުބޯޅަ ކްލަބް ނިއު ރޭޑިއަންޓްގެ މެނޭޖަރު ކަން ވެސް ކުރައްވާފައިވާ އާޒިމް ވަނީ ކްލަބްތަކަށާއި ރެފްރީންނަށް ވެސް ދޭން ޖެހޭ ގިނަ ފައިސާއެއް ނުދީ އޮތް ކަމަށް ތުހުމަތު ކުރައްވައިފައެވެ.
އެފްއޭއެމްގެ އެތެރޭގައި ގިނަ ކޮރަޕްޝަންގެ އަމަލުތަކެއް ހިނގަމުންދާ ކަމަށް ވާހަކަ ދެކެވޭތާ ދުވަސްތަކެއް ވެއްޖެއެވެ. އެފްއޭއެމްގެ ރައީސް ބައްސާމް އަދީލް ޖަލީލް ވަނީ ކުރިން މި ތުހުމަތުތައް ދޮގު ކުރައްވައިފައެވެ.
"މި ކަމާ ސަރުކާރުގެ ކަމާ ގުޅޭ ފަރާތްތައް ފިޔަވަޅު އެޅުން އަވަސް ކުރައްވާ، ކުޅިވަރު ރިޕޯޓަރުން ތިބީ ކިހިނެއް ވެފައިބާ،" ފުޓުބޯޅައިގެ ހާލަތް އޮތް ގޮތާއި މެދު ކަންބޮޑުވުން ފާޅު ކުރައްވައި އާޒިމް ލިޔުއްވާފައިވެއެވެ.
— 𝐀𝐥𝐢 𝐀𝐳𝐢𝐦 (@aliaazim) March 17, 2022
އާޒިމް މިފަދަ ޓްވީޓެއް ކުރައްވާފައި މި ވަނީ، ކުޅިވަރުގެ އެވޯޑު ދިނުމުގެ ބޮޑު ޖަލްސާއެއް ވެސް ރާވާފައިވަނިކޮށެވެ. މިރޭގެ ވަގުތެއްގައި އެ ޖަލްސާ ފަށާނެއެވެ.
އާޒިމް ފަދަ އެމްޑީޕީގައި ތިއްބެވި ކުޅިވަރުގެ ޝައުގު ހުންނެވި ބައެއް ބޭފުޅުންގެ އަބަދުވެސް ގެންދަވަނީ ކުޅިވަރު ވަޒީރު އަހްމަދު މަހްލޫފަށް ވެސް ވަރަށް ބޮޑަށް ފާޑުވިދާޅުވަމުންނެވެ.
ދިޔާތަކެއްޗާ ، ކަރުދާސް މިހާރު ލިބޭވަރު މަދީތޯ...
ޚޮބަަަ ފެނަކަ
މީ ކޮރަޕްޝަންގެ ވާހަކަ ދައްކަން އެންމެ ރަނގަޅު މީހާ. ލޮލް.
ހާދަ ދިޔަލޭ ދަބަަހުގަ އުފުލި އެއްޗެހި. ލަދެއްވެސް ގަންނަ ބައެއް ނޫންވިއްޔާ
މިސަރުކާރުން ކޮރަޕްޝަން ކިޔާއެއްޗެއް ނުވެސް ދަންނާނެ އެކަން ވަރައް ރަނގަޅައްއިނގޭނެ އާޒިމް އައް
މިސަރުކާރުން ކޮރަޕްޝަން ކިޔާއެއްޗެއް ނުވެސް ދަންނާނެ އެކަން ވަރައް ރަނގަޅައްއިނގޭނެ އާޒިމް އައް
ތިޔަ އުޅެނީ ކޮންމެވެސް އެއްޗެކޭ ކިޔައިގެން ނޫސްތަކުގެ ފަލަ ޞުރުޚީ ތަކުން ޖާގަ ހޯދައިގެން މަޝްހޫރުވާން. ތިޔަ ހުރީ މުޅި ނިއުރޭޑިއަންޓު ދަވާލައިގެން.
ވަރައްބޮޑު ހަގީގަތެއް
އާޒިމްބާ ތިހެން ވާހަކަ ދަށްކަން ރަނގަޅީ // އަގެއް ނެތް ،،،،،،،
ރިހާކުރު އާޒިމް،މިވެސް ދެން މީހެކޯ.....ކީކޭ ބުނާނީ ،ސިޔާސީ ވާންވެގެން މާ ގައްޑާ މީހަކަށް ވެގެން ބުރާންތި....