ރޯދަ މަހަށް ތައްޔާރުވުމުގެ ގޮތުން ރަށުގެ އެންމެންނަށް ބައިވެރިވެވޭ ހާއްސަ މާހެފުމެއް ނ. ކުޑަފަރީގައި އިއްޔެ ބާއްވައިފިއެވެ.
ކުޑަފަރީގެ ގޮނޑުދޮށުގައި ބޭއްވި "ކުޑަފަރީ ކޮމިއުނިޓީ މާހެފުން" އަކީ ރައްޔިތުންގެ މަޖިލިހުގެ ދ. މީދޫ ދާއިރާގެ މެމްބަރު އަދި މޯލްޑިވްސް ޑިވެލޮޕްމަންޓް އެލަޔަންސް (އެމްޑީއޭ) ގެ ލީޑަރު އަހްމަދު ސިޔާމް (ސަން ސިޔާމް) ސްޕޮންސާ ކުރެއްވި މާހެފުމެކެވެ.
މި މާހެފުމުގައި މެންދުރު ކެއުމުގައި އާންމުކޮށް ދިވެހިން ބޭނުންކުރަމުން އަންނަ ދިވެހި ހަވާދު ރިހަތަކާއި، ބިރިޔާނީ އާއި، ޕާސްތާ، ސެލެޑް އަދި އިތުރު ވައްތަރުތަކުގެ ކާއެއްޗެހި ވެސް ތައްޔާރު ކޮށްފައި ހުއްޓެވެ. މީގެއިތުރުން ފޮނި ކާއެއްޗެއްސާއި މޭވާގެ ވައްތަރުތައް ވެސް ސުފުރާމަތިން ފެންނަން ހުއްޓެވެ.
މާހެފުމަށް ތައްޔާރުވުމުގައި ފެނުނީ އެއްބައިވަންތަކަން!
ހާހަކާ ގާތްކުރާ އަދަދަކަށް މީހުން ދިރިއުޅޭ ކުޑަފަރީގެ ކޮމިއުނިޓީ މާހެފުމަށް ތައްޔާރުވަމުން ދިޔައިރު ފެނިގެންދިޔައީ ރަށު މީހުންގެ އެއްބައިވަންތަކަމެވެ.
އެންމެން އެއްތަނަކަށް ޖަމާވެ، ކެއްކުމުގެ ކަންތައްތަކުގައި ބައިވެރިވަމުން ދިޔައިރު، އެެކަކު އަނެކަކަށް ޖެއްސުންކޮށް ސަކަރާތް ޖަހަމުންދިޔަ މަންޒަރަކީ ފެނުނު ހިތްގައިމު މަންޒަރެކެވެ.
އަންހެން ވެރިންގެ އިތުރުން ކަންކަމުގައި އެހީތެރިވެ ދިނުމުގައި ފިރިހެނުން ވެސް ކާއެއްޗެހި ތައްޔާރުކުރަމުން ދިޔަ ސަރަހައްދުގައި ހަރަކާތްތެރިވަމުން ދިޔައެވެ.
ކެއްކުމުގައި އަވަދިނެތި މަސައްކަތް ކުރަމުންދިޔަ އަންހެނަކު "ވަގުތު" އަށް ބުނީ، ކެއުން ތައްޔާރު ކުރުމުގެ މަސައްކަތް ފެށީ ހުކުރު ދުވަހު ހެނދުނު ހައެއް ޖެހިއިރު ކަމަށެވެ. ހެނދުނުން ފެށިގެން މަސައްކަތްކޮށް މެންދުރު 1:30 ވާން ވާއިރަށް ކާއެއްޗެހިން ސުފުރާމަތި ވަނީ ފުރާލައިފައެވެ.
"ކުޑަފަރީ ގަބުޅިކަތީބުންގެ ބޮޑު މާހެފުން، ސައުދާގަރަކީ ސިޔާމް" މިގޮތައް ސުރުހީ ޖަހާލިނަމަ.
ޝިޔާމަކީ ރައްޔިތުންގެ ވެރިކަން މަކަރުވެރި ގޮތަކަށް ވަގަށް ނެގުމަށް އެމްޑީޕީ އިން ކުރިއަށް އޮތްތަނުގައި ބޭނުންކުރާނެ އެޖެންޓް. ޝިޔާމް ފާޅުގައި ރިޝްވަތު ބެހުމަށް އެމީހުން ގެންގުޅެމުން އެދަނީ މިހާރުން ފެށިގެންވެސް
ޚުޑަފަރީގެ އާބާދީ ގެ އަދަދައްމީހުންއުޅޭނެ، މާލޭގެ 1ގޯޅިތެރޭގަވެސް، 🤔
ކުޑަފަރީ މީހުންނަށް ކާއެތިކޮޅެއް ދިއްކޮށްލީމަ ވީތަ؟ ކޮބާ މުޅި ރާއްޖެ؟؟؟