ޔޭ ރިޝްތާ ކިޔާ ކެހެލާތާ ހޭއިން އެންމެ ބޮޑަށް މަޝްހޫރުވެފައިވާ މޮހެނާ ކުމާރީ ސިންގް އާއި އޭނާގެ ފިރިމީހާ ވިޔަފާރިވެރިޔާ ސުޔޭޝް ރާވަތުއަށް އަންހެން ކުއްޖަކު ލިބިއްޖެއެވެ.
މޮހެނާ ކުމާރީގެ ގާތްތިމާގެ މީހުން ވަނީ އެމީހުންގެ އިންސްޓަގްރާމް ހެންޑްލްތަކުގައި އެ އުފާވެރި ޚަބަރު ހިއްސާކޮށްފައެވެ. އެމީހުން ޝެއާ ކުރި ވީޑިއޯއެއްގައި މޮހެނާ އާއި އޭނާގެ ދަރިފުޅު ގެއަށް އެނބުރި އައުމުން ހޫނު މަރުހަބާއެއް ކިޔާ މަންޒަރު ފެނެއެވެ. އެ ކްލިޕްގައި ސުޔޭޝް އެމީހުންގެ ތުއްތު ފިރިހެން ކުއްޖާ އަޔާންޝް އުރާލައި ވަރަށް ލޯބިން ބައްދާލި މަންޒަރު ފެނިގެންދިޔައެވެ.
އެނާގެ ބޮޑުބޭބެ ވަނީ އޭނާގެ އަލަށް އުފަން ކޮއްކޮ ތައާރަފްކޮށްދީފައެވެ. އެ ތިން މީހުންގެ ވަށައިގެން އުފާވެރިކަމާއެކު ނަށަމުން ދިޔަ އުފާވެރި ގާތްތިމާގެ މީހުންނާއި ރައްޓެހިންގެ ވަށައިގެން އަޔާންޝް ލޯބިވެރިކަމާއެކު އޭނާގެ ކުޑަ ކޮއްކޮއަށް ބަލަހައްޓައިގެން ހުއްޓެވެ.
އޭގެ ފަހުން، އެހެން ވީޑިއޯއަކުން ވެސް މޮހެނާ އާއި އޭނާގެ އަންހެން ދަރިފުޅަށް ގެއަށް އައުމުގެ ބޮޑު އުފާފާޅުކުރުމުގެ ކުޑަ ހިލަމެއް ލިބުނެވެ. ސޭޖް ގްރީން ސަލްވާރ ސޫޓެއް ލައިގެން ހުރި އާ މަންމަ، އޭނާގެ ފިރިމީހާއާއި އެމީހުންގެ ފުރަތަމަ ދަރިފުޅު އަޔާންޝް އާއި ގުޅިގެން ޕިންކް ކުލައިގެ ދެ ކޭކެއް ވެސް ފެޅިއެވެ. މުޅި ތަން ޒީނަތްތެރިކޮށްފައިވަނީ ފިޔާތޮށި ކުލައިގެ ފުއްޕާހަމާއި ކޮކާ ތަކަކުންނެވެ.
މިދިޔަ މަހު މޮހެނާ ކުމާރީ ވަނީ އޭނާގެ ދެވަނަ ދަރިއަކަށް ބަލިވެއިންކަން އިއުލާން ކޮށްގެން އޭނާގެ ފޭނުން އުފާކޮށްފައެވެ. އޭނާ ވަނީ ކްލާސިކަލް އިންޑިއަން ޑާންސް ކުޅެމުންދާ ވީޑިއޯއެއް އާންމުކޮށްފައެވެ.
ފިޔާތޮށި ކުލައިގެ ފްރޮކް ސޫޓެއްގައި މެޗިން ފަޓުލޫނަކާއި ސާޅިއެއް ލައިގެން ހުރި މޮހެނާ ކުމާރީ ވަނީ އޭނާގެ ބެބީ ބަމްޕްގެ ލޯބި ނަޒަރެއް ދައްކާލާފައެވެ. އޭނާގެ ހިއްސާކޮށްފައިވާ ނޯޓުގައި މޮހެނާ ވަނީ އޭނާގެ މަަންމައަކަށް ވުމުގެ ދުވަސްތައް މަތިން ހަނދާންއާ ކޮށްފައެވެ.
މީގެ ކުރިން މާބަނޑު ދުވަސްވަރު ވެސް ހަމަ އެއްލަވައެއް އަޑުއެހި ކަމަށް އޭނާ ވަނީ ބުނެފައެވެ.
