ރާއްޖޭގެ އެންމެ މަޝްހޫރު ފަންނާނުންގެ ތެރޭގައި ހިމެނޭ ނެށުންތެރިޔާ ސުނީތާ އަލީ (ސުނީ) "ކޮށާލާނެ ކަމުގެ އިންޒާރު" މީސް މީޑިއާގެ އެކައުންޓަކުން އޭނާ އަށް ދީފިއެވެ.
ސުނީތާ ކޮށްފައިވާ ޓްވީޓެއްގައި ވަނީ އޭނާ އަށް އިންޒާރުދީ މީހަކު ކޮށްފައިވާ މެސެޖެއްގެ ސްކްރީން ޝޮޓެއް ވެސް ހިމަނާފައެވެ. އެމެސެޖްގައި ވަނީ ސުނީތާ ދެން ހިންނަވަރަށް އަރައިފިނަމަ އޭނާ ކޮށާލާނެ ކަމަށެވެ. އަދި އޭނާ ބަރަހަނާ ކުރާނެ ކަމަށް ވެސް ބުނެފައި ވެއެވެ.
މެސެޖްގެ ސްކްރީން ޝޮޓާއި އެކު ސުނީތާ ކުރި ޓްވީޓްގައި ބުނެފައި ވަނީ އޭނާ އަށް އިންޒާރުދީ މެސެޖް ކޮށްފައި ވަނީ އޭނާ ނުވެސް ދަންނަ މީހެއް ކަމަށެވެ. އޭނާ ވެސް އަދި އެހެން މީހަކު ވެސް އިންޒާރު ދޭވަރުގެ ކަމެއް ކުރެވިފައި ވާނެ ކަމަށް ގަބޫލު ނުކުރެވޭ ކަމަށް ސުނީތާ ބުންޏެވެ. ސުނީތާ ބުނީ މިމައްސަލައިގައި ފުލުހުން ފިޔަވަޅު އަޅާނެ ކަމަށް އުއްމީދު ކުރާ ކަމަށެވެ.
ނަމަވެސް އިންޒާރު ދިން މައްސަލަ ރަސްމީކޮށް ސުނީތާ ފުލުހުންނަށް ހުށަހެޅި ކަމެއް އަދި ކަށަވަރެއް ނުވެއެވެ.
i got this msg from my messenger from someone whom I dont even know. He is threatening me but i don't know what I did wrong to him. I don't think i have done anything that someone should threat me like this. I hope Maldivian @PoliceMv will see to this matter and take an action pic.twitter.com/HANOa8HklF
— SUNEETHA ALI🇲🇻❤️ (@sunee7777) October 4, 2018
ސުނީތާ އަށް އިންޒާރު ދިން މައްސަލަ ސިރިއަސް މައްސަލައެއްގެ ގޮތުގައި ބަލައި ދިނުމަށް ގިނަ ބަޔަކު މީސް މީޑިއާގައި ދަނީ ފުލުހުންނަށް ގޮވާލަމުންނެވެ. އޭގެތެރޭގައި ރާއްޖެ އިން ބޭރުގެ ބައެއް މީހުން ވެސް ހިމެނެއެވެ.
މީހަކަށް މަރުގެ އިންޒާރު ދިނުމަކީ ހަމަސް ދުވަހުގެ ޖަލު ޙުކުމެއް އަންނަ ވަރުގެ ކުށެކެވެ.
ބޮލީވްޑާއި ހޮލީވްޑްގައި ވެސް މަޝްހޫރު ޕްރިޔަންކާ ޗޯޕްރާގެ އެންމެ ބޮޑު ސަޕޯޓަރުގެ ގޮތުގައި ގިނަ ބައެއްގެ މަގުބޫލްކަން ހޯދާފައިވާ ސުނީތާ ވަނީ ފާއިތުވި ފަސް ވަރަކަށް އަހަރުތެރޭގައި އާންމުންގެ ބޮޑު މަގުބޫލްކަމެއް ހޯދާފައެވެ.
އަންނި މާލެ އަރައިފި ނަމަ ކަރުބުރިކޮށްލަން ބުނި މަންޖެ ރައީސުލް ޖުމްހޫރިއްޔާ އަރިހުގަ އިއްޒަތުގަ. އެހެންވެ އިންޒާެރު ދިނުމަކޯ މިހާރުގެ އާ ޓްރެންޑަކަށް ވަނީ ތޯއްޗެއް!
މުސްލިމުން އެކަކު އަނެއްކަކަށް ހެޔޮ ނަސޭހަތްދިނުން އޮންނަނީ. މަރުގެ އިންޒާރުދިން މީހަކު ހައްޔަރުކުރޭ މުޖުތަމައުވެސް ރައްކާތެރި ކުރުމަށް އިންޝާﷲ
ތީ މިރާއްޖޭގަ މާ ބޮޑުކަމަކައް ނުވާނެ
މާތްﷲ އެންމެހާ އަނިޔާތަކުން ނުބައިކަމަކުން އަޅުގަނޑުމެނާއި މުޅިމުޖުތަމައު ރައްކާތެރި ކުރައްވަވާށި އާމީން
ސުނީ ޕުރޮޓެކްޓް ކުރަން ޕްރިޔަންކާ އަށް ގޮވާލަން !!!!!
ފުލުހުން ރޯމާދުވާލު ކަރުބުރިކުރަން ގޮވައިރުވެސް އަޅާ ނުލާތީ ހިތާމަކުރަން. މިކަހަލަ ކަންތަކާހެދި އިތުބާރު ގެއްލިއްޖެ. ކޮންމެވެސް ދުވަހަކުން މިވެރިން ޒިންމާއަދާނުކުރާތީ ބަޔަކު ދައުވާކުރަންފެނޭ.