ފުޅާ ދާއިރާއެއްގައި އައިސްކްރީމްގެ އެކި ފްލޭވާތައް ވިއްކަމުން އަންނަ ދުނިޔޭގެ މަޝްހޫރު ބްރޭންޑެއް ކަމަށްވާ މޫވްއެންޕިކްގެ މާލޭގެ އައުޓްލެޓުން އައިސްކްރީމް ޑެލިވަރީގެ ހިދުމަތް ފަށައިފިއެވެ.
ރާއްޖޭގައި އައިސްކްރީމް ޑެލިވަރީ ހިދުމަތް ދޭން މި ފެށީ އަލަށެވެ.
މޫވްއެންޕިކުން ބުނީ، މޫވްއެންޕިކުން އައިސްކްރީމް ޑެލިވަރީ ހިދުމަތް ދޭން ފެށީ، ކޮވިޑް-19 އާއި ގުޅިގެން ގޭގައި މީހުން ތިބުމަށް އިރުޝާދު ދީފައިވާއިރު، ގޭގައި ތިބެގެންވެސް އައިސްކްރީމް ބޯން ބޭނުންވާ މީހުންނަށް އެ ހިދުމަތް ދިނުމުގެ ގޮތުން ކަމަށެވެ. އެތަނުން ފުރަބަންދު ވަގުތުގައިވެސް އައިސްކްރީމް ޑެލިވަރީކޮށްދޭނެއެވެ.
އެތަނުން ޑެލިވަރީ ހިދުމަތް ދެމުން ގެންދާނީ މާލެ އަށެވެ. ކަސްޓަމަރުންގެ ޑިމާންޑު ބޮޑުވާނަމަ ހުޅުމާލެއަށްވެސް ޑެލިވަރީ ހިދުމަތް ދިނުމަށް މޫވްއެންޕިކުން ތިބީ ތައްޔާރަށެވެ.
މޫވްއެންޕިކުން އެތައް ފްލޭވާއެއްގެ އައިސްކްރީމް ވިއްކަމުން އަންނައިރު، ޑެލިވަރީ ކޮށްދޭން ނިންމާފައި ވަނީ ނުވާ ފްލޭވާއެކެވެ. 150 ރުފިޔާއަށް ވުރެ މަތިން އޯޑަރު ކުރާ ކޮންމެ ފަރާތެއްގެ ގޭގެ ދޮރާއްޓާއި ހަމައަށް އައިސްކްރީމް ތަށި ގެންގޮސްދާނެއެވެ.
އަދި މީގެ އިތުރުން ހަތަރު ވައްތަރެއްގެ ބުއިމެއްވެސް ޑެލިވަރީ ކޮށްދިނުމަށް ވަނީ ނިންމާފައެެވެ.
އެތަނުން ހެނދުނު 11:00 އިން ރޭގަނޑޫ 11:00 އާއި ހަަމައަށް ޑެލިވަރީ ހިދުމަތް ދެމުންގެންދާއިރު، ޑެލިވަރީއަށް ގުޅަންވީ ނަމްބަރަކީ 9561012 އަށެވެ.
މޫވެންޕިކްއަކީ ދިވެހިންގެ ލޯބި ލިބިފައިވާ، އައިސްކްރީމްގެ އެތައް ފްލޭވާއެއް ވިއްކަމުން އަންނަ ބައެކެވެ.
އައިސް ކްރީމް ޑެލިވަރ ކުރުމުގެ ބަދަލުގައި އާދައިގެމަތިން ބޭނުންވާ ކާއެއްޗަހި ޑެލިވާ ކުރުންކކކ މާބުއްދިވެރި.?
ސަޅި ?