ބޭނުންވާ ތަކެތި:
- 2 ޗިޗަންޑާ (3 އިންޗި އަށް ވަށްކޮށް ކޮށާފައި)
- 1 ފިޔާ
- 4 ލޮނުމެދު
- 1 އިންޗި އިނގުރު
- އަސޭމިރުސް
- ހިކަނދިފަތް
- މުގުރި ހިކިމިރުސް
- 1/2 ލުނބޯ ހުތް
- 200 ގްރާމް ކަނޑުމަސް
- ލޮނު
- 3 މޭޒުމަތީ ސަމްސާ އޮލިވް އޮއިލް
ތައްޔާރު ކުރާނެ ގޮތް:
ޗިޗަންޑާ ނޫން އެހެން ހުރިހާ ބާވަތްތަކެއް ބްލެންޑްކޮށްލާށެވެ. ދެން ޗިޗަންޑާކޮޅުގެ އެތެރެއަށް، ބްލެންޑްކުރި މިކްސް އަޅާށެވެ. އެއަށްފަހު ތަވައެއްގައި ތެޔޮކޮޅެއް ހޫނުކުރުމަށްފަހު ޗިޗަންޑާތައް އެއަށް ލައި، މަތިޖަހާފައި މަޑުގިނީގައި ފިހެލާށެވެ. ކޮންމެ 5-7 މިނިޓަކުން މަތި ނަގައި، ހުރިހާ ފަރާތެއްވެސް ރަނގަޅަށް ފިހެވޭތޯ ބަލާށެވެ. އެންމެ މީރުވާނީ ހޫނުކޮށް ހުއްޓާ ކެއުމުންނެވެ. ރިހައާއި ބަތާއެއްކޮށް ވެސް ކެވިދާނެއެވެ.