ބޭންކް އޮފް މޯލްޑިވްސް (ބީއެމްއެލް) ގެ ހިންގުން އައިޝަތު ނޫރައްދީންއާ ހަވާލުކޮށްފިއެވެ.
ބީއެމްއެލްއިން ބުނީ އެކްޓިން މެނޭޖިން ޑިރެކްޓަރުގެ މަގާމަށް އައިޝަތު މިދިޔަ ޖުލައި މަހުގެ 14 ވަނަ ދުވަހުން ފެށިގެން ހަމަޖައްސާފައިވާ ކަމަށެވެ.
އައިޝަތު އެ މަގާމަށް ހަމަޖެއްސީ ކުރިން ބީއެމްއެލްގެ ސީއީއޯ އަދި މެނޭޖިން ޑިރެކްޓަރު ޓިމް ސޯޔާ މަގާމުން އިސްތިއުފާ ދެއްވުމާ ގުޅިގެންނެވެ. އޭނާ ވަނީ ތިން އަހަރު ވަންދެން އެ މަގާމު ފުރުއްވައިފައެވެ.
އައިޝަތު ކުރިން ހުންނެވީ ޑެޕިއުޓީ މެނޭޖިން ޑިރެކްޓަރުގެ މަގާމުގައެވެ.
އައިޝަތު ބީއެމްއެލްގައި ހިދުމަތް ކުރައްވަމުން ގެންދަވާތާ ގިނަ އަހަރުތަކެއް ވަނީ ވެފައެވެ. އައިޝަތު ބީއެމްއެލްއާ ގުޅިވަޑައިގެންނެވީ 1982 ގައެވެ. އޭނާ މިހާތަނަށް އައިއިރު 40 އަހަރު ބީއެމްއެލް އަށް ހިދުމަތް ކުރެއްވިއެވެ.
އައިޝަތު ވަނީ ބީއެމްއެލްގެ ބޯޑްގައި ޑިރެކްޓަރެއްގެ ގޮތުގައި ހަ އަހަރު ހިދުމަތް ކުރައްވައިފައެވެ. އަދި ބީއެމްއެލްގެ އިންޓަނޭޝަނަލް ބޭންކިން އުފެއްދުވުމުގައި އިސް ދައުރެއް އަދާކުރެއްވިއެވެ.
ބީއެމްއެލްއަށް ދާއިމީ ވެރިއެއް އައްޔަނުކުރާނެ ތާރީހެއް އެ ބޭންކުން އަދި ނުބުނެއެވެ.
މީތަ މީހެއްގެ ދަރިފުޅު ފޮރުވައިގެން ގެންގުޅޭ ބާރުގަދަ ފަރާތަކީ؟
ނޫން،،،، އިސްލާމިކް ބޭންކިންގް ހެޑް - ފާތާނިކެ
މިކަހަލަ ދެ އާއިލާއެއް ނޫން ބަޔަކު ރާއްޖޭގައި ނޫޅެނީ ދެއްތޮ. ؟
ތިއީ ބޭންކްގައި ހުރި ބޮޑު ފޫއްސެއް. ތިތަނުގައި މުސާރަ ނަގައިގެން ގޮނޑި ހޫނު ކުރަން ހުންނަ މީހެއް
އާސްތު ނޫރުދީން، ނިޔާވުމުން މަހާނަގަލުގައި ވެސް ޖަހާތި " އެކްޓިން މެނެޖިންގް ޑިރެކްޓަރ އޮފް ބީއެމްއެލް "
އަޅެ ތިތަނަށް ރައްޔިތުން ބަވާއިރުވެސް ހަމަ ކުރީގެ މީހުން
ވައްލާހީ.. އެއްކަލަ މާލޭގެ ޝާހީ ހާންދާނުގެ ބޭޅާއެއް ދެއްތޯ؟