މައްސަލަ ބަލަމުން ދަނިކޮށް ބޮލީވުޑްގެ މަޝްހޫރު އެކްޓަރު ޖެކްލިން ފެނާންޑޭޒް އިންޑިއާ ދޫކޮށް ފިލައިގެން ދާން އުޅުނު ކަަމަށް އެންފޯސްމަންޓް ޑައިރެކްޓްރޭޓް (އީޑީ)ން މިއަދު ދިއްލީގެ ކޯޓެއްގައި ބުނެފި އެވެ.
ޖެކްލިން އާ ގުޅޭ މައްސަލައަކީ ޖަލަށްލާފައިވާ ސުކޭޝް ޗަންދްރަޝޭކަރުގެ 200 ކްރޯޑް ރުޕީސްގެ މަކަރާއި ހީލަތުން ފައިސާ ހޯދުމުގެ މައްސަލައެވެ.
އީޑީން މިއަދު ބުނީ، ޖެކްލިން އިންޑިއާ ދޫކޮށް ދާން މަސައްކަތް ކުރީ ޖަލަށްލާފައިވާ ސުކޭޝްގެ މައްސަލައެއް ތަހުގީގު ކުރަމުން ދަނިކޮށް ކަމަށެވެ.
ކޯޓުގައި ކުރިއަށް ގެންގޮސްފައި ވަނީ އޭނާގެ ކަފާލާތުގެ ދަށުން އާންމުކޮށް ހުށަހެޅި މައްސަލައިގެ އަޑުއެހުމެކެވެ. އޭނާގެ ވަކީލުން ބުނީ، އީޑީގެ އެއްވެސް ލިޔުމެއް އޭނާއަށް ލިބިފައި ނުވާ ކަމަށެވެ. އެހެންވެ ކޯޓުން އީޑީއަށް އަންގާފައިވަނީ އެކަން ކުރުމަށް ކަމަށެވެ.
އެ މައްސަލައިގެ އަޑުއެހުމެއް ދެން އޮންނާނީ ނޮވެމްބަރު މަހުގެ 10 ވަނަ ދުވަހުއެވެ.
ކޯޓުގެ އެ ވާހަކަތަކާއި ގުޅިގެން ޖެކްލިންގެ ކަފާލާތުގެ އެޕްލިކޭޝަން ހުށަހެޅުމާ ދެކޮޅު ހަދައި އީޑީން ތުހުމަތުކޮށްފައި ވަނީ އޭނާ މޯބައިލް ފޯނުން ޑޭޓާ ޑިލީޓްކޮށްގެން ތަހުގީގުގެ ތެރޭގައި ހެކި ނައްތާލަން މަސައްކަތް ކުރި ކަމަށެވެ.
އޭގެ އިތުރުން، އީޑީން ވަނީ ޖެކްލިން ތަހުގީގަށް އެއްބާރުލުން ނުދޭ ކަމަށް ވެސް ބުނެފައި ވެއެވެ. އަދި އިންޑިއާ ދޫކޮށް އޭނާ ދާން ބޭނުންވި ނަމަވެސް އެކަން ނުކުރެވުނީ ނަން "ލުކްއައުޓް ސާކިއުލާ" ގައި އޮތުމުން ކަމަށް ބުނެފައި ވެއެވެ.
ދިއްލީގައި ޖަލަށްލާފައިވާ ސުކޭޝް ވަނީ ފޯޓިސް ހެލްތްކެއާގެ ކުރީގެ ޕްރޮމޯޓަރު ޝިވިންދަރު މޯހަން ސިންގްގެ އަނބިކަނބަލުން އަދިތީ ސިންގ ހިމެނޭހެން އެތައް ބަޔަކަށް ހިޔާނަތްތެރިވެފައެވެ.
އީޑީން ބުނީ ޖެކްލިން އާއި ނޯރާ ފަތޭހީއަށް ލަގްޒަރީ ކާރުތަކާއި އެހެނިހެން އަގުބޮޑު ހަދިޔާތައް އޭނާގެ ފަރާތުން ލިބުނު ކަމަށެވެ.
އަދި އީޑީން ބުނެފައިވާގޮތުގައި، ސުކޭޝް ޖިނާއީ މައްސަލަތަކުގައި ބައިވެރިވާކަން ޖެކްލިން އެނގޭ ކަމަށާއި އޭނާ އަކީ ކައިވެނިކޮށްގެން އުޅޭ މީހެއް ކަންވެސް އެނގޭ ކަމަށެވެ. ނަމަވެސް ޖެކްލިން އެ ކަންކަން މާބޮޑު ކަމަކަށް ނަހަދާ، ސުކޭޝް އާއެކު މާލީ މުއާމަލާތްތައް ކޮށްފައިވާ ކަމަށްވެސް ބުނެފައި ވެއެވެ.
ތިކަން ކުނުރަނީ ކޮންބައެއް އަދި ތި އިންޑިޔާތީ ހުރިހާ ކަމެއްގަ ހައްދުފަހަނަ އަޅާފަ އޮތް ގައުމެއް ، ތިޔަވަބާ މިހާރު މި ކުޑަ ކުޑަ ގައުމުގަވެސް ފަތުރައިފި.
މަންޖެ އާދެ ތޮއްޑުއަށް އަހަރެން ކަރާ ދަނޑު ތެރޭ ފޮރުވައިގެން ގެންގުޅޭނަން!!