މާލޭ ގެއެއްގައި އަލިފާން ރޯވެއްޖެއެވެ.
އެމްއެންޑީއެފުން ވިދާޅުވީ، ގ. ޒަމާނީ މަންޒިލްގައި އަލިފާން ރޯވެގެން އުޅޭ ކަމުގެ މައުލޫމާތު ލިބިގެން ފަޔަރ އެންޑް ރެސްކިއު ޓީމް ހަރަކާތްތެރިވަމުން އަންނަ ކަމަށެވެ.
މިހާދިސާގެ މައުލޫމާތު ލިބުނު އިރެއް އެމްއެންޑީއެފުން ހާމަ ކޮށްފައެއް ނުވެއެވެ.
އެމްއެންޑީއެފުން ވިދާޅުވީ، އަލިފާން ރޯވެފައިވަނީ އެއިމާރާތުގެ 4 ވަނަ ފަންގިފިލާއިން 3 ވަނަ ފަންގިފިލާއަށް ގުޅާފައި ހުރި އިލެކްޓްރިކް ކޭބަލްތަކަކާއި އެ ކޭބަލްތައް ގުޅާފައި ހުރި އިލެކްޓްރިކް ސަރކެޓް ބޯޑެއްގައި ކަމަށެވެ.
އަލިފާނުގެ ސަބަބުން އެ ކޭބަލްތަކާއި އިލެކްޓްރިކް ސަރކެޓް ބޯޑަށާއި އަދި އިމާރާރަށް އެކިވަރުގެ ގެއްލުންވުން ފިޔަވައި އިތުރު އެއްވެސް ގެއްލުމެއް މީހަކަށް ވެސް ވެފައި ނުވާ ކަމަށް އެމްއެންޑީއެފުން ވަނީ ވިދާޅުވެފައެވެ.
