އިސްރާއީލު ސިފައިން ފަލަސްތީނުގެ ޣައްޒާގެ އެތައް ހާސް ބަޔަކު ދިރިއުޅެމުންދާ ރަފަހަށް އެރުން ހުއްޓުވަން ރާއްޖެއިން ކުރެވެން އޮތް ކަމެއް ކުރުމަށް ސަރުކާރަށް ގޮވާލައި ކުއްލި މައްސަލައެއް މަޖިލީހަށް ހުށަހަޅައިފިއެވެ.
މި މައްސަލަ މަޖިލީހަށް ހުށަހެޅީ ރައްޔިތުންގެ މަޖިލީހުގެ ހޯރަފުށި ދާއިރާގެ މެމްބަރު އަހުމަދު ސަލީމް (ސައްލެ)އެވެ.
މި މައްސަލަ ހުށަހަޅުއްވަމުން ސައްލެ ވިދާޅުވީ ފަލަސްތީނުގެ ރައްޔިތުންނާއި ދެކޮޅަށް އިޒްރޭލުގެ ސިފައިން ހިންގަމުންދާ ލާއިންސާނީ ޖަރީމާތަށް އިންތިހާއަށް ބޮޑުވެފައިވާ ދަނޑިވަޅެއްގައި، ބައިނަލް އަގުވާމީ ގާނޫނުތަކާ ހިލާފަށް އަދި މުޅި ދުނިޔޭގެ އެތައް މިލިއަން މީހުންގެ އާދޭހަށް ބެލުމެއް ނެތި، އެއްވެސް ހަމައެއް ލަމައެއް ނެތި ރަފަހަށް އަރަން ތައްޔާރުވުމަކީ މުޅި ދުނިޔެ ކަންބޮޑުވާ އެތަށް ކަމެއް އެކުލެވިފައިވާ ކަމަށެވެ.
"އަދި އެކަމުގެ ސަބަބުން، ރަފަހްގައި މިހާރުވެސް ނިކަމެތި ހާލުގައި ދިރިއުޅެމުންދާ އެތައް ސަތޭކަ ހާސް ފަލަސްތީނު ރައްޔިތުން ނުރައްކަލުގެ ތެރެއަށް ވެއްޓޭނެ ކަމެއް ކަމަށް ބެލެވޭ. އަދި މި އުދުވާނުގެ ސަބަބުން ރަފަހްގައި ގަތުލުއާމެއް ހިނގާފާނެ ކަމުގެ ބިރު އުފެދިފައިވުމާއެކު، އިޒްރޭލުން މި ހިންގާ ޖަރީމާއަކީ ރާއްޖޭގެ ރައްޔިތުންގެ މަޖިލީހުން ދެކޮޅު ހަދާ ކަމެއް.". އޭނާ ވިދާޅުވިއެވެ.
ސައްލެ އިތުރަށް ވިދާޅުވީ މިކަން ހުއްޓުވަން ރާއްޖެއިން ކުރެވެން އޮތް ކަމެއް ކުރުމަށް ސަރުކާރަށް ގޮވާލާކަމަށެވެ. މި ކުއްލި މައްސަަލަ ވަނީ 22 މެމްބަރުންގެ އިއްތިފާގުން މަޖިލީހަށް ބަލައިގެންފައެވެ.
ރަފަހްއަކީ 1.5 މިލިއަން މީހުން ބޯހިޔާވަހިކަން ހޯދަމުން އަންނަ ތަނެކެވެ. އެތަނަށް ނޭރުމަށް ބައިނަލްއަގުވާމީ އެކި އިދާރާތަކާއި ޖަމިއްޔާތަކުން ވަނީ އިސްރާއީލަށް އަންގާފައެވެ. އެފަރާތްތަކުން ބުނާގޮތުން އިސްރާއީލުން ރަފަހްއަށް އަރައިފިނަމަ އިންސާނީ ބޮޑު ކާރިސާއާ އަކާއި ކުރިމަތިލާން ޖެހިދާނެއެވެ.
މީޑިއާ ރިޕޯޓްތައް ބުނާގޮތުގައި އިސްރާއިލުގެ ޓޭންކުތަކުން ރަފަހް ބޯޑަރު ހުރަސްކުރާ ސަރަހައްދު ކޮންޓްރޯލް ވަނީ ނަގާފައެވެ. އަދި ރަފަހްއަށް އަމަޒުކޮށް ރޭ 50 ހަމަލާ ފޮނުވާލާފައިވާއިރު، އިސްރާއީލުގެ ޓޭންކަރުތައް ރަފަހްގައި ދަނީ ހަރަކާތްތެރިވަމުންނެވެ.
ރާއްޖެއިން ކުރެވެން އޮތް ކަމެއް މީނާއަށް ނުބުނެވުނީ ކީއްވެބާ؟ ރަފަހަށް އަރާ މަގު ބަންދުކޮށް ދިނުމަށް އިންޑިޔާގެ އެހީއަށް އެމްޑީޕީން ނޭދުނީ ކީއްވެބާ؟
ބޯ ގޯސް ވާހަކަ ދައްކަނީ ދޯއެވެ.
ﷲ ތައާލާ އިސްރާ ސޫރަތުގައި ޔަހޫދީން 2 ފަހަރު އަނިޔާވެރިވުމުން އެބިމުން ނެރެލެއްވި ކަމަށާއި 3 ވަނަ ފަހަރު އަނިޔާވެރިވެއްޖެނަމަ އެމީހުން ނިމިގެންދާނެކަން ސާފުކޮށް ބަޔާންކޮށްދެއްވާފައިވޭ. ޔަހޫދީންގެ ނިމުންވަނީ ދާދިކައިރީގައިކަމާމެދު ޝައްކެއްނެތް. ޔަހޫދީންނަކީ އަނިޔާވެރިކަން ހައްދުފަހަނައަޅާފައިވާ ބައެއް. ﷲ ތައާލާ ފަލަސްތީނުގެ ރައްޔިތުންނަށް ސަލާމަތްކަންދެއްވާ މުޖާހިދުން ގަދަކުރައްވާ އެބައިމީހުންނަށް ނަސްރު މިންވަރުކުރައްވާނދޭވެ. އާމީން
މިވަރުގެ ޖޯކެއް މީހަކު އަޑު އަހާނެތަ؟
ކަލޯ މޮޔަނުގޮވާ! ތިކުރަނީ ފުރައްސާރައެއް ފަލަސްތީނު ރައްޔަތުންނަށް! ލާދީނީކަމުގެ ވަރަށް ރަނގަޅުމިސާލެއްތީ!
ގޮޑިގެއްލިފައިނީމަ ހޭޔައް ގޮތްވެފައި ކަންނޭގެ
ރަފާބޯޑަރުކައިރީގަތިބޭފުޅާހުރެބަލަ ބަޑިއެއްހިފައިގެން ހުއްޓުވަން. މިވަރުގެތަންދޮރުނުދަންނަގަމާރުން މަޖިލިހައްހޮވަނީވެސްހަމައެވަރުގެގަމާރުން. ޕާޓީއިނދަޖެހުނީމަވާނީތިހެން.
ކަލޭމެން ގޮވިޔަސް ނުގޮވިޔަސް މިސަރުކާރު ތިކަމަށް ކުރެވެންއޮތް ހުރިހާކަމެއް މިސަރުކާރުން ކުރާނެ، ސަރުކާރުން ކުރާ މިފަދަ މަސައްކަތްތަކަށް، ޚާއްޞަކޮށް ދީނަށް ނަޞްރު ހޯދަންކުރާ ކަންކަމަށް ކަލޭމެން ހުރަސް އަޅާނެކަމީ ސުވާލެއްއޮތް ކަމެއްނޫން، ނެތް މޫނެއް ދައްކަން މަސައްކަތް ކުރާނެކަމެއްނެތް ތިބައިގަނޑު
ކަލޭމެންނަށް ކުރެވެން އެބަހުރި ބައިވަރު ކަންކަން. ކޯކް އާއި އޭގެ ހުރިހާ ވިޔަފާރި އަދި ޔަހޫދީންނަށް ވަފާތެރިވާ ހުރިހާ ވިޔަފާރިއެއް ރާއްޖޭގައި ކުރުން މަނާކުރުން. އިޒްރޭލުގެ ޔަހޫދީން ރާއްޖެއަށް އެތެރެވުން މަނާކުރުން..