އިރާނާއި ދެކޮޅަށް ދަތިކުރުމުގެ ފިޔަވަޅު އަޅަން އިސްރާއީލުން ގިނަ ގައުމުތަކެއްގައި އެދިއްޖެއެވެ.
އިރާނާއި ދެކޮޅަށް ދަތިކުރުމުގެ ފިޔަވަޅު އަޅަން އިސްރާއީލުން ވާނީ 32 ގައުމަކާއި ވާހަކަ ދައްކައި، އެދިފައި ކަމަށް އިސްރާއީލުގެ ފޮރިން މިނިސްޓަރު އިސްރާއީލް ކަޓްޒް ބުނެފައިވެއެވެ. އިރާނާއި ދެކޮޅަށް ފިޔަވަޅު އަޅަން އިސްރާއީލުން ގައުމުތަކުގައި އެދިފައި މިވަނީ އިރާނުން އިސްރާއީލަށް ދިން ބަދަލު ހަމަލާ އާއި ގުޅިގެންނެވެ.
300 އަށް ވުރެ ގިނަ ޑްރޯނާއި، ކްރޫސް މިސައިލާއި، ބެލިސްޓިކް މިސައިލް ބޭނުންކޮށްގެން އިރާނުން މިދިޔަ ހޮނިހިރު ދުވަހު އިސްރާއީލަށް ހަމަލާ ދީފައިވަނީ އިސްރާއީލުން ސީރިއާގެ ވެރިރަށް ދިމިޝްގުގައި ހުންނަ އިރާނުގެ ކޮންސިއުލޭޓަށް ހަމަލާދީ އިރާނުގެ ރިވޮލިއުޝަނަރީ ގާޑްސްގެ ގުދުސް ފޯސްގެ ދެ ކޮމާންޑަރުންނާއި ސިފައިންތަކެއް މަރާލުމާއި ގުޅިގެންނެވެ.
އިސްރާއީލުގެ ފޮރިން މިނިސްޓަރު ކަޓްޒް ބުނެފައިވަނީ އަސްކަރީ ރައްދެއްގެ އިތުރުން އިރާނާއި ދެކޮޅަށް ޑިޕްލޮމެޓިކް ހަމަލާ އެއްވެސް ދެނީ ކަމުގައެވެ.
"އިސްރާއީލަށް މިސައިލްތަކާއި ޑްރޯން ހަމަލާތައް ދިނުމުގެ އަސްކަރީ ރައްދަކާއި އެކު އިރާނާއި ދެކޮޅަށް ޑިޕްލޮމެޓިކް ހަމަލާއެއް އަހަރެން މިގެންދަނީ ކުރިއަށް." ކަޓްޒް ބުނެފައި ވެއެވެ.
"މިއަދު ހެނދުނު އަހަރެން ވާނީ 32 ގައުމަކަށް ސިޓީ ފޮނުވައި، ދުނިޔޭގެ އެކި ކަންކޮޅުތަކުގެ ފޮރިން މިނިސްޓަރުންނާއި އިސްވެރިންނާއި ވާހަކަ ދައްކާފައި އިރާނު ބަލިކަށި ކޮށްލުމުގެ ގޮތުން އިރާނުގެ މިސައިލް ޕްރޮޖެކްޓާއި ދެކޮޅަށް ދަތިކުރުމުގެ ފިޔަވަޅު އެޅުމަށާއި، އިސްލާމިކް ރިވޮލިއުޝަނަރީ ގާޑް ކޯޕްސް އަކީ ނިރުބަވެރި ޖަމާއަތެއްގެ ގޮތުގައި ކަނޑައެޅުމަށް." ކަޓްޒް ބުނެފައި ވެއެވެ.
އިރާނާއި ދެކޮޅަށް ފިޔަވަޅު އަޅަން އެދިފައިވަނީ ކޮން ސަރުކާރުތަކެއްގައި ކަމެއް ކަޓްޒް ހާމަކޮށްފައެއް ނުވެއެވެ.
"މާ ލަސް ވުމުގެ ކުރިން އިރާން ހުއްޓުވަން ޖެހޭ." ކަޓްޒް އިތުރަށް ބުނެފައި ވެއެވެ.
އިރާނުގެ އިސްލާމިކް ރިވޮލިއުޝަނަރީ ގާޑްސް އަސްކަރިއްޔާ އަކީ ނިރުބަވެރި ޖަމާއަތެއްގެ ގޮތުގައި އެމެރިކާއިން މިހާރުވެސް ބްލެކްލިސްޓު ކޮށްފައިވާ އިރު، އީޔޫ އިން އޮންނަނީ އެ ފަރާތާއި ދެކޮޅަށް ދަތިކުރުމުގެ ފިޔަވަޅުތައް އަޅާފައެވެ.
މެދު އިރުމަތީގެ މަސްރަހު އިތުރަށް ހޫނު ނުކުރަން ބައިނަލް އަގުވާމީ ޖަމާއަތްތަކުން ގޮވާލަމުން ދާއިރު، އިރާނުގެ ހަމަލާގެ ބަދަލު ހިފާނެ ކަމަށް އިސްރާއީލުން ބުނެފައިވެއެވެ.
ޖޯކު
ފުރަތަމަ ތި ގޮލާތަށް މައިތިރި ކުރަންވީ އޭރުން އެ ނިމުނީ ..
އެންމެ ލޮޓިއަކުން ތިޔަތެޅެނީ ނޭފަތު ކުރިއަށް ފެންއަރައިގެން.
ޖާއްބާރު ނުލަފާ ޔަހޫދިން ފަލަސްތީން ރައްޔިތުން މަރަމުން ދާއިރު ތިނުނާ 30 ގައުމު އޮތީ ލޯކަނުވެފަތަ
ޔަހުދީން ވޭންދެނިވި ގޮތަކަށް ނެތިކުރައްވާށި
މިމީހުން ބޭނުން ވީމަ ބޭނުން މީހަކަށް ބޭނުން ތަނަކަށް ހަމަލާ ދެވޭ..އެޅޭ ފިޔަވަޅެއް އަމަލުކުރާ ގާނޫނެއް ގަވައިދެއް ނޯވޭ..އެހެން ބަޔަކު ކުރީމަ ބޮޑާހާކާފަ އުޅޭ ގޮތެއް ދޯ.. ކަންކަން ހަޖަމު ނުވާ ބައިގަނޑެއް މިނޫނީ ނޫޅޭނެ..އެހެން މީހުންގެ ފަރާތުން ހަމަ ކުޑަވެސް ގެއްލުމެއް ލިބޭއިރަށް އައްޕައާއި އަންމައާއި ބޮޑުބޭބެތައް ކައިރީގަ ދެފައި ތަޅާފަ ރޮއެ ހޭރެނީ..
ޢެމެރިކާ އިނގިރޭސި ފްރާންސް އިޒްރޭލަށް ވާގިވެރި ވެގެން ކުރުވާ ކަމެއް ފަލަސްތީނަށް ހަމަލާ ދިނުމަކީ
ބައިލައްކައެއްހާ މީހުން މަރާލި އިރުވެސް އެތިބެނީ ހަމަ އަޅާވެސް ނުލާ
ލަދުހަޔާތްކުޑް އިބިލީސްތަކެއް. ބަލަގަ އެންމެ ފުރަތަމަ ފިޔަވަޅުއަޅަންޖެހޭނީ އެމްބަސީތަކަށް ބޮންއަޅާ މީހުންނަށް.
ޓެރަރިސްޓް ޖަމާއަތަކުން އެހެންބަޔަކައް ފިޔަވަޅު އަޅަންގޮވާނީ ކުރިމަތިލާން ނުކެރޭތީ. އެހެން ނޫނަސް ރަސްގެފާނު އެމެރިކާއަކީ އެކަނި ބަޔަކާ ކުރިމަތިލާން ކެރޭވަރައްވުރެ ފިނޑިބައެއް.