ތޫފާން އިއާންއަކީ "ވަރަށް ނުރައްކާތެރި" ތޫފާނެއްގެ ގޮތުގައި އެމެރިކާގެ ނެޝަނަލް ހަރިކޭން ސެންޓަރުން ކަނޑައަޅައިފިއެވެ.
އެ ތޫފާނަކީ ކެޓެގަރީ ހަތަރެއްގެ ތޫފާނަކަށް ވަނީ ބަދަލުކޮށްފައެވެ. އެ ތޫފާނާއި ގުޅިގެން އެކި ގައުމުތަކަށް ބޮޑެތި ގެއްލުންތަކެއް ދަނީ ވަމުންނެވެ.
މި ތޫފާންގެ ފްލޮރިޑާ ޕެނިންސިއުލާއަށް ބޮޑެތި، ކާރިސާއެއް ކުރިމަތިވެ، ވައިގަދަވެ، ފެންބޮޑުވުމުގެ ހާދިސާތައް ކުރިމަތިވާނެ ކަމަށް ވަނީ ލަފާކޮށްފައެވެ.
ކެޓަގަރީ 4 ގެ ތޫފާންތަކުގައި ގަޑިއަކު 130 މޭލާއި 156 މޭލާ ދެމެދުގެ ބާރުމިނުގައި ވައިޖެހި، "ކާރިސާއެއް" ކުރިމަތިވެ، ބޮޑެތި ގެއްލުންތަކެއް ލިބިދާނެކަމަށް ބުނެފައި ވެއެވެ.
އަދި މި ތޫފާންގެ ސަބަބުން ކަރަންޓް ކެނޑުން ހަފްތާތަކަކަށް ނުވަތަ މަސްތަކަކަށް ދެމިގެން ދާނެ ކަމަށާއި އެ ސަރަހައްދަކީ ވެސް އެފަދަ މުއްދަތަކަށް ދިރިނޫޅެވޭ ވަރުގެ ސަރަހައްދަކަށް ވެދާނެ ކަމަށް އެ ސަރަހައްދުގައި ދިރިއުޅޭ މީހުން ބުނެފައި ވެއެވެ.
މީޑިއާ ރިޕޯޓްތައް ބުނާގޮތުގައި، މި ތޫފާންގެ ސަބަބުން ކިއުބާގެ ހުރިހާ ހިސާބަކުން ކަރަންޓް ކެނޑުނުއިރު، މިއަދު އެ ތޫފާން ވަނީ ފްލޮރިޑާގެ ގަލްފް ކޯސްޓަށް އަރާފައެވެ.
މިއަދު ހެނދުނު 5:00 ހާއިރު މި ތޫފާންގެ މިސްރާބް ހުރީ އިޓަލީގެ ނެޕްލެސް ސިޓީގެ ހުޅަނގު ދެކުނުން ގާތްގަނޑަކަށް 75 މޭލު ދުރުގައެވެ. އަދި މި ތޫފާނުގެ ސަބަބުން ގަޑިއަކު 140 މޭލަށް ވައިޖެހެމުން ދިޔަ ކަމަށް ނޭޝަނަލް ހަރިކޭން ސެންޓަރުން ބުނެފައި ވެއެެވެ.
އެ ތޫފާނުގެ މިސްރާބު މިއަދު ހެނދުނު ފްލޮރިޑާގެ ހުޅަނގު އައްސޭރިފަށާ ކައިރިވިއިރު، މިއަދުގެ ވަގުތެއްގައި އެ ގައުމު ދޫކޮށް ދުރަށް ދާނެ ކަމަށް ވަނީ ބެލެވިފައެވެ.
އެ ސެންޓަރުން ބުނީ އިއާން ފްލޮރިޑާގެ ހަމައަށް ދިއުމުގެ ކުރިން ގަދަވަޔާއެކު ވިއްސާރަ ކުރުމަކީ އެކަށީގެންވާ ކަމެއް ކަމަށާއި ނަމަވެސް ފްލޮރިޑާގެ ހުޅަނގު އައްސޭރިއާ ކައިރިވާނެ ކަމަށް ލަފާކުރެވެނީ "ވަރަށް ނުރައްކާތެރި" ބޮޑު ތޫފާނެއްގެ ގޮތުގައި ކަމަށެވެ. އަދި އެކަމުގެ ސަބަބުން ބިންގަނޑު ކަނޑައިގެން ގޮސް ބަލިކަށިވުން އެކަށީގެންވާ ކަމަށްވެސް ބުނެފައި ވެއެވެ.
