ރާއްޖޭގައި ހިޔާލުފާޅު ކުރުމުގެ މިނިވަންކަން ސަރުކާރުން ހަނިކުރަމުން އަންނާތީ އިންސާނީ ހައްގުތަކަށް މަސައްކަތް ކުރާ ބައިނަލް އަޤްވާމީ ޖަމިއްޔާއެއް ކަމަށްވާ އެމްނެސްޓީ އިންޓަނޭޝަނަލް އިން ކަންބޮޑުވުން ފާޅުކޮށްފިއެވެ.
އެމްނެސްޓީން ކަންބޮޑުވުން ފާޅުކޮށްފައިވަނީ "އިންޑިއާ އައުޓް" ދިދަ ހިފައިގެން އުޅުނު އަންހެނަކު ފަހާ އެމްއެންޑީއެފްގެ ބޭފުޅަކު ދުވާ މަންޒަރު ފެންނަ ވީޑިއޯއެއް ޓްވީޓް ކުރަމުންނެވެ.
އެޓްވީޓްގައި ބުނެފައިވަނީ "އިންޑިއާ އައުޓް" ކެމްޕެއިންގެ ސަބަބުން ގައުމީ ސަލާމަތަށް ނުރައްކާވާފަދަ އަމަލުތައް ހިފެހެއްޓުމުގެ ނަމުގައި ރައީސް އިބްރާހިމް މުހައްމަދު ސޯލިހު ގަރާރަކުން ރާއްޖޭގައި މުޒާހަރާ ކުރުމުގެ ހައްގު ހަނިކުރުމަކީ ކަންބޮޑުވާ ކަމެއް ކަމަށާއި ސުލްހަވެރި މުޒާހަރާ ކުރާ ފަރާތްތަކާއި ނޫސްވެރިންނާއި ދެކޮޅަށް ހަރުކަށި ފިޔަވަޅު އަޅާނެ ކަމުގެ ރިޕޯޓްތައް ލިބެމުން އަންނަ ކަމަށެވެ.
އެމްނެސްޓީން ވަނީ ސުލްހަވެރިކަމާއެކު ނޫސްވެރިންނާއި އާންމު ރައްޔިތުން މުޒާހަރާ ކުރުމާއި، ހިޔާލުފާޅުކުރުމުގެ މިނިވަންކަމުގެ ހައްގު އެއްވެސް ވަރަކަށް ހަނިކޮށް ހުރަސް އަޅާނަމަ އެކަން ކުރަނީ ގަނޫނާ އެއްގޮތަށްތޯ ޔަގީން ކުރުމަށް ރާއްޖޭގެ ކަމާބެހޭ ފަރާތްތަކަށް ގޮވާލާފައެވެ.
We are deeply concerned by reports and visuals of crackdown on peaceful protestors and journalists in the Maldives and a recent decree restricting the right to protest in the country in the pretext of containing threats to national security posed by the "India Out" campaign. 1/2 https://t.co/Zoo9KeuIew
— Amnesty International South Asia, Regional Office (@amnestysasia) May 20, 2022
މީގެއިތުރުން އެމްނެސްޓީން ވަނީ މުޒާހަރާގެ ބައިވެރިންނާއި ދެކޮޅަށް ބާރުގެ ބޭނުން ކުރުން ކުށްވެރި ކުރާ ކަމަށާއި އިންސާފުވެރިކަމާއެކު އެކަން ތަހުގީގު ކުރުމަށް ގޮވާލާފައެވެ.
ރައީސް ސޯލިހުގެ ސަރުކާރުން ވެރިކަމަށް އައިސްފައިވަނީ ހިޔާލު ފާޅު ކުރުމުގެ މިނިވަންކަން ކޮންމެ ރައްޔިތަކަށް ވެސް ލިބޭނެ ކަމަށް ވައުދުވުމަށްފަހުއެވެ. އެހެން ނަމަވެސް ފެނިގެން ދަނީ މުޅިން ވެސް އެކަމާއި އިދިކޮޅަށް ކަންކަން ހިނގާ މަންޒަރެވެ. އެގޮތުން ބަލާއިރު، ސަރުކާރާއި ދެކޮޅަށް ސަރުކާރު ކުންފުންޏެއްގެ މުވައްޒަފަކު ބަހެއް ބުނެފިނަމަ، ވަޒީފާގެ އިންޒާރު ނުވަތަ ވަޒީފާއިން ވަކި ކުރެއެވެ. އަދި އިންޑިއާ ސިފައިން ރާއްޖޭގައި އިތުރުވަމުން އަންނާތީ އެކަމާއި ދެކޮޅަށް އަޑު އުފުލުން ވެސް މިހާރު ވަނީ ގާނޫނީ ކުށަކަށް ހަދާފައެވެ.
ދިދަ ހިފަހައްޓައިގެން ދުވިމީހާ ފާސްޓުކަމުން ހީވީ ކުކުޅެއް ދުވިހެން. މަޖާކަމެއްވާ މިއީ
ތިޔައީ ހަމަ ކަނޑުގަ އަޅާލި ރޮނގެއް
އެއީ ދޮގު ބަޔާން ނެރޭ ތަނެއް