މިއަދު ރާއްޖެ ވަޑައިގެންނެވި އިނގިރޭސިވިލާތުގެ ފޮރިންގް އެންޑް ކޮމަންވެލްތް އޮފީސްގެ މިނިސްޓަރ އޮފް ސްޓޭޓް ފޯ އޭޝިޔާ އެންޑް ދަ ޕެސިފިކް މާރކް ފީލްޑް މިދިޔަ މަހުގެ 23 ވަނަ ދުވަހު އޮތް ރިޔާސީ އިންތިޚާބު ކާމިޔާބު ކުރެއްވި އިބްރާހިމް މުހައްމަދު ސޯލިހް (އިބޫ) އާއި ބައްދަލު ކުރައްވައިފިއެވެ.
މިބައްދަލު ކުރެއްވުން އޮތީ އިބޫގެ އޮފީހުގައެވެ. ބައްދަލުވުމުގައި އިނގިރޭސިވިލާތުން ރާއްޖެ ކަނޑައަޅުއްވާފައި ހުންނަވާ ސަފީރު ޖޭމްސް ޑޯރިސް ވެސް ބައިވެރިވެ ވަޑައިގެންނެވިއެވެ.
ބައްދަލުވުމާއި ބެހޭ ތަފްސީލެއް އަދި އެއްވެސް ފަރާތަކުން ހާމައެއް ނުކުރައްވައެވެ.
The Rt Hon Mark Field MP, Minister of State for Asia and the Pacific at the Foreign & Commonwealth Office calls on President-elect H.E. Ibrahim Mohamed Solih. pic.twitter.com/KLKGni6JLa
— President Elect MV (@PresElectMv) October 7, 2018
މާކް ފީލްޑް މިއަދު ރާއްޖެ ވަޑައިގަތުމުން އޭނާ އަށް ވެލާނާ އިންޓަރނޭޝަނަލް އެއަރޕޯޓުން މަރްހަބާ ދެންނެވީ ފޮރިން ސެކެޓްރީ އަހްމަދު ސަރީރުއެވެ.
މާކް ފީލްޑް މިއަދު ކުރެއްވި ޓްވީޓެއްގައި ވިދާޅުވީ އޭނާގެ ދަތުރުފުޅުގައި ވަރަށް ގިނަ ދިވެހިންނާއި ބައްދަލު ކުރައްވާ މަޝްވަރާތައް ކުރިއަށް ގެންދަވާނެ ކަމަށެވެ.
އޭނާގެ ދަތުރުފުޅުގައި އިނގިރޭސިވިލާތާއި ރާއްޖެއާއި ދެމެދުގައި އޮތް ޚާރިޖީ ގުޅުން ބަދަހިކުރުމަށާއި، އަދި އެ ގައުމުން ރާއްޖެއަށް އެހީވެން އޮތް ދާއިރާތަށް ބަލާ އެކަމާއި ބެހޭ މަޝްވަރާތަށް ކުރައްވާނެއެވެ.
މާކް ފީލްޑްގެ މި ދަތުރުފުޅުގައި ޚާރިޖީ ވަޒީރު މުހައްމަދު އާސިމާއި ސިޔާސީ ބޭފުޅުންނާއި ބައްދަލު ކުރެއްވުމަށް ވަނީ ހަމަޖެހިފައެވެ.
އަދި ރާއްޖޭގެ ބައެއް ޤާނޫނީ ވަކީލުންނާއި މަދަނީ ޖަމްއިއްޔާތަކުގެ އިސްފަރާތްތަކާއި ބައްދަލު ކުރުމަށް ވަނީ ހަމަޖެހިފައެވެ.
އިލެކްޓް ވީކިނޫން ލާރިދީގެން އިލެކްޓް ކުރުވީ..
އިބޫގެ ރައީސް ކަމުގައި ދުނިޔޭގައިވާ ހުރިހާ ގައުމަކާއެކު ސިޔާސީ ގުޅުން ގާއިމުކުރުމަށް ފެނޭ.
އެންމެން ރުހޭ ގޮތަށް ކުރާ ވެރިކަމުގައި އެންމެން ބޭނުންވި މިނިވަންކަން ލިބޭނެ ކަމަށް އުއްމީދު ކުރަން.
އަދި އަންނާނެ އިގިރޭސި ރާނީވެސް އައިސްގެންތަ މިތާގާ ކުރިސްޓިއަށް ދީން ގެނެވޭނީ
ތީގެ ހިތި ފެންނާނެ.