އިސްރާއީލްގެ ހަމަލާތަކުގައި ފަލަސްތީނުން ޝަހީދުވި މީހުންގެ އަދަދު 31 އަށް އަރައިފި.

އިސްރާއީލްގެ އަސްކަރިއްޔާ އިން ފަލަސްތީނުގެ ޣައްޒާ އަށް ދިން ވައިގެ ހަމަލާތަކުގައި ފަލަސްތީނުގެ 30 މީހުން ޝަހީދުކޮށްލި އިރު، 90 އަށް ވުރެ ގިނަ މީހުން ޒަހަމްކޮށްލައިފި.

Palestine Ge 30 Meehun Shaheedhu Kolli Iru 90 Meehun Zaham Kolli!
https://t.co/0L7e4gqynm

— Vaguthu Online (@VaguthuOnline) May 12, 2023

އިސްރާއީލުން ވަށާލާފައިވާ އައްސޭރިފަށުގެ އެންކްލޭވްއަށް ހަމަލާދޭން ފެށި ފަހުން މިހާތަނަށް ޖުމްލަ 28 މީހުން ޝަހީދުވެފައިވާ ކަމަށް ޣައްޒާގެ ސިއްހަތާ ބެހޭ ވުޒާރާއިން ބުނެފި.

ޝަހީދު މީހުންގެ ތެރޭގައި ހަތަރު އަންހެނުންނާއި ހަ ކުޑަކުދިން ހިމެނޭ.

ރިޕޯޓުތައް ބުނާ ގޮތުގައި މަރުވެފައި ވަނީ އިސްރާއީލްގެ މެދުތެރޭގެ ސިޓީއެއް ކަމަށްވާ ރިހެވޮޓްގައި ހުރި އިމާރާތަކަށް ދިން ހަމަލާގައި ޒަހަމްވި މީހެއް. އެ ހަމަލާގައި ފަސް މީހުން ޒަހަމްވި.

ފަލަސްތީނުގެ ޣައްޒާ އިން ފޮނުވާލި ރޮކެޓް ހަމަލާއެއްގައި އިސްރާއީލްގެ މީހަކު މަރާލައިފި.

BREAKING| Gaza In Hamalaa Dhee Israel Meehaku Maraalaifi https://t.co/0ncO6gDUr8

— Vaguthu Online (@VaguthuOnline) May 11, 2023

އިސްރާއީލްގެ މެދުތެރޭގެ ސިޓީއެއް ކަމަށްވާ ރިހެވޮޓްގައި ހުރި އިމާރާތަކަށް ދިން ހަމަލާގައި ފަސް މީހަކަށް އަނިޔާވެ، އެކެއްގެ ހާލު ސީރިއަސް ކަމަށް ރިޕޯޓުތައް ބުނެފި. އިސްރާއީލަށް މެދުނުކެނޑި ރޮކެޓް ހަމަލާތައް އަމާޒުވަމުން އަންނަ ކަމަށް ރިޕޯޓުތައް ބުނޭ.

އިސްރާއީލަށް އަމާޒުކޮށް ދެ ރޮކެޓު ހަމަލާ ފޮނުވާލައިފި. މި ހަމަލާ ވެސް އަމާޒުވެފައި ވަނީ އިސްރާއީލްގެ މެދުތެރެއަށް. މި ހަމަލާތަކުގައި އެއްވެސް މީހަކަށް ގެއްލުމެއް ލިބިފައެއް ނުވޭ.

އޭގެ ތެރެއިން އެއް ރޮކެޓް އަމާޒުވެފައި ވަނީ އިމާރާތަކަށް.

އިސްރާއީލަށް އަމާޒުކޮށް ދިން ރޮކެޓު ހަމަލާތަކެއްގައި އެ ގައުމަށް ބޮޑެތި ގެއްލުންތަކެއް ލިބިއްޖެ.

BREAKING| Rocket Hamalaa Thakehga Israel Ah Bodethi Gellun Thakeh Libije https://t.co/K2VbQ6wxL9

— Vaguthu Online (@VaguthuOnline) May 11, 2023

ހުޅަނގު އައްސޭރީގައި އިސްރާއީލް ސިފައިން ހިންގި އޮޕަރޭޝަނެއްގައި އިސްލާމިކް ޖިހާދުގެ 25 މެންބަރުން ހައްޔަރު ކޮށްފައިވާ ކަމަށް އިސްރާއީލުން ބުނެފި.

އިސްރާއީލުން ދަނީ ޣައްޒާ އަށް ވައިގެ މަގުން ވަރުގަދައަށް ހަމަލާތައް ދެމުން. އެންމެ ވަރުގަދައަށް ހަމަލާތައް ދެމުން ދަނީ ޣައްޒާގެ އިރުމަތީގެ ސަރަހައްދުތަކަށް.

ޣައްޒާ އިން އަނެއްކާވެސް އިސްރާއީލަށް ރޮކެޓް ހަމަލާތަކެއް ފޮނުވާލައިފި.

އިސްރާއީލްގެ ހަމަލާތަކުގެ ސަބަބުން ޣައްޒާއަށް ވަނީ ބޮޑެތި ގެއްލުންތަކެއް ލިބިފައި.

ފާއިތުވި ތިން ދުވަސް ތެރޭގައި އިސްރާއީލްގެ ހަމަލާތަކުގައި ޝަހީދުވި ފަލަސްތީން މީހުންގެ އަދަދު މިހާރު ވަނީ 29 އަށް އަރާފައި. މިއަހަރު މިހާތަނަށް އިސްރާއީލުން ވަނީ ފަލަސްތީންގެ 140 މީހުން ޝަހީދުކޮށްލާފައި.

އިސްރާއީލްގެ ހަމަލާއެއްގައި އަނެއްކާވެސް ފަލަސްތީންގެ ކޮމާންޑަރަކު ޝަހީދުވެއްޖެ.

އިސްރާއީލްގެ ހަމަލާއެއްގައި އަނެއްކާވެސް ފަލަސްތީންގެ ކޮމާންޑަރަކު ޝަހީދުވެއްޖެ

ފާއިތުވި ދެދުވަހާއި އަޅައި ބަލާއިރު މިއަދު ޣައްޒާ އިން އިސްރާއީލަށް ފޮނުވަމުންދާ ރޮކެޓްގެ އަދަދު މަދުކަމަށް ރިޕޯޓްތައް ބުނޭ.

ޣައްޒާ އާއި އިސްރާއީލް ގުޅޭ ބޯޑަރު ކައިރީ އޮންނަ އިސްރާއީލްގެ އަވަށްތަކުގައި މިހާރު ވެސް އަންނަނީ ރޮކެޓް ހަމަލާއެއް އަމާޒުވެދާނެކަމުގެ އިންޒާރު ދިނުމަށް އަޅާ ސައިރަން އަޅަމުން.

އިސްރާއީލުން ޣައްޒާއަށް ހަމަލާތައް ދޭން ފެށިފަހުން ބައިނަލްއަޤުވާމީ މީޑިއާތަކުގެ ނޫސްވެރިން އަންނަނީ ޣައްޒާއަށް ދިއުމަށް މަސައްކަތް ކުރަމުން. ނަމަވެސް މީޑިއާތަކުން ބުނާ ގޮތުގައި ނޫސްވެރިން ޣައްޒާއަށް ވަންނަން އިސްރާއީލުން އަންނަނީ ހުރަސްއަޅަމުން.

ހަމަލާތައް ހުއްޓާލުމަށް ފަރަންސޭސިވިލާތް، ޖަރުމަންވިލާތް، ޖޯޑަން އަދި މިސްރުގެ ފޮރިން މިނިސްޓަރުން އިސްރާއީލާއި ޣައްޒާގެ މުޖާހިދުންނަށް ގޮވާލައިފި.

ޣައްޒާއަށް އިސްރާއީލުން ވަރުގަދަ ހަމަލާތަކެއްދީ ކުޑަކުދިންނާއި އަންހެނުން މަރަމުން ދިޔަ ނަމަވެސް ދުނިޔޭގެ ސަމާލުކަމެއް އެކަމަކަށް ނުލިބޭ. ތިރީގައި ހިމަނާފައިވާ ފޮޓޯއަކީ އިސްރާއީލްގެ އަނިޔާވެރިކަމާއި ދެކޮޅަށް ދުނިޔެ އިން އެއްވެސް އެއްޗެއް ނުބުނެ ހިމޭނުން އޮންނާތީ ކުރެހުންތެރިޔަކު ކުރަހާފައިވާ ކާޓޫނެއް.

އިސްރާއީލްގެ ހަމަލާއެއްގައި ޝަހީދުވި އަލީ ޣަލީގެ ޖަނާޒާގައި ޣައްޒާގެ އެތައް ހާސްބަޔަކު ވަނީ ބައިވެރިވެފައި. އޭނާ އަކީ ޣައްޒާގައި ހަރަކާތްތެރިވާ އިސްލާމިކް ޖިހާދު ޖަމާއަތުގެ ރޮކެޓް ލޯންޗިން ޔުނިޓްގެ ކޮމާންޑަރު.

Great numbers of Palestinian mourners take part today in the funeral procession of Ali Ghali, a commander of the rocket launch unit in the Islamic Jihad group, who was killed along with his brother and another yotuh in pre-dawn Israeli airstrikes which targeted a residential… pic.twitter.com/OUVyCD9O28

— Quds News Network (@QudsNen) May 11, 2023

މިއަދަކީ އިސްރާއީލުން ދިން ހަމަލާއެއްގައި އަލްޖަޒީރާގެ ނޫސްވެރިޔާ ޝީރީން މަރުވިތާ އެއްއަހަރު ފުރުނު ދުވަސް. މިނިވަން ތަހްގީގުތަކުން ހާމަވެފައިވާ ގޮތުގައި އިސްރާއީލް ސިފައިން ޝީރީން މަރާލީ ސީދާ އޭނާ މަރާލަން ގަސްދުގައި ދިން ހަމަލާއެއްގައި. އޭނާ އަށް އިސްރާއީލް ސިފައިން ހަމަލާދިނީ ނޫސްވެރިއެއްކަނ އަންގައިދޭ ޖެކެޓް އަޅައިގެން ހުއްޓާ.

This day last year, lsraeli occupation forces assassinated Al Jazeera reporter Shireen Abu Aqleh while she was covering an lsraeli military raid in Jenin camp. pic.twitter.com/KBV8SJrE3v

— TIMES OF GAZA (@Timesofgaza) May 11, 2023

އިސްރާއީލުގެ އަސްކަރިއްޔާއިން ބުނީ ޣައްޒާގެ 158 އަމާޒަކަށް ހަމަލާ ދީފައިވާއިރު، މި ހަފުތާގައި އިސްރާއީލާ ދިމާލަށް 523 ރޮކެޓް ފޮނުވާލާފައިވާ ކަމަށް. އަދި 380 ރޮކެޓް އިސްރާއީލަށް އެތެރެވެފައިވާ ކަމަށާއި ނަމަވެސް ވައިގެ ދިފާއީ ބާރުތަކުން އޭގެ ތެރެއިން 96 އިންސައްތަ ރޮކެޓް ހުއްޓުވާފައިވާ ކަމަށް.

ފަލަސްތީނުގެ ޣައްޒާއަށް ހަމަލާދިނުން ހުއްޓާލަން އިސްރާއީލުން އެއްބަސްވެފައިވާ ކަމަށް މީޑިއާ ރިޕޯޓްތައް ބުނެފި

ޣައްޒާއަށް ހަމަލާދިނުން ހުއްޓާލަން އިސްރާއީލުން އެއްބަސްވެއްޖެ - ރިޕޯޓް

ޣައްޒާގެ އުތުރުގައި އޮންނަ ބެއިޓް ހަނޫން ސިޓީގެ ކައިރީގައި ހުރި ދަނޑުބިންތަކަށް އަމާޒުކޮށް އިސްރާއީލުން ދިން ވައިގެ ހަމަލާއަކާ ގުޅިގެން ގެއެއްގައި އަލިފާން ރޯވެއްޖެ

އިސްރާއީލުގެ ހަނގުރާމަމަތީ މަތިންދާބޯޓުތަކުން ޣައްޒާގެ އުތުރުގައި ހުންނަ ރެސިސްޓެންސް ޕޯސްޓަކަށް އަމާޒުކޮށްފައިވާ ކަމަށް ގުދުސް ނެޓްވޯކްސް އިން ބުނެފި.

ޣައްޒާއިން ވާހަކަ ދައްކަމުން އަލްޖަޒީރާގެ ޔުމްނާ އަލް ސައީދު ބުނީ އިސްރާއީލުން ދިން ހަމަލާތަކުގައި މިހާތަނަށް 27 މީހުން ޝަހީދުވެފަިއވާ ކަމަށް.

އަދި 76 އަށް ވުރެ ގިނަ މީހުން ޒަހަމްވެފައިވާ އިރު، ގިނަ މީހުންނަށް ސީރިއަސް އަނިޔާތަކެއް ލިބިފައިވާ ކަމަށް އޭނާ ބުނި.

އިސްރާއީލުން ޣައްޒާއަށް ދިން ވައިގެ ހަމަލާތަކުގައި ޝަހީދުވި ފަލަސްތީނުގެ މީހުންގެ އަދަދު 24 އަށް އަރާފައިވާއިރު، 64 މީހުން ޒަޚަމްވެފައިވާ ކަމަށް ފަލަސްތީނުގެ ވަފާ ނިއުސް އެޖެންސީން ބުނެފި.

ޝަހީދުވި މީހުންގެ ތެރޭގައި ގިނައީ އަންހެނުންނާއި ކުޑަކުދިން ކަމަށް ވާފާ އިން ވަނީ ބުނެފައި.

އެއްވެސް މީހަކަށް ނުފިލޭނެ ކަމަށް ބުނެ، އިސްރާއީލްގެ ބޮޑުވަޒީރު ބެންޖަމިން ނަތަންޔާހޫ، ފަލަސްތީނުގެ ޣައްޒާގައި ހަރަކާތްތެރިވާ އިސްލާމިކް ޖިހާދަށް ވަރުގަދަ އިންޒާރެއް ދީފި

އެކަކަށް ވެސް ނުފިލޭނެ، ކޮންމެ ތަނެއްގައި ހުއްޓަސް ފެނޭ: ނަތަންޔާހޫ

އިސްރާއީލުން ވަށާލާފައިވާ އައްސޭރިފަށުގެ އެންކްލޭވްއަށް މިހާރު ދެމުންދާ ވައިގެ ހަމަލާތައް ކަވަރުކުރުމަށް ބެއިޓް ހަނޫން ލޭންޑް ކްރޮސިން މެދުވެރިކޮށް ބޭރުގެ ނޫސްވެރިން ޣައްޒާއަށް ވަނުމަށް އިސްރާއީލު ސިފައިން ހުރަސް އަޅައިފި.

މިއަދު ހެނދުނު އިސްރާއީލުން ދިން ވައިގެ ހަމަލާއެއްގައި ޝަހީދުވި ފަލަސްތީނު އިސްލާމިކް ޖިހާދުގެ "ރޮކެޓް ލޯންޗިން ފޯސް"ގެ ކޮމާންޑަރު އަލީ ގާލީ އަކީ ދާދި ފަހުން އިސްރާއީލަށް ފޮނުވާލި ރޮކެޓްތަކުގެ ޒިންމާ އުފުލަން ޖެހޭ މީހާ ކަަމަށް އިސްރާއީލުގެ އަސްކަރިއްޔާއިން ބުނެފި.

Islamic Jihad confirms the death of a commander after an Israeli targeted operation in Khan Yunis tonight. #Gaza

"Al-Quds Brigades mourns its martyr, the jihadist commander Ali Hassan Ghali, also known as Abu Muhammad, a member of the military council and the head of the rocket… pic.twitter.com/5jEw9tnfKa

— Joe Truzman (@JoeTruzman) May 11, 2023

ޣައްޒާގައި ހުންނަ ފަލަސްތީނު އިސްލާމިކް ޖިހާދުގެ އަމާޒުތަކަށް ވައިގެ ހަމަލާތައް ދީފައިވާ ކަަމަށް އިސްރާއީލު ސިފައިން ބުނެފި.

ފަލަސްތީނުގެ މީޑިއާ ރިޕޯޓްތައް ބުނާ ގޮތުން މި ހަމަލާ އަމާޒުކޮށްފައިވަނީ ޣައްޒާގެ ދެކުނުގައި އޮންނަ ޚާން ޔުނިސްގެ ރެސިޑެންޝަލް ކޮމްޕްލެކްސްއެއްގައި ހުރި އިމާރާތެއްގެ މަތީ ފަންގިފިލާއަކަށް. މި ހަމަލާގައި ގިނަބަޔަކު ޝަހީދުވިއިރު، އޭގެ ތެރޭގައި އިސްލާމިކް ޖިހާދުގެ ކޮމާންޑަރެއް ހިމެނޭ.

ފަލަސްތީނު އިސްލާމިކް ޖިހާދުން ފަހުން ވަނީ ޣައްޒާގެ ދެކުނުގައި އިސްރާއީލު ސިފައިން މިއަދު ފަތިހު ދިން ހަމަލާއެއްގައި ރޮކެޓް ލޯންޗް ޔުނިޓެއްގެ ކޮމާންޑަރު އަލީ ގާލީ ޝަހީދުވިކަން އިއުލާނު ކޮށްފައި.

އިސްރާއީލުގެ ވައިގެ ހަމަލާގައި އާއްމުން ޝަހީދުވުމަކީ ބަލައިގަނެވޭނެ ކަމެއް ނޫން ކަމަށް އދގެ މެދުއިރުމަތީގެ ސުލްހައިގެ މަރުހަލާގެ މެދުއިރުމަތީގެ ހާއްސަ ކޯޑިނޭޓަރު ޓޯ ވެންސްލޭންޑް ވިދާޅުވެއްޖެ.

"އިސްރާއީލުގެ ވައިގެ ހަމަލާތަކުގައި އާންމުން ޝަހީދުވި މައްސަލަ ކުށްވެރި ކުރަން. މިއީ ބަލައިގަނެވޭނެ ކަމެއް ނޫން،" އޭނާ ވިދާޅުވި.

Israeli airstrikes in #Gaza this morning resulted in killing 13 Palestinians - 3 PIJ members, 5 women & 4 children. I condemn the deaths of civilians.
Urge all concerned to exercise restraint. I remain fully engaged in an attempt to avoid a broader conflict.
My full Statement👇 pic.twitter.com/AXc0c50mDU

— Tor Wennesland (@TWennesland) May 9, 2023

ޣައްޒާގެ ދެކުނުގައި އޮންނަ ޚާން ޔުނިސް ސިޓީގައި ދިރިއުޅޭ އެޕާޓްމަންޓަކަށް އަމާޒުކޮށް އިސްރާއީލުން ދިން ވައިގެ ހަމަލާއަކަށް ފަހު

Watch: Destruction left behind an Israeli airstrike which targeted a residential apartment in Khan Younis city in the southern Gaza Strip, this night, killing at least three Palestinians. pic.twitter.com/LEqm0Q5PlT

— Quds News Network (@QudsNen) May 10, 2023

އިސްރާއީލުން ޣައްޒާއަށް ދެމުން ގެންދާ ހަމަލާތަކުގައި އާންމުންގެ ފުރާނަ ގެއްލިފައިވާތީ އދގެ ސެކްރެޓަރީ ޖެނެރަލް އެންޓޯނިއޯ ގުޓަރޭޒް ކުށްވެރި ކުރައްވާފައިވާ ކަމަށް އދގެ ޑެޕިއުޓީ ސްޕޯކްސްޕާސަން ފަރްހާން ހައްގު ވިދާޅުވެއްޖެ.

"އެއީ ބަލައިގަނެވޭނެ ކަމެއް ނޫން. އެކަން ވަގުތުން ހުއްޓާލަން ޖެހޭ".

Hostilities have escalated between Israeli forces and #Palestinian armed groups in #Gaza.

Watch the deputy spokesperson for the @UN secretary-general, Farhan Haq, explain the #humanitarian impact. pic.twitter.com/NmzIomaoSf

— OCHA oPt (Palestine) (@ochaopt) May 10, 2023