މެންޗެސްޓަރ ޔުނައިޓެޑަށް ކްރިސްޓިއާނޯ ރޮނާލްޑޯ ބަދަލުވިކަން ހާމަކުރުމުގެ ކުރިން ދާނެ ކުލަބެއް ގާތްގަނޑަކަށް ނިމިފައިވާ ކަމަށް ބުނެ އޭނާގެ ރައްޓެއްސަކަށް ކުރި ފޯންކޯލެއްގެ އޯޑިއޯ ލީކުވެއްޖެއެވެ.
ޔުނައިޓެޑަށް ބަދަލުވިކަން ހާމަކުރި ދުވަހު މެންޗެސްޓަރ ސިޓީން ވަނީ ރޮނާލްޑޯއާއެކު އެއްބަސްވުމެއް އެކުލަވާނުލާނެކަން ހާމަކޮށްފައެވެ. އޭގެ ކުރީ ދުވަހުވެސް ރޮނާލްޑޯ ވަނީ ސިޓީއާއެކު މަޝްވަރާވެސް ކޮށްފައެވެ. ބެލެވޭގޮތުގައި މި ފޯންކޯލު ކޮށްފައިވަނީ ސިޓީއާއެކު އެއްބަސްވުމެއް އެކުލަވާނުލާނެ ކަމަށް ނިންމި ވަގުތާއި ކައިރީގައެވެ.
ދުނިޔޭގެ މޮޅު ކުޅުންތެރިޔާގެ މަގާމު ފަސް ފަހަރު ހޯދާފައިވާ ރޮނާލްޑޯގެ އޯޑިއޯ ލީކުވެފައިވަނީ އޭނާގެ ރައްޓެއްސެއް ކަމަށްވާ ޕަޅިނާސް އަތުންނެވެ. މި އޯޑިއޯ ލީކުވީ ފުޓްމެއިސް ކިޔާ އެޕްލިކޭޝަނެއްގައެވެ
"އަހަރެންގެ ހާލަތު ބަދަލުވާނެ މިއަދު މެންދުރު ، މިރޭ ނޫނީ އަނެއްދުވަހުގެ ހެނދުނު، އެއީ މެންޗެސްޓަރ ޔުނައިޓެޑު ނުވަތަ މެންޗެސްޓަރ ސިޓީ، އެއިން ކޮންމެވެސް އެއް ކުލަބެއް، ދެ ކުލަބުންވެސް އަހަރެން ހޯދަން ވަރަށް މަސައްކަތްކުރޭ" ރޮނާލްޑޯގެ އޯޑިއޯގައި ވެއެވެ.
🚨 EXCLUSIVO! Áudio do Cristiano Ronaldo horas antes de acertar sua transferência para o Manchester United.
O português ainda ataca de agente e tenta negociar a ida do experiente zagueiro Bruno Alves para o Nacional, de Portugal. pic.twitter.com/0Rcp0GfqNX
— Futmais | Menino Fut (@futtmais) August 27, 2021
މީގެއިތުރުން މި ފޯންކޯލުގައި ދެން ރޮނާލްޑޯ ވަނީ ކުރިން ޕޯޗުގަލްގެ ޑިފެންޑަރަކަށް ކުޅުނު އުމުރުން 39 އަހަރުގެ ބްރޫނޯ އަލްވޭސް އަށް ނެޝިއޮނަލް ޓީމުން ޖާގައެއް ލިބިދާނެތޯ އަހާފައެވެ. އަދި އޭނާއަކީ އުމުރާއި އަޅާބަލާއިރު އަދިވެސް ކޮލިޓީ ކުޅުންތެރިއެއްގެ ގޮތުގައި ރޮނާލްޑޯ ފާހަގަކޮށްފައިވެއެވެ.
މި އޯޑިއާ ލީކުވިތާ މާގިނައިރުތަކެއް ނުވެ މެންޗެސްޓަރ ޔުނައިޓެޑުން ރަސްމީކޮށް ބިޑު ހުށައެޅިކަން ވަނީ ހާމަވެފައެވެ. އޭގެ ދުވަހެއް ފަހުން ރޮނާލްޑޯ ވަނީ ޔުނައިޓެޑަށް ބަދަލުވިކަން އެ ކުލަބުން ހާމަކޮށްފައެވެ. ރޮނާލްޑޯ އެ ކުލަބަށް އަނެއްކާވެސް ގުޅުނީ ދެ އަހަރުދުވަހުގެ އެއްބަސްވުމެއްގެ ދަށުންނެވެ.
ކާކުބާ ލީކު ކުރީ؟ ޕީޕީއެމް ނައްޓާފަ ނުދާނެ. 😅
ކުރީ ސަރުކާރުން ކުރިކަމެއް.
ގާޒީންގެ އޯޑިއޯ ލީކުކު ރާ ރުއްޖެހި ކުދިންގެ ކަމަކަށް ނުވާނެބާ!!!