ރާއްޖެއާ ޔޫއޭއީގެ އަސްކަރީ ގުޅުން އިތުރަށް ވަރުގަދަ ކުރަން މަޝްވަރާކޮށްފި އެވެ.

އެ މަޝްވަރާތައް ކުރިއަށް ދިޔައީ ޑިފެންސް މިނިސްޓަރު މާރިޔާ ދީދީ މިހާރު ޔޫއޭއީއަށް ކުރައްވަމުން ގެންދަވާ ދަތުރުފުޅުގެ ތެރެއިންނެވެ.

އެ ދަތުރުފުޅުގެ ތެރެއިން މާރިޔާ ވަނީ ޔޫއޭއީގެ އަސްކަރިއްޔާގެ ޗީފް އޮފް ސްޓާފް ލެފްޓިނެންޓް ޖެނެރަލް އިންޖިނިއަރ ޢީސާ ސައިފް ބިން އަބްލަން އަލް މަޒްރޫއީ އާ ބައްދަލުކުރައްވައިފަ އެވެ.

އެ ބައްދަލުވަމަށް ފަހު މާރިޔާ މިއަދު ކުރެއްވި ޓުވީޓެއްގައި ވިދާޅުވީ އެ ބައްދަލުވުގެ ނަތީޖާ ވަރަށް ރަނގަޅު ކަމަށެވެ.

އެ ގޮތުން އަސްކަރީ ގުޅުން ބަދަހި ކުރުމާ ގުޅޭ ގޮތުން މަޝްވަރާ ކުރެއްވި ކަމަށް ވިދާޅުވިއެވެ.

"ދެ ގައުމުގެ އަސްކަރީ ގުޅުން އިތުރަށް ބަދަހި ކުރަން އާ ހަރުފަތަކަށް ދާނެ ކަމަށް އުއްމީދުކުރަން". މާރިޔާ ވިދާޅުވި އެވެ.

Had a productive meeting with CDS of🇦🇪 Gen Issa. We both spoke about defence cooperation being the key to lasting peace. #IDEX2023 was impressive with many new products on display. Looking forward to enhancing defence coperation between our 2 sisterly nations 🇦🇪 🇲🇻@Forsan_UAE https://t.co/legw5HwVMw

— Mariya Didi 🎈 (@MariyaDidi) February 24, 2023