އެމްޑީޕީގެ ޗެއާޕާސަން ހަސަން ލަތީފްގެ މަންމަ ކޮވިޑް-19 އަށް ފައްސިވެ، އޭނާ ކަރަންޓީންގައި ހުންނަވަން ޖެހިއްޖެއެވެ.
ރައްޔިތުންގެ މަޖިލިހުގެ ހެންވޭރު ހުޅަނގު ދާއިރާގެ މެމްބަރުކަން ކުރައްވާ ހަސަން ލަތީފް މިއަދު ކުރެއްވި ޓުވީޓެއްގައި ވިދާޅުވީ އޭނާގެ މަންމަ ކޮވިޑް-19 އަށް ފައްސިވުމާ ގުޅިގެން މިހާރު އައިސޮލޭޝަން ފެސިލިޓީއަކަށް ގެންގޮސްފައިވާ ކަމަށެވެ. އަދި މިވަގުތު އޭނާ ހުންނެވީ ގޭގައި ކަރަންޓީންކޮށްފައި ކަމަށް ވެސް އޭނާ ވިދާޅުވިއެވެ. އަދި ކޮވިޑް-19 ޓެސްޓް ނައްސިވެފައިވާ ކަމަށް ވެސް އޭނާ ވިދާޅުވިއެވެ.
My mother has been tested positive for #COVID19. She is in an isolation facility now. I'm at home quarantine as I'm a direct contact of her. My tests resulted Negative. @MDPSecretariat @mvpeoplesmajlis
— Hassan Latheef🎈 (@HassanLatheef) September 28, 2020
"އަޅުގަނޑު މި ހުރީ ގޭގައި ކަރަންޓީންގައި. އެއީ މަންމަގެ ޑައިރެކްޓް ކޮންޓެކްޓަކަށްވީމަ، އަޅުގަނޑުގެ ޓެސްޓް ނެގެޓިވް،" ރައްޔިތުންގެ މަޖިލިހާއި އެމްޑީޕީގެ ރަސްމީ ޓުވިޓާ އެކައުންޓް ޓެގް ކުރައްވައި ހަސަން ލަތީފް ވިދާޅުވިއެވެ.
ހަސަން ލަތީފް އެގޮތަށް ޓުވީޓު ކުރެއްވުމާ ގުޅިގެން ބަޔަކު ވަނީ އޭނާގެ މަންމަ އަށް އަވަސް ޝިފާއަކަށް އެދިފައެވެ.
މީގެކުރިން، ފައްސިވި މީހާއާ ޑައިރެކްޓް ކޮންޓެކްޓް ވެގެން، ރައްޔިތުންގެ މަޖިލިހުގެ ގިނަ މެމްބަރުން ވެސް ކަރަންޓީންގައި ތިއްބަވަން ޖެހިވަޑައިގެންނެވިއެވެ.
ރާއްޖެ އިން ކޮވިޑް-19 އަށް ފައްސިވި މީހުންގެ އަދަދު ވަނީ 10،098 އަށް އަރައިފައެވެ. މި ބަލި ޖެހިފައި ވަނީ 6،368 ދިވެހިންނަށާއި 3،730 ބިދޭސީންނަށެވެ. އަދި މި ބަލި ޖެހިގެން ރަނގަޅުވެފައި ވަނީ 8،847 މީހުންނެވެ.
މި ބަލީގައި ނިޔާވެފައި ވަނީ 34 މީހުންނެވެ.
އަހަރުމެންނަށް ހެޔޮ ކަލޭ ގޭގައި ނުނީ ކަނޑުމަތީ އޮތަސް
އަހަރުމެންނަށް ހެޔޮ
ހަސަނަ ލަތީފް މަންމައަށް އަވަސް ޝިފާއެއް މިންވަރު ކުރައްވާންދޭ. އާމީން
ތަނބި ކަށި އެކަނި މާލޭ މީހާ އހެން ތަންތަން އިންޑިއާ.
މަންމައަށް ޝަފަކަﷲ،
މިހާރު އިހުސާސް ކެވޭނެ އާދައިގެ ނިކަމެތި ރައްޔިތުން އުޅެމުންދާ ހާލު.