ރައްޔިތުންގެ މަޖިލީހުގެ ގޮނޑި ގެއްލުނު ކަމަށް އިލެކްޝަންސް ކޮމިޝަނުން ކަނޑައެޅި 12 މެމްބަރުންނަކީ ދަނގެތީ ދާއިރާގެ އިލްހާމް އަހްމަދާއި މައްޗަންގޮޅީ ދެކުނު ދާއިރާގެ އަބްދުﷲ ސިނާނާއި ދިއްދޫ ދާއިރާގެ އަބްދުއްލަތީފް މުހައްމަދާއި ހަނިމާދޫ ދާއިރާގެ ހުސައިން ޝަހުދީ އާއި އިހަވަންދޫ ދާއިރާގެ މުހައްމަދު އަބްދުﷲ (މުހައްމާ) އާއި ތިނަދޫ އުތުރު ދާއިރާގެ ސައުދުﷲ ހިލްމީ އާއި ތިނަދޫ ދެކުނު ދާއިރާގެ އަބްދުﷲ އަހްމަދާއި ތިމަރަފުށީ ދާއިރާގެ މުހައްމަދު މުސްތޮފާ އާއި ފުވައްމުލަކު އުތުރު ދާއިރާގެ އަލީ ޝާހުގެ އިތުރުން ތުލުސްދޫ ދާއިރާގެ މުހައްމަދު ވަހީދު ( ލޯޔަރު ވައްޑެ) އާއި ވިލިނގިލީ ދާއިރާގެ ސައުދު ހުސައިންގެ އިތުރުން މަޑުއްވަރީ ދާއިރާގެ މުހައްމަދު އަމީތެވެ.

މައުމޫން މިއަދު ކުރެއްވި ޓްވީޓެއްގައި ވިދާޅުވީ އެ 12 މެމްބަރުންނަކީ ކުރީ ސަރުކާރުގެ އަނިޔާވެރިކަން ނިންމުމަށް ބުރަ މަސައްކަތްތަކެއް ކުރެއްވި މެމްބަރުން ކަމަށާއި، އެ މެމްބަރުންނަށް ޕްރައިމަރީއަކާ ނުލާ މަޖިލިސް ޓިކެޓް ދޭން ނިންމި ނިންމުން ދަމަހައްޓާނެ ކަމަށެވެ.

Kuree sarukaaruge aniyaaverikan huttuvumakah genaumashaa, islaahah masakkaiy kuraane coalition sarukaareh qaaim kurumah takaa 12 membarun kurevvi bura masakkathaa vevadaigennevi qurbaanee thakuge agu vazankoh, 1/2

— Maumoon Abdul Gayoom (@maumoonagayoom) December 27, 2018

Primary aka nulai e 12 membarun 2019 ge majilis inthikhaabah kumathi levvumuge furusath eruvumah kurin vau’dhuvi gothuge matheegai iraadha kurevviyyaa alhugan’du dhemihunnaane vaahaka dhannavan. Maaiy Allah ebeyfulhunnah nasru dhevvaashi. Aameen. 2/2

— Maumoon Abdul Gayoom (@maumoonagayoom) December 27, 2018

ސަރުކާރުގެ ކޯލިޝަނުން ކުރިއަށް އޮތް މަޖިލީސް އިންތިހާބަށް ގޮނޑިތައް ބެހުމަށް މަޝްވާރަތައް ކުރި ނަމަވެސް، އަދިވެސް ވަނީ ވަކި ގޮތެއް ނުނިމިއެވެ. އެމްޑީޕީން ހުރިހާ ގޮނޑިއަކަށް ވާދަކުރާނެކަން އިއުލާން ކޮށްފައިވާ އިރު، ޖޭޕީންވެސް ވަނީ ހިޔާލު ތަފާތުވެ، ހުރިހާ ގޮނޑިއަކަށް ނުކުންނާނެ ކަމުގެ އިޝާރާތެއް ދީފައެވެ.

މަޝްވަރާތަކަށް ހައްލެއް ނުލިބެނީސް، މިވަގުތު މައުމޫން ހުންނެވީ ރާއްޖެއިން ބޭރުގައެވެ.