މިހާރު ފެތުރެމުން އަންނަ ނުރައްކާތެރި ވައިރަސް ކޮވިޑް-19 އާއި ގުޅިގެން، މަޝްހޫރު މީސްމީޑިއާ މަންސަ، ފޭސްބުކް އިން "ކެއާ ރިއެކްޝަން" ތައާރަފް ކުރުމަށް ނިންމައިފިއެވެ.
ކޮވިޑް-19 އާއި ގުޅިގެން ގިނަ ބަޔަކަށް އެކަމުގެ އަސަރު ކޮށްފައިވާ މި ދަނޑިވަޅުގައި ސޯޝަލް މީޑިއާގެ އެކި ޕްލެޓްފޯމްތަކުގައި މީހުން ހޭދަކުރަމުން އަންނަ ވަގުތުވެސް ވަނީ އިންތިހާ އަށް އިތުރުވެފައެވެ. ފޭސްބުކް އިން މިހާރު ތާރަފް ކުރުމަށް ނިންމާފައިވާ ކެއާ ރިިއެކްޝަނުގެ ސަބަބުން އެކަކު އަނެކަކަށް އޯގާތެރިވާކަން ހާމަކޮށްދެވޢނެ އެވެ.
ފޭސްބުކްގެ ޓެޗްކޮމް މެނޭޖަރ އެލެކްސަންޑްރާ ވޮއިސާ ބުނެފައި ވަނީ މި ވަގުތުގައި އެންމެންނާއި ގުޅޭ ރިއެކްޝަނެއް އުފެއްދުމަކީ މުހިންމު ކަމެއް ކަމަށެވެ. އަދި މި ރިއެކްޝަނުގެ ސަބަބުން އާއިލާ އާއި ރަހުމަތްތެރިންނާއި އޮންނަ ގުޅުންތައް އިތުރިވެގެންދާނެ ކަމަށް ގަބޫލު ކުރާ ކަމަށް އޭނާ ވަނީ ބުނެފައެވެ.
[7/7] The new Facebook Care Reaction - an emoji hugging a heart - is coming to Workplace to help colleagues show care and support when responding to a post, message, photo or video.
More details about the Care Reaction here: https://t.co/eEyNVdh52f
— Alexandru Voica 💀 (@alexvoica) April 23, 2020
ފޭސްބުކް އިން އަންނަނީ މި ރިއެކްޝަންތަކުގެ އިތުރުން މި ދުވަސްކޮޅާއި ގުޅޭ ޕްރޮފައިލް ފޮޓޯ ފްރޭމްތައްވެސް ފޭސްބުކުގައި ހިމަނަމުންނެވެ.
މި ދުވަސްވަރު ފެތުރެމުން އަންނަ ނުރައްކާތެރި ވައިރަސް ކޮވިޑް-19 ގެ ސަބަބުން ގިނަ ބަޔަކަށް ވަނީ ނަފްސާނީ ގޮތުންވެސް އަސަރުކޮށްފައެވެ.
އެހެން ކަމުން ގޭގައި ތިބެގެންވެސް މުއާސަލާތީ ގުޅުންތައް ބޭނުންކޮށްގެން މީހުންނާއި ވާހަކަ ދައްކައި، މިހާރު ދިރިއުޅެމުން ދާ ގޮތްތަކަށް ހޭނުމަށް ކަމާބެހޭ ފަރާތްތަކުން ދަނީ އިރުޝާދު ދެމުންނެވެ.
މި ދަނޑިވަޅުގައި ރަހުމަތްތެރިންނާއި ބައްދަލު ކުރަން ބޭރަށް ނުދެވުނު ކަމުގައި ވީނަމަވެސް، ފޭސްބުކް ފަދަ ޕްލެޓްފޯމްތައް ބޭނުންކޮށްގެން އަބަދުވެސް މީހުންނާއި ގުޅިގެން އުޅުމަކީ މުހިންމު ކަމެއް ކަން ފާހަގަ ކޮށްލެވެއެވެ.
މިހާރު ފެތުރެމުން އަންނަ ކޮވިޑް-19 އާއި ގުޅުންހުރި އެހެނިހެން ބަދަލުތައް ސޯޝަލް މީޑިއާގެ ޕްލެޓްފޯމްތަކަށް ދަނީ ގެންނަމުންނެވެ.
