ބިދޭސީން ހިންގަމުންދާ ހަމަނުޖެހުންތަކުގެ ޒިންމާ މި ސަރުކާރުން ނަގަން ޖެހޭނެ ކަމަށް ޕީއެންސީގެ ރައީސް އަބްދުއްރަހީމް އަބްދުﷲވިދާޅުވެއްޖެއެވެ.
ރާއްޖޭގައި ތިބި ގިނަ އަަދަދެއްގެ ބިދޭސީންނަށް މުސާރަ ނުދޭތާ މައްސަލައިގައި އެމީހުން ދަނީ މުޒާހަރާކޮށް ބައެއް މުދަލަށް ގެއްލުން ދެމުންނެވެ. އެގޮތުން ސިފައިންނާއި ފުލުހުންނަށް ހާއްސަކޮށްގެން ހުޅުމާލޭގައި ހަދަމުން އަންނަ ފްލެޓުތަކުގެ މަސައްކަތް ކުރާ އައިލެންޑް އެކްސްޕާޓްގެ މުވައްޒަފުން އިއްޔެ މުޒާހަރާކޮށް ފުލުހުންނަށް ހަމަލާދީފައިވެއެވެ. އެ ހަމަނުޖެހުންތަކުގައި 41 ބިދޭސީއަކު ހައްޔަރުވެސް ކުރިއެވެ.
މިކަމާ ގުޅިގެން އަބްދުއްރަހީމް ކުރެއްވި ޓްވީޓެއްގައި ވިދާޅުވީ ބިދޭސީ ބަޔަކު ދިވެހި ފަސްގަނޑުގައި ދިވެހިންނާއި ދެކޮޅަށް މުޒާހަރާކޮށް، ފުލުހުންނަށް އަނިޔާކުރުމާއި ދައުލަތުގެ މުދަލަށް ގެއްލުން ދިނުމަކީ ބަލައިގަނެވޭނެ ކަމެއް ނޫން ކަމަށެވެ.
އެކަމަކީ ނުރައްކާތެރި، ބިރުވެރި ކަމެއް ކަމަށާއި އެކަމުން ޒިންމާ ނަގަން ޖެހޭނީ ސަރުކާރުން ކަމަށް ވެސް އޭނާ ވިދާޅުވިއެވެ.
Bidheysee bayaku,dhivehinge dhivehi fasgan’dugai dhivehinnaa dhekolhah muzaaharaakoh fuluhunnah aniyaakoh dhawlathuge mudhalah gehlun dhinumakee balai ganeveyne kameh noon.mee nurahkaatheri biruveri kameh. Mikamuge zinmaa mi sarukaarun nagan jehey @DhiyaresNews @Ch13official
— Abdul Raheem Abdulla (@Banafsaa) July 14, 2020
ޖުލައި މަހުގެ ކުރީކޮޅު ބ. ބޮޑުފިނޮޅުގައި މަސައްކަތް ކުރާ ބިދޭސީންތަކަކަށް މުސާރަ ނުދޭތާ ހަ މަސް ވުމުން އެ ބިދޭސީން ވަނީ ރަށުގައި ތިބި ދިވެހިން ރަހީނުކޮށްފައެވެ.
އަދި އެ ދިވެހިން ސަލާމަތް ކުރަން އެ ރަށަށް ދިޔަ ފުލުހުންނާ ކުރިމަތިލާ، ބިދޭސީން ވަނީ ހަމަނުޖެހުން ހިންގާފައެވެ.
އޭގެ ފަހުން ވެސް މާލެ ސަރަހައްދުގައި ބިދޭސީން މުސާރަ ނުދީގެން މުޒާހަރާކުރަމުން ދާއިރު، އެ މުޒާހަރާތައް މިހާރު ހިންގަނީ ދުރާލާ ރާވައިގެން ކަމަށް ފުލުހުން ވަނީ ބުނެފައެވެ.
އަދި އެ މުޒާހަރާތައް އެއްފަހަރާ ބިދޭސީން ތިބޭ ގިނަ ތަންތަނުގައި ހިންގާ ނަމަ އެކަން ކޮންޓްރޯލް ކުރަން އުނދަގޫވާނެ ކަމަށާއި އެއީ ގައުމީ ސަލާމަތަށް ނުރައްކާ އޮތް ކަމަށް ފުލުހުން ވަނީ ވިދާޅުވެފައެވެ.
މި މައްސަލައިގައި އިކޮނޮމިކް މިނިސްޓަރ ފައްޔާޒް އިސްމާއިލް ވިދާޅުވީ ބިދޭސީންގެ މައްސަލަ މިހާ ހިސާބަށް އައީ އެ މައްސަލަ ހައްލު ނުކޮށް ގިނަ ދުވަސް ވުމުން ކަމަށެވެ.
އަދި ބިދޭސީން ފޮނުވާލުމުގައި ހިނގި މަސައްކަތްތަކެއް ހިނގާފައި ވަނީ މި ސަރުކާރުގައި ކަން އެއީ ގަބޫލުކުރަން ޖެހޭ ހަގީގަތެއް ކަަމަށް ވެސް ފައްޔާޒް ވިދާޅުވިއެެވެ.
އަމާޒަކީ މި އަހަރު ނިމޭއިރު ގަވާއިދާއި ޚިލާފަށް އުޅޭ 20000 ބިދޭސީން އަނބުރާ ގައުމަށް ފޮނުވާލުން ކަމަށް ވެސް ފައްޔާޒް ވިދާޅުވިއެވެ.
ބުރުމާ ތިކަމާ އުލޭ ރިސޯޓް ހުރިހާ މީހުން ގެނެސް މާލެ ގެނައީ
ހުސްއެކަނި ބިދޭސީންނެއްނޫން ހަޅުތާލުކުރަންވީ .. ދިވެހިންވެސްތިބީ އެފަދަހާލަތެއްގަ .. ތިންމަސް ހަތަރުމަަސް ނިމިގެންދާއިރު އެންމެރުފިޔާއެއްވެސް ނުލިބޭތަންތަން އެބަތިބި ... އެކަންކަންބަލާދޭނެބަޔަކުވެސް އެބަތިބެންޖެހޭ ... އަހަރެންވެސްމިއައީ ރ އަތޮޅު ރިސޯޓެއްގަހުރެފަ .. އެންމެރުފިޔާއެއްވެސް ނުލިބި ހަތަރުމަސް ދުވަސްވެއްޖެ ... މާދަން މާދަން ކިޔަކިޔާ ތިބެނީ ... މިވެސް އިންސާނުން .. ދިވެހިޒުވާނުން ... އަންބަކާދަރިންތިބިމީހެއް ... މަގުމަތީ ސަލާންޖަހާހިސާބަށް ކަންތައްގޮސްްފި ..
ޒިންމާނުނެގުނީމަދޯ ތިހުރީ ވެރިކަމުން ބަލާފަ
ބިދޭސީންގެ މައްސަލައާއި އެއްއެވުންތަކުގެ ޒިންމާ ކަލޭމެން ނަގަން ނުޖެހޭކަމަށްތަ ވާހަކަ ތިދައްކަނީ! ތިބުނާ ގަޓު ރައީސްވެސް އެކަމަށްވީ އިހުމާލު. ތަންދޮރު ނުދަންނަ ބަޔަކާށް މަންޒަރުތަކެއް ދައްކައިގެން ދެންވެސް ވެރިކަން ލިބޭނެ ގޮތަކަށް ސިޔާސަތު ބައްޓަން ކުރީ. ދެން ހުސް ކިޔެނީ ފައިސާ ފައިސާ އޭ...
މަސައްކަތްކުރުވާފާ ލާރިނޫދީފާ ދެން ބޭރުމީހުން ކުއްވެރިނުކުރޭ