ރާއްޖޭގެ މައި އެއާޕޯޓް، ވެލާނާ އިންޓަނޭޝަނަލް އެއަރޕޯޓް ހިންގަމުންދާ މޯލްޑިވްސް އެއަރޕޯޓްސް ކޮމްޕެނީ ލިމިޓެޑް(އެމްއޭސީއެލް) އިން މުޅިން އައު އޮންލައިން ޓެންޑަރ ޕޯޓަލްއެއް ލޯންޗް ކުރަން ތައްޔާރުވެއްޖެއެވެ.
އެމްއޭސީއެލްއިން ބުނީ މި ޕޯޓަލްގެ ޒަރީޔާއިން ޓެންޑަރއާއި ގުޅުންހުރި ހުރިހާ މަސައްކަތްތައް ހާމަކަން ބޮޑު ގޮތެއްގައި އޮޓޯއިން ސްޓްރީމްލައިންކޮށް ބެލޭނެ ކަމަށެވެ.
ޓެންޑަރ ޕޯޓަލް ލޯންޗް ކުރުމަށް ހަމަޖެހިފައިވަނީ މާރިޗް ފަސް ވަނަ ދުވަހުގައެވެ.
We're excited to announce the launch of our new MACL Tender Portal on March 5th, 2023. Stay tuned for easier and more transparent tender activities. #MACLTenderPortalhttps://t.co/1ijv7kna3t
Press Release: https://t.co/DAl9N01E37— Maldives Airports Company Ltd - MACL (@MACLmedia) February 28, 2023
ޓެންޑަރ ޕޯޓަލްގެ ސަބަބުން ވެންޑަރުންނަށް ރަޖިސްޓްރީ ކުރުމާއި، ޖަވާބުދާރީ ވުމަށް މަރުކަޒީ ޕްލެޓްފޯމެއް ލިބިގެންދާނެއެވެ. މީގެ އިތުރުން، އެމްއޭސީއެލް އިން ދޫކުރާ ބީލަންތަކާއި، ކޯޓޭޝަން ހޯދުމަށް އެދި ހުށަހެޅުން (އާރުއެފްކިޔު)، އަދި އެކްސްޕްރެޝަންސް އޮފް އިންޓަރެސްޓް (އީއޯއައި) އަށްވެސް ފަސޭހައިން ޖަވާބު ލިބިގެންދާނެއެވެ.
ބީލަން ޕޯޓަލް ފަރުމާކޮށްފައިވަނީ ހާމަކަން ބޮޑުކޮށް ޕްރޮކިއުމަންޓް މަރުހަލާގައި އިންސާފުވެރިކަން ކަށަވަރު ކުރުމަށެވެ.
ވެންޑަރުން ރަޖިސްޓްރީކޮށް ބީލަން ޕްރޮސެސްގައި ބައިވެރިވުމަށް ޕްލެޓްފޯމެއް ހޯދައިދިނުމުގައި އެމްއޭސީއެލްގެ އަމާޒަކީ އެ ކުންފުނީގެ ޓެންޑަރިންގ ހަރަކާތްތަކުގައި ބައިވެރިވުމަށް އިތުރު ވެންޑަރުން ޝައުގުވެރި ކުރުވުން ކަމަށް އެމްއޭސީއެލްއިން ބުނެފައިވެއެވެ.
އަދި މި ޕޯޓަލްގެ އެހީގައި އޮފީހަށް ހާޒިރުވެގެން ކުރަންޖެހޭ ޕްރޮކިއުމަންޓް މަރުހަލާތައް މަދުވެ، ލުއި ފަސޭހަ އިތުބާރު ބޮޑު ހަމައެއްގައި މަސައްކަތް ކަށަވަރުވެގެންދާނެ ކަމަށްވެސް އެމްއޭސީއެލްއިން ބުނެފައިވެއެވެ.
ބީލަމަށް ހުށަހަޅާ ފަރާތްތަކުންވެސް މި ޕޯޓަލްގައި ރަޖިސްޓްރީވުމަށް www.macl.aero ގެ ވެބްސައިޓް މެދުވެރިކޮށް ރަޖިސްޓްރީ ކުރެވޭނެއެވެ. އެ ވެބްސައިޓްގެ "ޓެންޑަރ" ސޮފްހާއަށް ވަނުމަށްފަހު 'ޓެންޑަރ ޕޯޓަލް' ޓެބް ޚިޔާރުކުރުމަށް އެމްއޭސީއެލްއިން އިރުޝާދުދީފައި ވެއެވެ.
އިންޑިޔާގެ ރޯ އެޖެންޓުން ފަސޭހައިން ބޭލޭގޮތަ ދެރަ
މިހާރުވެސް މިތަނުގެ ޕްރެޖެކްޓް ތަކަކީވަކިބަޔަކަށް ހާއްސަކުރެވިގެން ކުރިއަށް ގެންދާ ކަމެއް މިސާލަކަށް ކެންޓީން މިތަނަށް ހޯދާ ޓިޝޫ ޑަސްބިން ކޮތަޅު ބައްލަވާ ލައްވާ