އިސްރާއީލްގެ ސަރުކާރުން ހިންގަމުން ގެންދާ އަނިޔާވެރި، ލާއިންސާނީ އަމަލުތައް އެގޮތުގައި ކުރިއަށް ގެންދިއުމަށް ހިތްވަރު ދިނުމުގެ ގޮތުން އެގައުމަށް ވަޑައިގެންނެވި އިނގިރޭސިވިލާތުގެ ފޮރިން މިނިސްޓަރު ޖޭމްސް ކްލެވަލީ ރޮކެޓެއް އަމާޒުވެދާނެ ކަމުގެ ބިރު ހީވުމުން ބިންގަރާހަކަށް ވަދެ ފިލައިފިއެވެ.
މީޑިއާ ރިޕޯޓްތައް ބުނާ ގޮތުގައި އިސްރާއީލުން އެގައުމުގެ އަވަށެއް ކަމުގައި ބުނާ އޮކަފާމް އަވަށަށް ފޮރިން މިނިސްޓަރ ޖޭމްސް ވަޑައިގެން ހުންނަވަނިކޮށް އެސަރަހައްދަށް ރޮކެޓެއް އަމާޒުވެދާނެ ކަމުގެ އިންޒާރު ދިނުމުގެ ގޮތުން ސައިރަން އަޅަން ފެށިއެވެ. ސައިރަންގެ އަޑުއިވުމާއިއެކު ފޮރިން މިނިސްޓަރ ޖޭމްސް ވަނީ އޭނާގެ ޓީމާއިއެކު ބިންގަރާހަކަށް ވަދެ ފިލާފައެވެ.
ހަމަލާ އިން ސަލާމަތްވާން ބިންގަރާހަށް ވަނުމަށްފަހު ފޮރިން މިނިސްޓަރ ޖޭމްސް ފަހުން އެކްސް (ޓްވިޓާ) ގައި ކުރި ޕޯސްޓެއްގައި އިސްރާއީލް މީހުން ކޮންމެ ދުވަހަކު ކުރަމުންދާ ތަޖުރިބާއެއް މިއަދު އޭނާ ވެސް ކުރަން ޖެހުނު ކަމަށެވެ. "އެހެންވެ އަހަރެމެން މިތިބީ އިސްރާއީލާއިއެކު ކޮނޑާއި ކޮނޑު ޖައްސައިގެން." ޕޯސްޓްގައި ބުނެފައި ވެއެވެ.
އިނގިރޭސިވިލާތުގެ ފޮރިން މިނިސްޓަރ ޖޭމްސް އިސްރާއީލަށް ކުރި ދަތުރުގައި އިސްރާއީލްގެ ސަރުކާރުގެ ވެރިންނާއި ބައްދަލުކޮށް އިސްރާއީލުން ބޭނުންވާ އެހީތެރިކަން ފޯރުކޮށްދޭނެކަމުގެ ޔަގީންކަން ވަނީ ދީފައެވެ.
Watch: while UK FM @JamesCleverly visits Ofakim in southern Israel, a siren goes off warning of incoming Hamas rocket fire.
This is the reality Israelis live with every day. pic.twitter.com/QF4C4tReqL
— Israel ישראל 🇮🇱 (@Israel) October 11, 2023
މިދިޔަ ހޮނިހިރު ދުވަހު ހަމާސް އިން ކުއްލިއަކަށް އިސްރާއީލަށް ދިން ހަމަލާއާއިއެކު އިސްރާއީލްގެ ބައިވެރިން އަންނަނީ އިސްރާއީލަށް ހަމްދަރުދީ ފާޅުކޮށް އިސްރާއީލަށް އިތުރު އެހީތެރިކަން ފޯރުކޮށްދިނުމަށް މަޝްވަރާ ކުރަމުންނެވެ. އެމެރިކާގެ ސެކްރެޓަރީ އޮފް ސްޓޭޓް ވެސް މިއަދު އިސްރާއީލަށް ވަޑައިގަތުމަށް ވަނީ ހަމަޖެހިފައެވެ.
އެމެރިކާ އާއި އިނގިރޭސިވިލާތަކީ އިސްރާއީލްގެ އަނިޔާވެރި ހުރިހާ އަމަލަކަށް އެންމެ ބޮޑަށް ހިތްވަރުދީ އިސްރާއީލަށް އެންމެ ބޮޑަށް އެހީތެރިވާ ގައުމުތަކެވެ.
ހުންނަ ނުލަފާކަން!
ލަދު ޙަޔާތްކޮބާތޯ
ރަނގަޅަށް ފިލޭތޯބަލާތި. ހަމަގައިމު ﷲ އަށް ނުފިލޭނެ. މިނުބައި އާލާތުންގެ ނިމުން ނުބައިގޮތަކަށް ގެންދަވާފާނދޭވެ.
ޙާމާނުގެ ނިމުން އައިފަދައިން ބިންގަރާހުގަ މީނާގެ ނިމުން އަންނާނެ ނަމަ