(ރ. އިންނަމާދޫ) ބޯޓް ބިލްޑިންގ މަސައްކަތް ކުރުމަށް ދިވެހިންނަށް ޚާއްސަ އަހަމިއްޔަތުކަމެއް ދެއްވާނެކަމަށް އިދިކޮޅު ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒު ވިދާޅުވެއްޖެއެވެ.
ރިޔާސީ އިންތިޚާބުގެ ދެވަނަ ބުރަކަށް އިދިކޮޅު ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ. މުއިއްޒު ކުރައްވަމުން ގެންދަވާ ކެމްޕެއިން ދަތުރުފުޅުގައި ރ. އަތޮޅުގެ މިރަށަށް ވަޑައިގެން ރަށުގެ ރައްޔިތުންނާ ބައްދަލުކުރައްވާ ވާހަކަ ދައްކަވަމުން ވިދާޅުވީ މި ސަރުކާރުން އަހަމިއްޔަތުކަމެއް ދެނީ ބޭރުގެ މީހުންނަށް ކަމަށާއި އޭގެ ބަދަލުގައި ދިވެހިންނަށް އެ ފަދަ ކަންކަން ކުރުމުގެ ފުރުސަތު ދެއްވުން މުހިންމު ކަމަށެވެ.
"މި ރަށުގައި ވަރަށް ގިނައިން ބޯޓް ބިލްޑިންގ ގެ މަސައްކަތް ކުރޭ.އަޅުގަނޑު ދަންނަވާލަން ބޭނުންވަނީ ބޯޓް ބިލްޑިންގ އަކީ މި ރަށުގައި ނޫނަސް ރާއްޖޭގެ އެކި އެކި ހިސާބުތަކުގައި ކުރަމުން އަންނަ މަސައްކަތެއް. ސަރުކާރުން އެހާ ބޮޑު ސަމާލުކަމެއް ނުދޭ އެ މަސައްކަތް ކުރާ ދިވެހީންނަށް. ސަމާލުކަން ދެނީ އެ މަސައްކަތް ކުރާ ބޭރުގެ ފަރާތްތަކަށް. އެހެންކަމުން އަޅުގަނޑުގެ ވެރިކަމެއްގައި ބޯޓު ބިލްޑިންގ ގެ މަސައްކަތް ކުރާ ދިވެހީންނަށް ޚާއްސަ އަހަމިއްޔަތުކަމެއް ދޭނަން.". މުއިއްޒު ވިދާޅުވިއެވެ.
އޭގެއިތުރުންވެސް މިރަށުގެ ރައްޔިތުން އެންމެ ކަންބޮޑުވާ ކަންކަން ކޮށްދެއްވާނެކަމަށް ވެސް އޭނާ ވަނީ ވިދާޅުވެފައެވެ. މިގޮތުން ސްކޫލްގެ ހިދުމަތްތައް ރަނގަޅު ކޮށްދެއްވާނެ ކަމަށާއި ސުކޫލުގައި އިތުރު އިމާރާތެއް ޤާއިމްކޮށް، ސްކޫލް ދަރިވަރުންނަށް ބޭނުންވާ ތަކެތި ހޯދައިދެއްވާނެ ކަމަށް ވެސް ވަނީ ވިދާޅުވެފައެވެ.
"މި ރަށުގެ ސްކޫލުގެ ހިދުމަތްތައް ރަނގަޅު ކޮށްދެއްވާނަން. އިތުރު އިމާރާތެއް އަޅާ ސްކޫލު ކުދިންނަށް ބޭނުންވާ ތަކެތި ފޯރުކޮށްދޭނަން.". މުއިއްޒު ވިދާޅުވިއެވެ.
އިތުރު ކަމަކަށް މުއިއްޒު ފާހަގަކުރެއްވީ މިރަށުގެ ސިއްހީ މަރުކަޒަށް ޖާގަ ހަމަޖައްސާ ބަލިމީހުންނަށް ފަރުވާދޭނެ އެންމެ ފެންވަރު ރަނގަޅު އެއް ސިއްހީ މަރުކަޒެއްގެ ގޮތުގައި ހައްދަވާ ދެއްވާނެކަމެވެ. އޭޓީއެމް އަކީ އެރަށަށް މިހާރު އެންމެ ބޭނުންވާ އެއް ތަން ކަމަށް ވިދާޅުވެ، އޭޓީއެމެއް ގާއިމްކޮށްދެއްވާނެކަމަށް ވެސް ވިދާޅުވިއެވެ.
”މިރަށުގެ ކައުންސިލް މެމްބަރު އެދުނު ގޮތައް މި ރަށު ރައްޔިތުން އެންމެ ބޭނުންވަނީ އޭޓީއެމެއް، އެހެންކަމުން މި ރަށުގައި އޭޓީއެމެއް ގާއިމްކޮށްދޭނަން”
މިރަށުގެ ގިނަ އަދަދެއްގެ ޒުވާނުން ވަނީ ޕީޕީއެމާ ގުޅިފައެވެ. އެކަން ފާހަގަކޮށް މުއިއްޒުވަނީ އެ ފަރާތްތަކަށް މަރުޚަބާ ވިދާޅުވެފައެވެ.
ފުރަތަމަ ބުރުގައި ދެއްވި އެއްބާރުލުން ފާހަގަކޮށް ދެވަނަ ބުރުގައި ވެސް ކާމިޔާބު ކޮށްދެއްވާނެކަމަށް އުންމީދުކުރާ ކަމަށް ވެސް މުއިއްޒު ވިދާޅުވިއެވެ.
މިއީ 15 އަހަރުގެ އަޅުވެތި ކަމަކަށް ފަހުން ދިވެހިންގެރާއްޖެ މިނިވަން ވުމަށް ލިބޭ ރަނުގެ ފުރުސަތެއް ހުރިހާ ދިވެހިން ޑރ މުއީޒަށް ވޯޓްދީ ވޯޓް ފޮށިތަށް ފުރާލަދޭންވީ !
ބޯޓް ބިލްކުރާ މަސައްކަތް ތެރިންގެ ސަލާމަތާއި ރައްކާތެރިކަން ކަށަވަރު ކުރަންވީ، ވިހަ ކެމިކަލްތެރޭގައި އެއްވެސް ރައްކާތެރިކަމެއް ނެތި މަސައްކަތް ކުރަމުންދާތަން ފެނޭ.
މަތިން މަތިން ވައުދުތަށް އޮއްސާލިއަސް ހަރުކަށި މުއިއްޒުއަށް ދޭނެ ވޯޓެއް ނެތް. ވޯޓް ދޭނީ ސޯލިހްއަށް. މިނޫން ގޮތެއް ނެތް.