ދެކުނު އެފްރިކާގެ ޒުލޫ ރަސްގެފާނު ކަމާ ހަވާލުވި ބޭފުޅާއަށް ތަހުނިޔާ ދެންނެވުމަށް އެތައް ހާސް ބަޔަކު ޖަމާވެއްޖެއެވެ.
ދެކުނު އެފްރިކާގެ އެންމެ މުއްސަނދި އަދި އެންމެ ނުފޫޒުގަދަ އާސާރީ ރަސްކަމުގެ ތަޚުތާ ހަވާލުވެވަޑައިގެންނެވި އާ ރަސްގެފާނަށް މަރުހަބާ ކިޔުމަށް އެގައުމުގެ ރައްޔިތުން އެއްވީ ރަސްގެފާނުގެ ޝާހީގަނޑުވަރަށެވެ.
އުމުރުން 47 އަހަރުގެ މިސުޒުލޫ ޒުލޫ އެގައުމުގެ ޒުލޫ ރަސްގެފާނު ކަމަށް އައްޔަން ކުރެވުނު އިރު ކުރީގައި އެ ރަސްކަމުގައި ހުންނެވީ އޭނާގެ ބައްޕަ ގުޑްވިލް ޒެވިލިތީނީއެވެ. 50 އަހަރު ރަސްކަން ކުރެއްވުމަށްފަހު ފާއިތުވި އަހަރުގެ މާރިޗް މަހުގައި އެ ރަސްގެފާނު ވަނީ އަވަހާރަ ވެފައެވެ.
މި ރަސްކަމުގެ ލަގަބަށް ތަންފީޒީ ބާރެއް ނުދޭ ނަމަވެސް މިއީ 11 މިލިއަނަށްވުރެ ގިނަ މީހުން އުޅޭ ދެކުނު އެފްރިކާގެ އާބާދީގެ ގާތްގަނޑަކަށް ފަސްބައިކުޅަ އެއްބައި ހިއްސާކުރާ ޒުލުސްގެމައްޗަށް ހުންނަވާ ރަސްގެފާނެވެ.
ރަސްގެފާނަށް މަރުހަބާ ދެންނެވުމަށް ދިޔަ މީހުން ދިޔައީ ސަގާފީ ކުލަގަދަ ހެދުންތައް ލައިގެންނެވެ. ފިރިހެނުންނާއި އަންހެނުންވެސް ހިމެނޭގޮތަށް ދެ ޖިންސުގެ މީހުންވެސް އެގައުމުގެދެކުނު އިރުމަތީ ޕްރޮވިންސެއް ކަމަށްވާ ކުއާޒުލޫ-ނަޓާލް، ޒުލޫ ހާޓްލޭންޑްގެ ކުޑަ އަވަށެއް ކަމަށްވާ ނޮންގޮމާގެ ފަރުބަދަމަތީގައި ހުންނަ މާބްލް ގަނޑުވަރުގެ ބޭރަށް އެއްވިއެވެ.
South Africa’s Zulu nation has a new king.
Thousands attended the coronation of Misuzulu ka Zwelithini, which came after a year-long family feud where some royals had argued he was not the rightful heir and that his father’s will had been forged ⤵️ pic.twitter.com/pFCKr3ekKy
— Al Jazeera English (@AJEnglish) August 21, 2022
އަލަށް ރަސްކަމާ ހަވާލުވެލެއްވި ޒުލޫ ރަސްގެފާނަށް މަރުހަބާ ކިޔުމަށް ކުރިޔަށް އޮތް ދުވަސްތަކުގައި އެގައުމުގެ އެކި ހިސާބުތަކުން މީހުން ދާނެ ކަމަށް ރިޕޯޓްތައް ބުނެއެވެ.