އަދާލަތު ޕާޓީގެ ރައީސް ކަމަށް އަންހެނަކަށް ކުރިމަތި ނުލެވޭ ގޮތަށް އޮތުމުން އެ ކަން އިސްލާހު ކުރަންށާއި އެ ޕާޓީއަށް ފިޔަވަޅު އަޅަން ބައެއް މީހުން ގޮވާލައިފިއެވެ.
އަދާލަތު ޕާޓީގެ ދުސްތޫރުގައި ނުވަތަ ޕާޓީގެ އަސާސީ ގަވާއިދުގައި އޮންނަ ގޮތުން ޕާޓީގެ ރައީސްކަމަށް ކުރިމަތިލެވޭނީ ހަމައެކަނި ފިރިހެނުންނަށެވެ. އެއީ 2010 ވަނަ އަހަރުން ފެށިގެން އެ ޕާޓީގެ ގަވާއިދު އޮންނަ ގޮތެވެ. މި މަހުގެ 23 ގައި އެ ޕާޓީގެ ރައީސް އާއި ނައިބު ރައީސް އިންތިހާބު ކުރުން އޮތް އިރު، އެ ޕާޓީގެ ގަވާއިދު ބަދަލު ކުރަން ބޭނުންވާ ކަން އެ ޕާޓީގެ ބައެއް މެންބަރުން ވެސް ވަނީ ބުނެފައެވެ.
އަދާލަތު ޕާޓީގެ ފޮރިން އެފެއާޒް ކޮމިޓީގެ ޗެއާ އަދި ކުރީގެ ޖެންޑާ މިނިސްޓަރު ޝިދާތާ ޝަރީފް ބައެއް މީޑިއާތަކަށް ވިދާޅުވެފައިވަނީ ކޮންމެ ސިޔާސީ ޕާޓީއެއްގެ ލީޑާޝިޕްގެ ކޮންމެ މަގާމަކަށް އަންހެން ބޭފުޅަކު ކުރިމަތިލެވެން ޖެހޭނެ ކަމަށް ގަބޫލުފުޅު ކުރައްވާ ކަމަށާއި އަދާލަތު ޕާޓީގެ ގަވާއިދު ބަދަލު ކުރަން ޖެހޭ ކަމަށެވެ. އެކަމަކު އެ ޕާޓީގެ ރައީސް ކަމަށް އޭނާ ކުރިމަތިލުމާ މެދު އަދި ގޮތެއް ނުނިންމާ ކަމަށް ޝިދާތާ ވިދާޅުވިއެވެ.
Yageenthaa. Adalath party ge raees jaluga onnevi iru e party ge adu nukendi othee hiyvarugadha dhe anhen beyfulhunge sababun. Adalath Party ge raeeskamah @shidhatha kithanmehaaves qaabil. https://t.co/BWmuUxS5lm
— Dhiyana ?🌹 (@dhiyanasaid) January 2, 2021
ކުރީގެ ބަންޑާރަ ނައިބު ދިޔާނާ ސައީދު ވަނީ ޝިދާތާގެ ވާހަކައަށް ތާއީދު ކުރައްވައި ޓްވީޓެއް ކުރައްވައިފައެވެ. އޭނާ ވިދާޅުވީ އަދާލަތު ޕާޓީގެ ރައީސް ޝައިހް އިމްރާން އަބްދުﷲ ޖަލުގައި ހުންނެވިއިރު ޕާޓީގެ އަޑު ނުކެނޑި އޮތީ ހިތްވަރުގަދަ އަންހެން ދެ ބޭފުޅުންގެ މަސައްކަތުން ކަމަށެވެ. ދިޔާނާ ފާހަގަކުރެއްވީ މަޖިލީހުގެ މަކުނުދޫ ދާއިރާގެ ކުރީގެ މެންބަރު އަނާރާ ނައީމްއާއި ޝިދާތާއަށެވެ. އެ ޕާޓީގެ ރައީސަކަށް ޝިދާތާ ގާބިލް ކަމަށް ވެސް ވިދާޅުވިއެވެ.
ޓްވީޓާގައި ބައެއް މީހުން ވަނީ އަދާލަތު ޕާޓީގެ ދުސްތޫރު ބަދަލުނުކޮށް ބާއްވާނަމަ އެ ޕާޓީއަށް ފިޔަވަޅު އަޅަން ވެސް ގޮވާލައިފައެވެ.
އިލެކްޝަންސް ކޮމިޝަންގެ މެންބަރު ފުއާދު ތައުފީގް ކުރެއްވި ޓްވީޓެއްގައި ވިދާޅުވީ ކޮންމެ ސިޔާސީ ޕާޓީއަކުން ވެސް ރާއްޖޭގެ ގާނޫނު އަސާސީއާއި ގާނޫނުތަކަށް ތަބާވާން ޖެހޭނެ ކަމަށެވެ. ޖިންސުގެ ހަމަހަމަކަން އޮތުމަކީ ގާނޫނު އަސާސީގެ އަސާސީ ހައްގުތަކުގެ ބާބުގެ އެއް ސިފައެވެ. ފުއާދު މިހެން ވިދާޅުވެ ކުރެއްވި ޓްވީޓްގައި އެ ކޮމިޝަންގެ ރައީސް އަހްމަދު ޝަރީފްގެ ޓްވީޓާ އެކައުންޓް ޓެގް ކުރެއްވިއެވެ.
Komme siyaasee party akun ves Dhivehi Raajjey ge Qaanoon Asaasee aai Qaanoon thakah thabaa'vaan jehe eve. @ShareefRangondi https://t.co/VhPMf7FaZG
— Fuwad Thowfeek (@FuwadThowfeek) January 2, 2021
އައްޑޫ ސިޓީގެ މޭޔަރު ކަމަށް ވާދަކުރައްވާ އެމްޑީޕީގެ ކެންޑިޑޭޓް އަދި ރައްޔިތުންގެ މަޖިލީހުގެ ހިތަދޫ ދެކުނު ދާއިރާގެ ކުރީގެ މެންބަރު އަލީ ނިޒާރު ކުރެއްވި ޓްވީޓެއްގައި ވިދާޅުވީ އަންހެނުންނަށް އަދާލަތު ޕާޓީގެ ރައީސް ކަން ނުކުރެވޭ ގޮތަށް އެ ޕާޓީގެ ދުސްތޫރު ދަމަހައްޓައިފިނަމަ އެ ޕާޓީއަށް ފިޔަވަޅު އަޅަން ޖެހޭނެ ކަމަށެވެ.
Anhenun nah @AdhaalathOffice ge Raees kan nukurevey gothah party ge usool thah dhamahattaanma adhaalath party aai dheytherey fiyavalhu alhan jehey. @ElectionsMv @shidhatha https://t.co/fey6hAy1vY
— Ali Nizar (@DhekunuNizar) January 3, 2021
އަދާލަތު ޕާޓީގެ ރައީސް ކަމަށް އަންހެނަކަށް ކުރިމަތި ނުލެވޭ ގޮތަށް އަދިވެސް އޮތް އިރު ކުރިން އޮތީ އެ ޕާޓީގެ ނައިބު ރައީސް ކަމަށް ވެސް އަންހެނަކު ކުރިމަތި ނުލެވޭ ގޮތަށެވެ. އެކަމަކު މި މަހު ބާއްވާ އިންތިހާބާ ދިމާކޮށް އަންހެނަކު ނައިބު ރައީސް ކަމަށް ކުރިމަތިލެވޭ ގޮތަށް ޕާޓީގެ ދުސްތޫރު ވަނީ ބަދަލުކޮށްފައެވެ. ރާއްޖޭގެ އެހެން ސިޔާސީ ޕާޓީތަކުގެ ރައީސް ކަމަށް ކުރިމަތިލެވެއެވެ.
އިމްރާނަކީ އަންހެނެއް! ވީމާ އިތުރަށް އަންހެންބޭފުޅަކު ހޮވުމުގެ ބޭނުމެއް ނެތް!
އެމްޑީޕީގެ ހުރިހާ ބޮޑެތި މަގާމެއް ގަ ފިރިހެނުން ތިބެނީ 😠😠😠.... ހާދަ ދެރަކަމެކޭ... އެމްޑީޕީ ގެ މަތީ މަގާމްތައް ދެނީ ހުސް އަންނި އާއިލާ ބޭފުޅުންނަށާ ގާތް ރަހުމަތްތެރިންނަށް. .. މަޖުލީހުގެ މެމްބަރަކަށް ވެސް ލީ އަންނިގެ ކަޒްން... 😡😡😡 އެމްޑީޕީގެ މެމްބަރުން މާ ގިނަ.. . އިންސާފެއް ނެތް.... Autocracy. ހީވަނީ އެމްޑީޕީ އަކީ ޝާހީ ވެރިކަމެއް ކުރާ ޕާޓީ އެއް ހެން.... މިކަން ރަގަޅު ކުރަން ޖެހޭ...
ކޮން ޕާޓީ އެއް ގެ ރައީސް ކަމުގަ އަންހެން ބޭކަބަލަކު ހުރީ 🤣🤣🤣🤣... އަންހެން މޮޔަ ހައްދާފަ އެމްޑީޕީން ވެސް ހޮވަނީ ފިރިހެނަކު
ޖަހާލަތު ޕާޓީ
ނިކަމެތި އިންސާނާ މާގަދަވެފައި ބިމުގައި ބާރަށް ފައިޖަހާފައި އިންޓަނެޓްގައި ގަދަބަސް ބުނަމުން މާތްﷲ އާއި އެކަލާނގެ ރަސޫލާގެ ރިސާލަތަށް މަލާމާތްކުރަމުން ގެންދިޔައަކަސް މިދީން ފޮހެވިގެންނުދާނެ. އެމީހަކު ކުރިކަމަކާއި ދެއްކިވާހަކައަކާއި ސުވާލުކުރެވޭނީ އެމީހަކާއި.
ނިޒާރު އެބުނިއެއްޗެއް އެބުނީ ކެމްޕެއިންއަށް ރައީސް ނަޝީދުގެ ތާއީދާއި އެމްޑީޕީގެ ހާޑްކޯގެ ތާއީދު ހޯދުމަށް ކަމަށް ވަރަށްބޮޑަށްހީވޭ. ވޯޓުގެ ކުރިން މަރުވެއްޖެއްޔާމު މާތްﷲގެ ދަރުބާރުގައި ތިހެން މަލާމާތާއި ގަދަބަސްނުބުނެވޭނެކަން ހަނދާންބެހެއްޓުން ބުއްދިވެރި.