އައްޑޫ ސިޓީ ހިތަދޫގެ ފިހާރައެއްގައި ރޯކޮށްލި މީހަކު ދެނެގަންނަން ވީޑިއޯއާއެކު ފުލުހުން އާއްމުންގެ އެހީތެރިކަމަށް އެދިއްޖެއެވެ.
ފުލުހުން މިއަދު އާއްމުކުރި ވީޑިއޯގައި ފެންނަނީ މީހަކު އިމާރާތެއްގެ ބޭރުގައި ހުރެ އެތަނުގެ ދޮރު ބޭރުން ތަޅާލުމަށްފަހު އެތަނުގައި ހުޅުޖަހާފައި ދުއްވައިގެންނަ މަންޒަރެވެ. ސީސީޓީވީގެ އެ ވީޑިއޯއިން ފެންނަމީހާ ހުރީ މޫނު ނިވާކޮށްގެނެވެ.
ފުލުހުން މިއަދު ބުނި ގޮތުގައި އެއީ މި މަހުގެ ފަސް ވަނަ ދުވަހު ހިތަދޫގެ "ބްލޮސަމް" ނަމަކަށް ކިޔާ ފިހާރައިގައި އަލިފާން ރޯށްލާފައިވާ މައްސަލައާ ގުޅިގެން ހޯދާ މީހެއް ކަމަށެވެ.
އައްޑޫ ސިޓީ ހިތަދޫ ފިހާރައެއްގައި އަލިފާން ރޯކޮށްލާފައިވާ މައްސަލައެއްގައި މީހަކު ހޯދަނީhttps://t.co/qxInkkvmY0 pic.twitter.com/LRGfcis8vK
— Maldives Police (@PoliceMv) September 15, 2022
އައްޑޫ ސިޓީ ހިތަދޫ ޕޮލިސް ސްޓޭޝަނުން ތަހުގީގުކުރަމުންދާ އެ މައްސަލައިގައި ވީޑިއޯގައި ފެންނަ މީހަކީ ކާކުކަމެއް މިހާތަނަށް ކުރި މަސައްކަތުން ދެނެގަނެވިފައިނުވާ ކަމަށް ފުލުހުން ވަނީ ބުނެފައެވެ.
"ވީމާ ވީޑިއޯއިން ފެންނަ މީހާއާ ބެހޭ އެއްވެސް މައުލޫމާތެއް ލިބިފައިވާނަމަ އައްޑޫ ސިޓީ ހިތަދޫ ޕޮލިސް ސްޓޭޝަންގެ ނަންބަރު 9791612 އަށް ގުޅުއްވައި ހިއްސާކުރެއްވުން އެދެމެވެ" ފުލުހުން އާއްމުންގެ އެހީތެރިކަމަށް އެދި ބުނެފައިވެއެވެ.
މިފަދަ ކަންކަމުގައި ރައްޔިތުންގެ ފަރާތުން ފުލުހުންނަށް ލިބެމުންދާ އެއްބާރުލުން ފާހަގަކޮށް ފުލުހުން ވަނީ ޝުކުރު ދަންނަވާފައެވެ.
ތީ ވަގުންގެ އިންޓެލިޖެންސެއް. ޕޮލިހުންގެ އިންޓެލިޖަންސައް ނެއގުނުކަމެއް އަހރުމެން ހޯދަން އަހރުމެން ދޮ މި އިންލިޖަންސު މަސަކަތުގައި އުލެނި. ތި މީހަކު އެގެނި ހަމަ އެކަނި އެމީހާ ތިމެންނަ އޭ އެކަންކުރީ ބުނިދުވަހަކުން.
ހުރިގޮތް ބަލާފަ ވައްތަރީ ކުލޭއާ