ޝައްފާން ނިޔާވީ ކައިވެނި ކުރިތާ 16 ވަނައަށްވީ ދުވަހު!
ސްނޯކްލިންއަށް ގޮސް އުޅެނިކޮށް މިއަދު ނިޔާވި ޝައްފާން ރަޝީދު (24އ) އަކީ އޭނާ އާއި ހަވާލުކުރި މަސްއޫލިއްޔަތުތަކާއި ޒިންމާތައް ވަރަށް ފުރިހަމައަށް އަދާކުރި ފަޔާ ފައިޓަރެއް ކަމަށް މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އިން ބުނެފިއެވެ.
ޝައްފާނަކީ އެއާޕޯޓްގެ އެއާކްރާފްޓް ރެސްކިއު އެންޑް ފަޔާފައިޓިން ޑިޕާޓްމަންޓްގައި އޮންނަ ސީ ރެސްކިއު އޮޕަރޭޝަންސްގައި މަސައްކަތް ކުރަމުން އައި މުވައްޒަފެކެވެ.
ޝައްފާންގެ އާއިލާއަށް ތައުޒިއާ ރައްދުކޮށް އެމްއޭސީއެލް އިން ކުރި ޓްވީޓެއްގައި ބުނީ ޝައްފާން އެކުންފުނީގައި ފަސް އަހަރަށްވުރެ ގިނަ ދުވަހު މަސައްކަތް ކޮށްފައިވާ ކަމަށެވެ. "ޝައްފާންގެ ހަނދާންތައް އަޅުގަނޑުމެން އާކުރާނީ އޭނާ އާއި ހަވާލުކުރެވުނު ޒިންމާތަކާއި މަސްއޫލިއްޔަތުތައް ވަރަށް ފުރިހަމައަށް އަދާކުރި ފަޔާ ފައިޓަރެއްގެ ގޮތުގައި." އެމްއޭސީއެލް އިން ބުންޏެވެ.
It is with our deepest sorrow that we inform the demise of our Fire Fighter Shaffan Rasheed today. Shaffan served MACL for more than 5 years at ARFF Sea Rescue Operations.
May Allah grant him jannathul Firdaus and give strength to his family. pic.twitter.com/kkYmFu96vb— Maldives Airports Company Ltd - MACL (@MACLmedia) September 21, 2020
އެއާޕޯޓްގެ ފަޔާ އެންޑް ރެސްކިއު ޑިޕާޓްމަންޓުން ކުރި ޓްވީޓެއްގައި ވެސް ވަނީ ޝައްފާންގެ އާއިލާއަށް ތައުޒިއާ ކިޔާފައެވެ.
It is with great sadness that we inform the passing of brother Shaffan Rasheed today (21-09-2020).
A day of grief to ARFF family.
Our most sincere condolences to his family and friends in the time of sorrow. pic.twitter.com/mP3yw7g5lZ— Maldives Airport Fire & Rescue (@AirportFire_mv) September 21, 2020
ޝައްފާން މިއަދު ހެނދުނު މާލޭ ވެސްޓްޕާކް ސަރަހައްދަށް ސްނޯކްލިންއަށް ދިޔައީ އެކަންޏެވެ. އޭނާ ސްނޯކްލިންއަށް ދިޔައީ ހެނދުނު 11:00 ކަންހާއިރުއެވެ. އޭނާގެ ޚަބަރެއް ނުވެގެން ކޯސްޓްގާޑަށް ރިޕޯޓް ކޮށްފައި ވަނީ މިއަދު ހަވީރު 16:36 ކަންހާއިރުއެވެ.
ޝައްފާންގެ ހަށިގަނޑު ފެނުނީ އޭނާ ހޯދުމުގެ މަސައްކަތް ކުރަމުން ގެންދިޔަ އާއްމުންގެ ބަޔަކަށެވެ. ޝައްފާން ފެނުނީ އޭނާ ގެއްލިގެން ރިޕޯޓް ކުރިތާ ގަޑިއެއްހާއިރު ފަހުންނެވެ. ޝައްފާންގެ ހަށިގަނޑު ފެނުނުއިރު ވެސް އޭނާ ވަނީ ނިޔާވެފައެވެ.
ޝައްފާނަކީ އަލްކެމީ ސްޕްރިންފިޝިން އާއި ޑޮގްޓެއިލް ސްޕްރިންފިޝްގެ އެމްބެސެޑަރެއް ވެސް މެއެވެ. ސްނޯކްލިން ކުރަން ޝައުގުވެރިކަން ހުންނަ މީހުންނާއި ސްޕޯޓް ފިޝިންއަށް ޝައުގުވެރިކަން ހުންނަ ވަރަށް ގިނަ ބަޔަކު އިންސްޓަގްރާމުން އޭނާ ފޮލޯ ކުރެއެވެ.
އާއްމުކޮށް ސްނޯކްލިންގެ މަންޒަރުތައް ޝައްފާން އިންސްޓަގްރާމްގައި ހިއްސާ ކުރަމުން ގެންދިޔަ ނަމަވެސް މިއަދުގެ އެއްވެސް މަންޒަރެއް އޭނާ އިންސްޓަގްރާމްގައި ހިއްސާކޮށްފައެއް ނުވެއެވެ.
ޝައްފާންގެ ކުއްލި މަރާއި ގުޅިގެން ވަރަށް ގިނަ ބަޔަކު އަންނަނީ މީސް މީޑިއާގައި ހިތާމަފާޅު ކުރަމުންނެވެ. އޭގެ ތެރޭގައި އޭނާގެ ރަހުމަތްތެރިންނާއި، ނުދަންނަ މީހުން ވެސް ހިމެނެއެވެ.
Emme handhaan vaanee shaffan ge hinithun vun. Varah hiy heyo meeheh
ކީއްވެގެންތަ މަރުވާ ހުރިހާ އެންމެންގެ ވާހަކަ ނުޖަހަނީ..