އެމެރިކާގެ މަޝްހޫރު ލަވަކިޔުންތެރިޔާ އާރޮން ކާޓާ ރާއްޖޭގެ ޑިޖިޓަލް އާޓިސްޓް، އަލީ ޝިމްހާގްގެ އާޓް ޕީސްއެއް ވަގަށް ނަގައި އޭގެ ބޭނުންކުރި މައްސަލަ އާއި ގުޅިގެން އާރޮންއާ ދެކޮޅަށް "ކޮޕީރައިޓް އިންފްރިގްމެންޓް" ދައުވާ ކުރުމަށް އިއްޔެ އެމެރިކާގެ ކޯޓަކަށް މައްސަލަ ހުށަހަޅައިފިއެވެ.
އެ މައްސަލަ ކޯޓަށް ހުށަހަޅާފައިވާކަން ޝިމްހާގް ކުރި ޓްވީޓެއްގައި ވަނީ ކަށަވަރު ކޮށްދީފައެވެ. ޝިމްހާގް ބުނީ، އާޓްވޯކްގެ މަސައްކަތްތަކީ ވަރަށް ބުރަ އަދި ވަރަށް ގިނަ ވަގުތު އެކަމަށް ހޭދަވާ މަސައްކަތްތަކެއް ކަމަށެވެ. އޮންލައިންކޮށް ކުރެހުމެއް ފެންނަން ހުރުމަކީ އާޓިސްޓްގެ ހުއްދަ ނެތި އެ ކުރެހުމެއް ބޭނުން ކުރެވޭނެ ސަބަބެއް ނޫން ކަމަށް ވެސް ޝިމާހްގް ބުންޏެވެ.
މިމައްސަލައިގައި ޝިމްހާގްގެ ޤާނޫނީ ވަކީލުންގެ ޓީމްގައި ރާއްޖޭގެ ދެ ވަކީލެއްގެ އިތުރުން ދެން ހަރަކާތްތެރިވަނީ ނިއުޔޯކްގެ ލޯ ފާމެކެވެ.
ދައުވާގައި ޝިމްހާގްގެ ފަރާތުން އެދިފައި ވަނީ ކާޓާގެ އަތުން 25000 އެމެރިކާ ޑޮލަރު (385000 ރުފިޔާ) ގެ ބަދަލެއް ނަގައި ދިނުމަށެވެ.
My case against Aaron Carter has been officially filed in the US and my legal team @liebowitzlaw @HamzaKhalyl @ShaiShahid will be pursuing action against him. No artist should have to back down if their work is being misused by someone else. (1/2) pic.twitter.com/4s0Zj6AwFU
— Shimhaq (@shimhaq) May 10, 2020
2014 ގައި ޝިމްހާގް ކުރެހި ސިންގާއެއްގެ ކުރެހުން ކާޓާ ބޭނުންކުރަމުން ގެންދާކަން އެނގުނީ އެ ކުރެހުމަކީ ކާޓާގެ އެއްޗެއް ކަމަށް ބުނެ ކާޓާގެ ނަމުގައި ހިންގާ އިންސްޓަގްރާމްގައި އެ ކުރެހުން ހިއްސާ ކުރުމުންނެވެ. ކާޓާ ފޮޓޯ އިންސްޓަގްރާމް ކުރީ މިދިޔަ އަހަރުގެ ސެޕްޓެމްބަރ މަހު އެވެ.
"އަހަރެން މިކަމާ ޝަކުވާކުރީމަ އޭނަ މިހާރު ބުނަނީ ތިމަންނަ ގަނެފައި އިން އެއްޗެކޭ އެއީ. އެކަމަކު އަހަރެން އެއްވެސް މީހަކަށް އެ ކުރެހުން ވިއްކައެއް ނުލަން. އަދި ބޭނުން ކުރުމުގެ ހުއްދައެއް ވެސް ނުދެން،" ބައޮމެޑިކަލް އިންޖިނިއަރެއްގެ ގޮތުގައި މަސައްކަތްކުރަމުން އަންނަ ޝިމްހާގް ކުރިން ދިން އިންޓަވިއުއެއްގައި ބުނެފައި ވެއެވެ.
މައްސަލަ ހޫނުވުމުން ކާޓާ ފަހުން ވަނީ އިންސްޓަގްރާމް އިން އެ ކުރެހުން ނަގާފައެވެ.
ލާރިކޮޅު ލިބުނީމަ ސަގާތްކޮށްލާތި
ގަދަ ކަލޯ..25000 ޑޮލަރު ލިބުނީމަ ކޮފީއަކަށް ގުޅައްޗޭ...
ގޯ ގެޓް ހިމް!
25000 ހާސް މާ ކުޑަ. އާއްމުކޮށް އެމެ ރިކާ މީހަކު ދައުވާ ކިށްފު ނަމަ 10 މިލިއަން ވަ ރު ޖަހާ. ބަދަލު ކު ރޭ.
އެއް ބާ ދެއްޗޭ.ޕްލީސް
ދަރިފުޅާ ތީތި ކާމިޔާބު ކުރަންވާނެ. ކުޑަޤައުމެއްވީމަ ހިތަށް ނާރާނެ. ބޭނުން ގޮތެއް ހަދާނަމޭ ހީކޮށް އެއުޅެނީ.
ޢޭރުން ކަލޭ ގައިން އެއްބައި އުނި ވަނީ ތަ އެ ކުރެހުން ބޭނުން ކޮށްލާއިރަށް...ތިހާ ދަހިވާކަށް ނުވާނެ...ފުކެއް ބޮޑުވަރު ދެން މީ..