ޒުވާނުންގެ ބަރުދަން އާދަޔާހިލާފަށް އިތުރުވުން ނުވަތަ ފަލަ ބައްޔަކީ ފާއިތުވި އަހަރުތަކުގައި ދުނިޔޭގެ ސިއްހީ ކަންބޮޑުވުމަކަށް އައިސްފައިވާ ކަމެކެވެ. މި ރިޕޯޓުގެ މަޤްޞަދަކީ މި މައްސަލައާ ގުޅޭ ސަބަބުތަކާއި، ނަތީޖާތަކާއި، ލިބިދާނެ ހައްލުތަކަށް އަލިއަޅުވާލުމެވެ. ޒުވާނުންގެބަރުދަން އިތުރުވުމަށް މެދުވެރިވާ ކަންތައްތައް ބަލައި، ރައްކާތެރިވުމުގެ ފައިދާހުރި ސްޓްރެޓެޖީތައް ހޯދައިގެން، އަޅުގަނޑުމެންގެ ޒުވާނުންނަށް ދުޅަހެޔޮ މުސްތަގުބަލެއް ހޯދުމަށް މަސައްކަތް ކުރެވިދާނެއެވެ.

ޕްރޮސެސްޑް ކާނާއާއި ގިނަ އަދަދަކަށް ހަކުރު އެކުލެވޭ ބުއިންތައް ގިނައިން ބޭނުންކުރުން އެއީ މިހާރުގެ ޒުވާނުންގެ އާދައެކެވެ. އަދި ސިއްހަތަށް ފައިދާހުރި ކާނާ ނުކެއުމަކީ ޒުވާނުން ފަލަވުމުގެ އެންމެ ބޮޑު އެއް ސަބަބަބެވެ. މީގެ އިތުރުން ސްކްރީން ޓައިމް އިތުރުވުމާއި ހެލިފެލިވެ އުޅުން މަދުވުމާއި، ގިނަ އިރު އިށީނދެގެން އިނދެ ކުރާ މަސައްކަތުގެ ސަބަބުން ބަރުދަން އިތުރުވުމަށް މަގުފަހިވެއެވެ. އަދި ޖެނެޓިކްގެ ސަބަބުން ވެސް އެކި މީހުން ފަލަވުމަށް މަގުފަހިވެއެވެ.

ޒުވާނުން ބަރުދަން އިތުރު ޖިސްމާނީ އަދި ނަފްސާނީ ސިއްހަތަށް ދުރުރާސްތާގެ އަސަރުތަކެއް ކުރާ ގެއްލުންހުރި ކަމެކެވެ. ބަރުދަން އިތުރުވާ ޒުވާނުންނަށް ޓައިޕް 2 ހަކުރުބައްޔާއި، ހިތުގެ ބަލިތަކާއި، މަސްތަކާއި ކަށިތަކުގެ މައްސަލަތައް ދިމާވެ ބަލިތައް ޖެހުމުގެ ފުރުސަތު ބޮޑުވެއެވެ. މީގެ އިތުރުން ފަލަވުމުން އަމިއްލަ ނަފްސަށް އިޙްތިރާމް ކުޑަވުމާއި، ޑިޕްރެޝަން އަދި ކެއުމުގެ އުދަގޫތައް ފަދަ ނަފްސާނީ މައްސަލަތައް ކުރިމަތިވެއެވެ.

ޒުވާނުންގެ ފަލަވުމުގެ އަސަރުތައް ފަރުދީ ސިއްހަތަށް ވުރެ ވެސް ފުޅާވެގެންދެއެވެ. ފަލަވުމާ ގުޅިގެން ކުރާ ބޭސްފަރުވާގެ ހަރަދުތައް އިތުރުވުމުން ސިއްހީ ހިދުމަތްދޭ ނިޒާމުތަކަށް ބޮޑު ބުރައެއް ކުރިމަތިވެ އެވެ. މީގެ އިތުރުން ފަލަ ފަރުދުންނަށް ވަޒީފާގެ ބާޒާރުގައި ގޮންޖެހުންތަކާ ކުރިމަތިލާން ޖެހިދާނެތީ، އުފެއްދުންތެރިކަމާއި އިގްތިސާދަށް ކުރާ އަސަރު ވަރަށް ބޮޑެވެ.

ޒުވާނުންގެ ފަލަވުމާ ދެކޮޅަށް މަސައްކަތްކުރުމުގައި ހަރުދަނާ ދެމެހެއްޓެނިވި އުސޫލްތަކެއް ވަރަށް މުހިންމެވެ. ދުޅަހެޔޮ ކާނާ ކެއުމުގެ އާދަތައް ކުރިއެރުވުމާއި ސްކޫލްތަކާއި މުޖުތަމައުތަކުގައި ނިއުޓްރިޝަނަލް ކެއުންތައް ލިބޭނެ ގޮތް ފަހިކޮށްދިނުމަކީ ބޮޑު ތަފާތެއް ގެނެސްދޭނެ ކަމެކެވެ. ސްކޫލް ޕްރޮގްރާމްތަކާއި، ކުޅިވަރު ހަރަކާތްތަކާއި، މުޖުތަމައުގެ އިސްނެގުމެއްގެ ތެރެއިން ޖިސްމާނީ ހަރަކާތްތެރިކަމަށް ހިތްވަރު ދިނުމަކީ ވެސް ކޮންމެހެން ކުރަންޖެހޭ ކަމެކެވެ. މީގެ އިތުރުން ބެލެންސްޑް ލައިފްސްޓައިލްގެ މުހިންމުކަމާ މެދު ހޭލުންތެރިކަން އިތުރުކުރުމަށްޓަކައި ފުރިހަމަ ސިއްހީ ތައުލީމީ ޕްރޮގްރާމްތައް ހިންގަން ޖެހެ އެވެ.

ޒުވާނުންގެ ފަލަވުން ހައްލުކުރުމުގައި ސްކޫލްތަކާއި މުޖުތަމައުތަކުގެ ދައުރު ވަރަށް ބޮޑެވެ. އެމީހުންނަށް ސިއްހަތައް ފައިދާހުރި ކެއުންތައް ދިނުމާއި، ޖިސްމާނީ ހަރަކާތްތެރިކަން ކުރިއެރުވުމާއި، ސިއްހީ ތައުލީމު މަންހަޖުގައި ހިމަނައިގެން ސިއްހަތަށް ފައިދާހުރި އިޚްތިޔާރުތަކަށް އިސްކަންދޭ ސަޕޯޓިވް މާހައުލުތައް އުފެއްދިދާނެ އެވެ. ދެމިއޮންނަ ބަދަލެއް ގެނައުމަށްޓަކައި ބެލެނިވެރިންނާއި، ތައުލީމީ ދާއިރާގެ ފަރާތްތަކާއި، ސިއްހީ ދާއިރާގެ ފަންނީ ބޭފުޅުންނާއި، ސިޔާސަތު ކަނޑައަޅާ ފަރާތްތަކުގެ މެދުގައި އެއްބާރުލުން ދިނުމަކީ ކޮންމެހެން ބޭނުންތެރި ކަމެކެވެ.

ޒުވާނުންގެ ފަލަވުމާ ދެކޮޅަށް ފައިދާހުރި ގޮތެއްގައި މަސައްކަތް ކުރުމަށްޓަކައި ހެކިތަކަށް ބިނާކޮށް ސިޔާސަތުތައް ތަންފީޒު ކުރުމަކީ ވަރަށް މުހިންމު ކަމެކެވެ. ބައެއް ލަފާތަކުގެ ތެރޭގައި ކުޑަކުދިންނަށް ސިއްހަތަށް ނުރަނގަޅު ކާނާ މާކެޓްކުރުމާ ބެހޭ ގޮތުން ހަރުކަށި ގަވާއިދުތައް ތަންފީޒުކުރުމާއި، ކާބޯތަކެތީގެ ލޭބަލްކުރުމުގެ ނިޒާމުތައް ރަނގަޅުކުރުމާއި، ޖިސްމާނީ ހަރަކާތްތެރިކަމަށް ރައްކާތެރި ޖާގަތައް އުފެއްދުމާއި، ނިއުޓްރިޝަން އާއި ފިޒިކަލް އެޑިއުކޭޝަން ސްކޫލްތަކުގެ މަންހަޖުތަކަށް ވެއްދުން ހިމެނެއެވެ.

ކާމިޔާބު އިސްނެގުމަކަށް އަލިއަޅުވާލުމަކީ ކުރިއަށް އޮތް މަސައްކަތަށް އިތުރަށް ޝައުގުވެރިކުރުމަށް މަގުދައްކައިދޭނެ ކަމެކެވެ.

ޒުވާނުންގެ ފަލަވުމަކީ އަވަސް ސަމާލުކަމެއް އަދި މުހިންމު އަހަމިއްޔަތު ކަމެއް ދޭންޖެހޭ ގިނަ ފަރާތްތަކެއް ހިމެނޭ މައްސަލައެކެވެ. ސަބަބުތަކާއި، ނަތީޖާތަކާއި، ކުރިމަތިވެދާނެ ހައްލުތައް ދެނެގަނެ، މި ބަލިމަޑުކަމާ ދެކޮޅަށް މަސައްކަތްކުރުމަށްޓަކައި ފުރިހަމަ ސްޓްރެޓެޖީތައް އެކުލަވާލެވިދާނެއެވެ. ސްކޫލްތަކާއި، މުޖުތަމަޢުތަކާއި، ސިއްޙީ ޚިދުމަތްދޭ ފަރާތްތަކާއި، ސިޔާސަތު ކަނޑައަޅާ ފަރާތްތައް ގުޅިގެން ކުރެވޭ މަސައްކަތުގެ ތެރެއިން، އަޅުގަނޑުމެންގެ ޒުވާނުންނަށް ދުޅަހެޔޮ ދިރިއުޅުމެއް އުޅުމަށް އެހީތެރިވެދޭ މާޙައުލެއް އުފެއްދިދާނެއެވެ.