މޫސުން ގޯސްވާނެ ކަމަށް ލަފަކޮށް ހއ.އަތޮޅުން ފެށިގެން ލ.އަތޮޅާއި ދެމެދުގެ ސަރަހައްދުތަކަށް ރީނދޫ ސަމާލު (ޔެލޯ އެލާޓް) ނެރެފިއެވެ.
ރީނދޫ ސަމާލު ނެރެފައި ވަނީ މިއަދު މެންދުރުފަހު 15:00 އާއި ހަމައަށެވެ.
މޫސުމާއި ބެހޭ ގައުމީ އިދާރާ އިން ވިދާޅުވީ ކުރިއަށް އޮތް 24 ގަޑިއިރު ވެސް ރާއްޖޭގެ އެކިހިސާބަށް ގުގުރުމާއެކު ވިއްސާރަކުރާނެ ކަމަށާއި އަދި ބައެއް ރަށްތަކަށް ބޯކޮށް ވާރޭވެހުންވެސް އެކަށީގެންވާ ކަމަށެވެ.
ދެކުނުގެ އަތޮޅުތަކަށް ދެކުނާއި ހުޅަނގުދެކުނުން ގަޑިއަކު 5 މޭލާއި 15 މޭލާ ދެމެދުގެ ބާރު މިނުގައި ވައި ޖެހޭނެ ކަމަށާއި އެހެން ހިސާބުތަކަށް ހުޅަނގުއުތުރާއި އުތުރުން ގަޑިއަކު 8 މޭލާއި 18 މޭލާ ދެމެދުގެ ބާރު މިނުގައި ވައި ޖެހޭނެ ކަމަށް ވެސް މޫސުމާއި ބެހޭ ގައުމީ އިދާރާ އިން ލަފާ ކުރެއެވެ.
އަދި ވިލާގަނޑުގައި ގަޑިއަކު ގާތްގަނޑަކަށް 35 މޭލުގެ ބާރުމިނަށް ވައިގަދަވުން އެކަށީގެން ވެއެވެ.
ދެކުނުގެ އަތޮޅުތަކުގެ ކަނޑުތައް އާދައިގެ ވަރަކަށް މަޑުވާނެ ކަމަށާއި ނަމަވެސް އެހެން ހިސާބު ތަކުގެ ކަނޑުުތައް އާދައިގެ ވަރަކަށް ގަދަ ވެފައި ވިލާގަނޑުގައި އިތުރަށް ގަދަ ވާނެ ކަމަށް ލަފާކުރެވެއެވެ.
މިއަދާއި މިރޭ ވެސް ދިިޔަވަރު ބޮޑުވާ ގަޑިތަކުގައި ބައެއް ރަށްތަކަށް އުދައިގެ އަސަރުކުރުން އެކަށީގެންވެއެވެ.
ހުރިހާ ފަރާތްތަކުންވެސް މޫސުމަށް ސަމާލުވުމަށް މޫސުމާއި ބެހޭ ގައުމީ އިދާރާ އިން އިލްތިމާސް ކުރައްވައެވެ.
ކީއްތޯކުރާނީ މިއީ މާތްﷲގެ ކުޅަދުންވަންތަކަން އެކަމަކު މިހާރު މިއާޚިލާފަށް މިގައުމުގަ ވަކިބައެއްގެ ސަބަބުން މުޅިގައުމުގަ ރީނދޫ ނުރައްކާ ވަނީ ފެތުރިގެން ގޮސްފަ މީގެ އަސަރު މާތްވެގެންވާ އިސްލާމް ދީނަށްވެސް ވަނީ ފޯރާފަ
އެހެންވީމާ އިސްލާމްދީންދެކެ ލޯބިވާ ހުރިހާ ރައްޔިތުން ސަމާލުވެ ބަޔަކު މިފަތުރާ ރީނދޫ ނުރައްކަލާ ދެކޮޅަށް ނުކުތުމަށް ގޮވާލަން
ރީނދޫ އެލާޓް އޭ؟ އަނެެ އްކާ އަނެ އްކަންތަކެ އްނު މިޖެހުނީ މި މޫސުމަކަށްވެސް ސާބަސް ދޭވަރުވޭ
ވާރޭވެހޭތާ 4 ގަޑިއިރު ފަހުން މޫސުމާބެހޭ ސަމާލު ނެރެލެވުން ކަމަށްޓަކައިވެސް ޝުކުރުކުރަން. އެކަމު މޫސުން ގޯސްވެ ބޮލަށް ވެހުމުގެ ކުރިން އަންގާލި ނަމަ ވަރަށް ސަޅިވީސް. އެއީހެން ހީވަނީ އަސްލު ސަމާލުވާން އެންގުމުގެ މަޤްސަދަކީ. މިހުންނަނީ ރަނގަޅުކުރަން ޖެހޭކަންކަން. ކުރިންވެސް އެގޮތަށޭ އެކަންކުރަނީ ކިޔާފަ ނުތިބެ މިހާރު ތިބި ލެވަލް އިން މައްޗަށް ޖެހެންވީ. އެކަން އެގޮތަށް ކުރަން ނޭނގެންޏާ ފެއަށް ޖެހެންވީ އެކަންކަންކުރަން ދަންނަމީހުންނަށް ޖާގަދޭން.