މިންތީގެ ހަމަހަމަކަން ގާއިމުކުރުމަށް އަންހެނުންގެ ދުވަހާ ގުޅުވައިގެން އަންހެން ކުދިންނަށް ހާއްސަކޮށްގެން ކޯޑިންގ އަދި އިންޖިނިއަރިންގ ޕްރޮގްރާމެއް ފަށަން ބޭންކް އޮފް މޯލްޑިވްސް (ބީއެމްއެލް) އިން ތައްޔާރުވެއްޖެއެވެ.
ބީއެމްއެލް އިން މިފަދަ ޕްރޮގްރާމެއް ފަށަން ތައްޔާރުވެފައި ވަނީ އަހަރުގެ އަންހެނުންގެ ދުވަހުގެ ތީމްއާ ގުޅުވައިގެންނެވެ.
މި އަހަރުގެ އަންހެނުންގެ ދުވަހުގެ ތީމަކީ "ޑީޖިޓަލްއޯލް: އިނޮވޭޝަން އެންޑް ޓެކްނޮލޮޖީ ފޯ ޖެންޑާ އީކުއަލިޓީ" އެވެ. ދިވެހިން ބުނާނަމަ މިއީ "މިންތީގެ ހަމަހަމަ ކަމަށްޓަކައި ޓެކްނޯލޮޖީ އާއި އިނޮވޭޝަން" އެވެ.
ބީއެމްއެލް އިން ބުނީ އެ ކުންފުނިން މިފަދަ ޕްރޮގްރާމެއް ތައާރަފްކުރުމުން ބޭނުމަކީ އީޖާދީ އަދި ޓެކްނޮލޮޖީގެ ދާއިރާގައި މިންތީގެ ހަމަހަމަކަން ގާއިމުކުރުން ކަމަށެވެ.
We are pleased to announce that we are supporting a Coding and Engineering program for 30 girls between 12-14 years!💪
The #IWD2023 theme focuses on developing the necessary skills for women and girls to engage in digital spaces and increase opportunities in related fields. pic.twitter.com/gYYRqf5Sw3
— Bank of Maldives (@bankofmaldives) March 8, 2023
މި ޕްރޮގްރާމް އަމާޒުކޮށްފައިވަނީ 12 އަހަރާއި 14 އަހަރުގެ އުމުރުފުރައިގެ އަންހެން ކުދިންނަށެވެ. މި ޕްރޮގްރާމުގައި ޖުމްލަ 30 ކުދިންނަށް ބައިވެރިވުމުގެ ފުރުސަތު ދޭނެއެވެ.
ބީއެމްއެލް އިން ބުނީ މި ޕްރޮގްރާމް ކުރިއަށް ގެންދާނީ ފޯލޫޕް ކޯޑިންގ އެކަޑަމީ އިން ކަމަށެވެ. އަދި މި ޕްރޮގްރާމުގައި ވިޝުއަލް ބްލޮކްސް ބޭނުންކޮށްގެން ގޭމް ޑިވެލޮޕްކުރުން، ޕައިތަން ބޭނުންކޮށްގެން އެޕް ޑިވެލޮޕްކުރުމާއި ބްލޫޓޫތް ކޮންޓްރޯލް ރޮބޮޓް ހެދުން ފަދަ ކަންކަން ދަސްކޮށްދިނުމަށް ހަމަޖެހިފައިވާ ކަމަށްވެސް ބުނެފައި ވެއެވެ.
ބީއެމްއެލް އިން ބުނީ މި އަހަރުގެ އަންހެނުންގެ ދުވަހުގެ ތީމްގައިވާ ކަންކަން ހާސިލް ކުރުމަށްޓަކައި ކުޑަކުދިން މިދާއިރާއަށް ޝައުގުވެރިކަން އުފެއްދުމާއި ޓެކްނޮލޮޖީގެ ދާއިރާއިން އަންހެން ކުދިންނަށް ފަހި ފުރުސަތުތަކެއް ހޯދައިދިނުމަކީ މުހިންމު ކަމެއް ކަމަށެވެ.
ދެ ޖިންސު ހަމަހަމަ ކަމުގެ ވާހަކަ ދައްކާ އިރު ކޮން ހަމަހަމަ ކަމެއްތޯ މިހާރު މިފެންނަނީ. އަންހެނުންނަށް ހާއްސަ ކޯޑިންގ ޕްރޮގްރާމާ އަންހެނުންނަށް ހާއްސަ ލޯނާ. އޭއްޗެއް މީއްޗެއް. އަބަދު އަންހެނުންގެ ހައްގުތަކުގެ ވާހަކަ. ކޮބައިތޯ ފިރިހެނުންގެ ހައްގުތައް. މިހާރު ބަދިގޭގަ ކައްކާފަ އަނބިމީހާއަށް ކާންދޭން މިޖެހެނީ ފިރިމީހާއަށް. ކުދިންވެސް ބަލަން މިޖެހެނީ ފިރިމީހާއަށް.
ތިތަނުގެ ތެރޭގަ މިހާރުވެސް ހެކަރޒްގެ ކަންތައް މައިތިރި ނުވޭ. އަދިވެސް އިތުރަށް ކަސްޓަމަރުންނަށް ހޭ އަރުވާލަންތަ ބޭނުމީ
ހުރިހާ ކުޑަކުދިންނެ ނޫން، ހަމަ އެކަނި އަންހެން ކުޑަކުދިންދޯ؟ ގައުމުގައި ހުރިހާ އެންމެންނާ ހުރިހާ ޖިންސެއް ހަމަ ހަމަ އޯ، އެކަމަކު މިފެންނަނީ ކިހާ ހަމަހަމަ ކަން، މަގާމާ މައްސޫލިޔަތު ދޭން ޖެހޭނީ ގާބިލު މީހުންނަ، އަންހެން ފިރިހެން ބެލުމެއް ނެތި.