ކުޑަކުދިން ހޮޑުލެވޭ ރޯގާއެއް މާލޭ ސަރަހައްދުގައި ފެތުރި، އައިޖީއެމްއެޗްއާއި އޭޑީކޭ ހޮސްޕިޓަލުގެ އެމަޖެންސީ ރޫމު ފުރިއްޖެއެވެ.
މާލެ ސަރަހައްދުގައި ހޮޑުލެވޭ ރޯގާއެއް ފެތުރި ރެއިން ފެށިގެން އޭޑީކޭ ހޮސްޕިޓަލާއި އައިޖީއެމްއަށް ގިނަ އަދަދެއްގެ ކުޑަކުދިން ވަނީ ގެންގޮސްފައެވެ. އެކަން އެ ހޮސްޕިޓަލްތަކުން ވަނީ "ވަގުތު" އަށް ކަށަވަރު ކޮށްދީފައެވެ.
We are seeing a sudden heavy surge in patients presenting to ER with vomiting (some with vomiting and diarrhea). Kids and young adults too.
Please ensure water consumed is clean. Boiled and cooled / filtered water is a safe option.
Good hand and personal hygiene are important.
— Abdulla Niyaf (@niyaf) July 28, 2023
އޭޑީކޭ ހޮސްޕިޓަލުގައި މިވަގުތު ވެސް ގިނަ އަދަދެއްގެ ކުޑަކުދިން ތިބިއިރު، އައިޖީއެމްއެޗްއަށް ވެސް ގިނަ އަދަދެއްގެ ކުޑަކުދިން ގެންގޮސްފައިވާ ކަމަށް އެ ހޮސްޕިޓަލުގެ ކުޑަކުދިންގެ ޑޮކްޓަރު، އަހްމަދު ފައިސަލް ވިދާޅުވިއެވެ.
މުޅި މާލެ ހޮޑުލުމުގައި
🏫ގެ ER ފުރިފައިއޮތީ ހޮޑުލާ👶
🖐️ދޮވެގެން ނޫނީ ނުކާތި
އަވަސްއަވަހަށް 🖐️ދޮވެލަން އާދަކުރަމާ
ހޮޑަށްދޭ ބޭސްކޮޅެއް ދީފައި މަދުމަދުންވިޔަސް އަވަސްއަވަހަށް ދިޔާއެއްޗެހިދެއްވާ
ފެންމަދުވިޔަ ނުދީވޭތޯބަލާތި
މާވަރުދެރަވެ ހީސްނުލާ 8 ގަޑިއިރުވީމާ ޖެހޭނީ IV ކޮޅެއްދޭން— Ahmed Faisal (@Faisalnaifaru) July 28, 2023
މިކަމާއި ގުޅިގެން ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ވިދާޅުވީ، ރެއިން ފެށިގެން މާލެއިން ކުއްލިއަކަށް ގިނަ ބަޔަކު ބޭރަށް ހިނގުމާއި، ހޮޑުލުން އިތުރުވެފައިވާ ކަމަށެވެ. އެހެން ކަމުން އެކަމުގެ ސަބަބު ހޯދުމުގެ މަސައްކަތް ފަށާފައިވާ ކަމަށް އެޗްޕީއޭއިން ވަނީ ވިދާޅުވެފައެވެ. އަދި މި ބަލި ކޮންޓްރޯލް ކުރުމަށް އެޅެން ހުރި ފިޔަވަޅުތައް ބަލަމުން އަންނަ ކަމަށް ވެސް އެޗްޕީއޭއިން ވަނީ ވިދާޅުވެފައެވެ.