ކުރީގެ ރައީސް އަދި ކްލައިމެޓް ވަލްނަރަބަލް ފަންޑު (ސިވީއެފް) ގެ ސެކްރެޓަރީ ޖެނެރަލް މުހައްމަދު ނަޝީދު އިނގިރޭސި ރަސްގެފާނު ޗާލްސާއި ބައްދަލު ކުރައްވައިފިއެވެ.
އިއްޔެގެ ވަގުތެއްގައި އިނގިރޭސި ގަނޑުވަރު ބަކިންހަމް ޕެލަސްގައި ބޭއްވުނު މި ބައްދަލުވުމުގައި މަޝްވަރާ ކުރެވުނު އެއްވެސް ކަމެއްގެ ތަފްސީލް މީޑިއާއަކުންވެސް އަދި ރައީސް ނަޝީދު ފަރާތްޕުޅުންވެސް ހާމަ ކުރައްވާފައެއް ނުވެއެވެ.
ޗާލްސް ގެންދަވަނީ ކެންސަރުގެ ބައްޔަށް ފަރުވާ ހޯއްދަވަމުންނެވެ. އެހެންނަމަވެސް ރަސްމީ މަސައްކަތްތަކުގައި ހަރަކާތްތެރިވެ ވަަޑައިގަންނަވައެވެ. އަދި މި ބައްދަލުވުމަކީ ވެސް ރަސްމީ މަސައްކަތުގެ ތެރެއިން ކުރިއަށް ގެންދެވުނު ބައްދަލު ވުމެއްކަމަށް އެ ގައުމުގެ މީޑިޔާތަކުން ވަނީ ރިޕޯޓްކޮށްފައެވެ.
I was honoured to be granted an audience yesterday with His Majesty King Charles III. I believe His Majesty and @TheCVF share many concerns, including the need to unlock private capital for environmental and clean energy projects in developing countries. pic.twitter.com/Pf6qxxB8cz
— Mohamed Nasheed (@MohamedNasheed) March 28, 2024
މިދިޔަ ފެބްރުއަރީ މަހު ޗާލްސްއަށް ކެންސަރު ޖެހިވަޑައިގެންނެވިކަން އިއުލާންކުރުމުން ރަޝިއާގެ ބޮޑު އެއް ނޫސް ކަމަށްވާ ވެޑޮމޮސްޓީ އިން ބޭނުންކުރާ ޓެލެގްރާމް ޗެނަލެއްގައި ރަސްގެފާނު ޗާލްސް އަވަހާރަވެއްޖެ ކަމަށްވެސް ވަނީ ރިޕޯޓްކޮށްފައެވެ. ނަމަވެސް ބަކިންހަމް ޕެލަސްއިން ވެސް ވަނީ އެ ރިޕޯޓް ދޮގުކޮށްފައެވެ. ގަނޑުވަރުން ނެރުނު ބަޔާނެއްގައި ބުނެފައިވަނީ ރަސްގެފާނު ރަސްމީ އަދި އަމިއްލަ މަސައްކަތުގައި އުޅުއްވަމުން ގެންދަވާކަން ކަށަވަރު ކުރާ ކަމަށެވެ
ސީވީއެފްގެ ސެކްރެޓަރީ ޖެނެރަލްގެ މަގާމަށް ރައީސް ނަޝީދު އައްޔަނު ކުރައްވާފައިވަނީ މިދިޔަ އަހަރުގެ ފަހުކޮޅުއެވެ. ސީވީއެފަކީ ރާއްޖެ ވެސް އިސްކޮށް އޮވެގެން 2009 ގައި އުފެއްދި ބައިނަލްއަގްވާމީ ޖަމިއްޔާއެކެވެ. އޭގެ މެންބަރު ގައުމުތަކުގެ އަދަދު މިހާރު 55 އަށް އަރައެވެ. އޭގެ ތެރޭގައި އޭޝިޔާ، އެފްރިކާ، ކެރީބިއަން، ލެޓިޓް އެމެރިކާ އަދި ޕެސިފިކް ސަރަހައްދުގެ ގައުމުތައް ހިމެނެއެވެ.
ތީ އެކައްޗެއް ވިއްޔަ
އެ ގައުމަށްވެސް ކުރަފި އަރުވަން ދިޔައީ ދޯ؟
ސާރ މުޙައްމަދް ނަޝީދު! ކިހިނެއް؟
މަކަރު ވެރި ރޭވުމެއް ރޭވުމަށް އެދިޔައީ.
އޮޅުވާނުލާ. ޗާލްސް ދިޔަ ޕްރައިވެޓް ސެރެމަނީ އަކަށް ނަށީދު މީޓް ކުރަން އެދިގެން މިދިޔަ ފެބްރުއަރީ 16 ގަ ފޮނުވި ސިޓީ އަކަށް ރެސްޕޮންޑް ކުރީ. މީޓިންގެ ދިގު މިނަކީ 23މިނަޓް. އިތުރު ފޮޓޯ އެއް ނެތް މި ނޫނީ..