ބޮލީވުޑްގެ މަޝްހޫރު ގިނަ ފަންނާނުންނަކީ އެފަރާތްތަކުގެ އިޖުތިމާޢީ ޒިންމާގެ ދަށުންވެސް ގިނަ މަސައްކަތްތަކެއް ކުރަމުން އަންނަ ބައެކެވެ. އެގޮތުން، އަންހެނުންނަށް ކުރާ އަނިޔާތަކާ ދެކޮޅަށް މަސައްކަތް ކުރުމާއި އަންހެނުން ބާރުވެރިކުރުވުމަށް އަދި ތިމާވެށީގެ މައްސަލަތައް ހައްލުކުރުމަށް، ގިނަ ފަންނާނުން ދަނީ މަސައްކަތްތަކެއް ކުރަމުންނެވެ.
އެގޮތުން، މަޝްހޫރު ތަޖުރިބާކާރު އެކްޓަރު، އަނިލް ކަޕޫރު ވަނީ ދާދިފަހުން، ގޭތެރޭގައި އުފެދޭ ކުނި މެނޭޖުކޮށް، އޭގެން ކާދު (ކޮމްޕޯސްޓް) އުފައްދާނެ ގޮތް، އެންމެންނަށް ކިޔައިދީފައެވެ.
އިންޑިޔާ ސަރުކާރުގެ ކަމާ ބެހޭ ފަރާތްތަކާ ގުޅިގެން، މި ފިލާވަޅު އޭނާ ނަގައިދީފައިވަނީ ޓްވިޓަރ މެދުވެރިކޮށް، ވީޑިޔޯއެއްގެ ޒަރީއާއިންނެވެ.
Glad to be a part of this global initiative.
आइए एक बेहतर, स्वच्छ भारत की दिशा में एक कदम उठाए।
Join the #SwachhBharatMission today. #MyCleanIndia @SwachhBharatGov @PMOIndia@narendramodi @swachhbharat #SwachhSurvekshan2018 pic.twitter.com/zEwDRRJrbg— Anil Kapoor (@AnilKapoor) February 9, 2018
އެޤައުމަކީ ސާފުޠާހިރު ޤައުމަކަށް ހެދުމަށް ކުރިއަށް ގެންދާ "ސްވަޗް ބާރަތު" ކެމްޕޭނުގެ ދަށުން މި ވީޑިޔޯ ގެނެސްދީފައިވާއިރު، އަމީތާބް ބައްޗަންފަދަ އެކްޓަރުންވެސް ދަނީ މި ކެމްޕޭނުގައި ހަރަކާތްތެރިވަމުންނެވެ.
