ރައީސް އޮފީހުގެ ޗީފް އޮފް ސްޓާފް އަލީ ޒާހިރުގެ މާލީ ބަޔާން އެ އޮފީހުގެ ވެބްސައިޓުން ފެންނަން ނެތްކަން އާއްމުންގެ ސަމާލުކަމަށް އައިސް އެކަން މީޑިއާގައި ރިޕޯޓް ކުރިތާ ދެދުވަސް ފަހުން ރައީސް އޮފީހުގެ ވެބްސައިޓްގައި އަލީ ޒާހިރުގެ މާލީ ބަޔާން އާއްމުކޮށްފިއެވެ.
އަލީ ޒާހިރުގެ މާލީ ބަޔާނުން ފެންނަން އޮންނަ ގޮތުގައި ފާއިތުވި ހަމަސް ދުވަހުގެ ތެރޭގައި މުސާރައިގެ އިތުރުން އެއްވެސް އާއްމުދަނީއެއް އަލީ ޒާހިރަކަށް ނުލިބެއެވެ. ހަމަސް ދުވަހުން އޭނާ އަށް މުސާރައިގެ ގޮތުގައި -/431669.93 ރުފިޔާ ލިބިފައި ވެއެވެ.
އަލީ ޒާހިރު ރައީސް އޮފީހުގެ ޗީފް އޮފް ސްޓާފްގެ މަގާމަށް އައްޔަން ކޮށްފައި ވަނީ ވަޒީރުން ފެންވަރުގައެވެ. އެހެންކަމުން ކެބިނެޓްގައި ހިމެނޭ ވަޒީރުންނަށް ލިބޭ ވަރުގެ މުސާރައެއް އޭނާ އަށް ވެސް ލިބޭނެއެވެ.
އަލީ ޒާހިރުގެ މާލީ ބަޔާނުން ފެންނަން ހުރި އެހެން މައުލޫމާތައް ބަލާއިރު ސައިކަލެއް ފިޔަވައި އޭނާގެ މިލްކިއްޔާތުގައި އެއްވެސް މުދަލެއް ނެތެވެ.
ބޭންކްތަކުގައި ހުރި އަލީ ޒާހިރުގެ އާމްދަނީއަށް ބަލާއިރު ބޭންކް އޮފް މޯލްޑިވްސްގައި އޭނާގެ -/3500 ރުފިޔާ އެބަހުއްޓެވެ. އިސްލާމިކް ބޭންކްގައި -/97000 ރުފިޔާ ހުރިއިރު ބޭންކް އޮފް މޯލްޑިވްސްގެ ޑޮލަރު އެކައުންޓެއްގައި 1400 ޑޮލަރު އެބަހުއްޓެވެ.
އަލީ ޒާހިރުގެ ނަމުގައި ވެސް އަދި އޭނާގެ އަނބިމީހާގެ ނަމުގައި ވެސް އެއްވެސް ލޯނެއް ނެތް ކަމަށް މާލީ ބަޔާނުގައި ބުނެފައި ވެއެވެ.
ސަރުކާރުގެ ސިޔާސީ މަގާމުތަކުގައި ތިއްބެވި ބޭފުޅުންގެ މާލީ ބަޔާން ތައްޔާރު ކުރައްވަނީ އެބޭފުޅުން އަމިއްލައަށެވެ. އެހެންކަމުން މާލީ ބަޔާނުގެ ސައްހަކަން ކަށަވަރު ކުރެވޭނެ ގޮތެއް ނޯވެއެވެ.
އަލީ ކަލެއައް ދެން އޮތީ 1 އަހަރު
ކަށަވަރު ކުރެވޭނެ ބެންކަށް
އަލީޒާހިރައް އެހީހޯދަން ފަންޑު ފޮއްޓެއްބަބައްޓަން ފެނޭ
އަޑުތަށް އިވޭގޮތުގަ ޔޫކޭން ގެއެއް ގަނެގެން އަނބިދަރީން ޔޫކޭއަށް ބަދަލުކުރަންށޯއުޅެނީ އެއީ ތެދެއްބާ؟
ވާނީ ތެދަކަށް، ގައުމު ފުނޑާލާފަ ފިލާނެ ތަނެއް ހޯދަން ޖެހޭނެ، އެހެން މީހުން ވެސް ހަދަނީ އެހެން..
މެލޭސިޔާ ބޭންކުގައި ހުރި އަަދަދު އަލީ ގާތު އަހާބަލަ
ތި މީހުން ނެރޭ މާލީ ބަޔާނަކީ އެއްވެސް އަސްލެއް ހަގީގަތެއް ނެތް ފޮގު ތަކެއް
ހެހެހެހެ..މާލީ ބަޔާނުން ފެންނަން އޮތީ ބިކާރީއެއްގެ ގޮތުގަ. އެކަމަކު ދުވަސްކޮޅަކުން ބޮޑެތި ބިޒްނަސްތަކާ އަގުބޮޑެތި މުދާތައް ފެންނަން ފަށާނެ. ވަރަހަ ވެދުން
5 އަހަރު ނިމިގެންދިޔައިރު ކުރީގެ ރައީސް ޔާމީން އަބްދުލް ގައްޔޫމް މާލީ ބަޔާން އާއްމުކުރެވުނުތަ ؟؟؟؟
އަދަދުތަށް ދިމައެއްނުވޭނު ލޮލް.
ހޫނ އިބޫ ގެ ކަނާ އަތް ދޯ ؟