ބޮލީވުޑް ފިލްމް އެކް ވިލަން 2 އަށް ޝަމްޝޭރާއަށްވުރެ ފިނި ތަރުހީބެއް ބޮކްސް އޮފީހުގައި ލިބިއްޖެ އެވެ.
ބޮލީވުޑްގެ މަޝްހޫރު ހަތަރު އެކްޓަރުން ކަމަށްވާ އަރުޖުން ކަޕޫރް، ތާރާ ސުތާރިއާ، ޖޯން އަބްރަހަމް އަދި ދިޝާ ޕަޓާނީ ފެނިގެންދާ އެކް ވިލަން 2 ނެރެފައިވަނީ އިއްޔެ އެވެ.
ބޮކްސް އޮފީހުގެ ނަންބަރުތަކުން ދައްކާ ގޮތުގައި އެ ފިލްމަށް ފުރަތަމަ ދުވަހު ލިބިފައިވާ އާމްދަނީ ރަންބީރުގެ ސަމްޝޭރާއަށްވުރެ ވެސް ދަށެވެ.
އެގޮތުން އެ ފިލްމަށް އެންމެ ފުރަތަމަ ދުވަހު ލިބިފައިވަނީ 7 ކަރޯޑް އެވެ. ރަންބީރުގެ ސަމްޝޭރާއަށް ފުރަތަމަ ދުވަހު ލިބުނީ 10 ކަރޯޑް އެވެ.
އެކް ވިލަން ގެ ފުރަތަމަ ބަޔަކަށް ގިނަ ބައެއްގެ ސަޕޯޓް ލިބުނެވެ. އެ ފިލްމުން ފެނިގެން ގޮސްފައިވަނީ ޝްރައްދާ ކަޕޫރް އާއި ސިދާތް މަނޯތްރާ އެވެ.